Գարուն (ամսագիր, Երեւան)

Գարուն
Պատկեր:Գարուն (ամսագիր, Երևան).jpg
Տեսակ	պարբերաթերթ
Լեզու	հայերեն
Խմբագիր	Աշոտ Գաբրիելյան
Երկիր	Երևան
Գրասենեակ	Երեւան, Հայաստան
Տպաքանակ	500
Հայկական ԱԳ	0
ISSN	[1] 0257-9901
ISI	0
SCOPUS	0
ԲՈՀ ցանկ	1
Թեմատիկ դասիչ	77719
OCLC	8338804

«Գարուն», գրական-գեղարուեստական, հասարակական-քաղաքական անկախ ամսագիր։ Կը տպագրուի Երեւանի մէջ 1967 թուականէն։ Կը տպագրէ հայ անուանի եւ երիտասարդ գրողներու ստեղծագործութիւնները, ակնարկներով, յօդուածներով եւ հարցազրոյցներով կը բարձրացնէ ու կը լուսաբանէ հասարակական, տնտեսական, բարոյախօսական, գիտական, դաստիարակչական հարցեր։ Մինչեւ 1991 եղած է ՀԼԿԵՄ Կենտկոմի, Հայաստանի Գրողների Միութեան հրատարակութիւնը, այնուհետեւ եղած է անկախ պարբերական։

Պատմութիւն

1967-1975

Ամսագրի առաջին համարին մէջ կը հրապարակուին Բորիս Պոլեւոյի, Յովհաննես Բաղրամեանի, Սերգէյ Սմիռնովի, Մարիետա Շահինեանի, Արամ Խաչատրեանի, Սերգէյ Մերկելեանի ողջոյնի եւ շնորհաւորանքի խօսքերը ամսագրի լոյսընծայման կապակցութեամբ։ Անդրանիկ համարի խմբագրականին մէջ գրուած է.

Մեր ամսագրին վիճակված է ընթերցողներից լավագույնը։ 16-17 տարեկանը նոր-նոր փորձում է հասկանալ աշխարհի ու ժամանակի բարդությունը, հասկանալ ինքն իրեն, սիրում ու հուսահատվում է՝ իր մեջ ունենալով Համլետի հոգու մի մասնիկը, ներքին բոլոր իմպուլսներով պատրաստ է ամենախելագար սխրանքների։ 16-17 տարիքը մեր ելման կետն է, որ հասնում է մինչև 30-33, գուցե նաև 40 տարի, որովհետև այդ տարիքից հետո ոչ ոք չի ուզում մեծանալ։ Այս տարիքում գտնված են շատ հարցերի պատասխանները, գտնված է տեղը կյանքում, հոգին ավելի քիչ է պատրաստ խելահեղ քայլերի։ Մեր ընթերցողների հետ մենք պիտի անցնենք այս ճանապարհը՝ 16-40. և պիտի անցնենք ոչ թե տարիների ընթացքում, այլ յուրաքանչյուր համարի մեջ։ Դա բարդ է, երբեմն անհնար, բայց մենք կփորձենք, կորոնենք։

1967-1975 խմբագրակազամը

1967-1975 թուականներուն ամսագրի գլխաւոր խմբագիրն էր Վարդգէս Պետրոսեանը։ Այս տարիներուն խմբագրական աշխատակազմի անդամ եղած են Էմին Արիստակէսեանը, Մինաս Աւետիսեանը, Էտուարտ Արեւշատեանը, Էմիլ Գաբրիէլեանը, Խաժակ Գիւլնազարեանը, Ֆրունզէ Դովլաթեանը, Գէորգ Էմինը, Գէորգ Խրլոբեանը, Անժիկ Յակոբեանը (պատասխանատու քարտուղար), Նորա Յակոբեանը։ Գեղարուեստական խմբագիր եղած է Ալեքսանտր Գրիգորեանը։ Խմբագրութիւնը գտնուած է Իսահակեան 28 հասցէին վրայ։

1967-1975 պոեզիան

1967-1975 ամսագրին մէջ տպագրուած են Պարոյր Սեւակի, Հրաչեայ Սարուխանի, Վահագն Դաւթեանի, Հենրիկ Էտոյեանի, Դաւիթ Յովհաննէսի, Արտակ Ոսկանեանի, Գէորգ Էմինի, Ալեք Խաչունցի, Յովհաննէս Գրիգորեանի, Կարօ Մելիքսեթեանի, Արամայիս Սահակեանի, Արեւշատ Աւագեանի, Համօ Սահեանի, Թաթուլ Բոլորչեան եւ ուրիշներու բանաստեղծական շարքերը։

1967-1975 գեղարուեստական արձակը

1967-1975 ամսագրին մէջ արձակ ստեղծագործութիւններով հանդէս եկած են Յովհաննէս Մելքոնեանը, Գրիգոր Ջանիկեանը, Մկրտիչ Սարգսեանը, Վարդգէս Պետրոսեանը, Արնոլտ Աղաբաբեանը, Հրաչեայ Մաթեւոսեանը, Հենրիկ Բադալեանը, Մուշեղ Գալշոյեանը, Խաժակ Գիւլնազարեանը, Ռուտոլֆ Մարտիրոսեան եւ ուրիշներ։

1967-1975 հարցազրոյցներ

1967-1975 հարցազրոյցներ ըրած են Հանրապետութեան նախարարներու խորհուրդի նախագահ Բադալ Մուրադեանի, կապի նախարար Թ. Ս. Մինասեանցի, կինոռեժիսոր, Հայաստանի կինոմատոգրաֆիայի միութեան առաջին քարտուղար Ֆրունզէ Դովլաթեանի, հասարակական կարգի պահպանութեան նախարարի տեղակալ Սուրէն Ոսկանեանի եւ ուրիշներու հետ։

Թորոս Թորանեանը հարցազրոյցներ վարած է Սփիւռքի մէջ գտնուող հայ արուեստագէտներու՝ Վահէ Քաչայի, Գառզուի, Ալեքսանտր Սարուխանի հետ։

Հարցազրոյցներ ներկայացուցած են նաեւ թարգմանուած արտասահմանեան մամուլէն (Լուի Արագոն (բելգրական «Լը պուան») եւ այլն)։

1967-1975 թարգմանութիւնները

1967-1975 ամսագրի էջերուն մէջ թարգմանաբար ներկայացուած են Ալեքսանդր Գորբովսկին, Փօլ Էլյուարը, Ռէյ Բրեդբերին, Թադէուշ Ռուժեւիչը, Ճորճ Տիուամելը, Լորինա Դիմովան, Վլատիմիր Բաշեւը, Նեդիալկօ Յօրդանովը, Նատիա Կեխլիբարովան, Քարլոս Աուգուստօ Լեոնը, Տրիստան Ցարան, Վոլֆգանգ Բորխերտ եւ ուրիշներ։ Թարգմանութիւնները կատարած են Աբրահամ Ալիքեանը, Կարէն Սիմոնեանը, Համօ Սահեանը, Լեւոն Միրիջանեանը, Վահագն Կարէնցը, Մետաքսէն, Հենրիկ Սեւանը եւ ուրիշներ։

Թարգմանութիւններ եղած են նաեւ ժամանակակից արտասահմանեան մամուլէն։

Գիտութիւնը 1967-1975 հրապարակումներուն մէջ

1967-75 գիտական հրապարակումներով հանդէս եկած են աստղագէտներ Վիքտոր Համբարձումեանը, Էլմա Պարսամեանը, պատմաբաններ՝ Վարդան Գրիգորեանը, Արամայիս Մնացականեանը, Հայկ Հայրապետեանը, Համբարձում Կարապետեանը, փիլիսոփայ Գէորգ Խրլոպեանը, բժիշկ-պատմաբան Արծրուն Կծոյեանը եւ ուրիշներ։

Արուեստը 1965-1975 հրապարակումներուն մէջ

1967-1975 արուեստաբանական նիւթեր հրապարակած են Հենրիկ Իգիթեանը, Արտօ Չաքմաքչեանը, Մանիա Ղազարեանը, Արմէն Զարեանը, Սուրէն Յասմիկեանը եւ ուրիշներ։

Սպորտը 1967-1975 հրապարակումներուն մէջ

Մարզական թեմաներով ակնարկներ գրած են Յովհաննէս Մարտիրոսեանը (Սերգօ Համբարձումեանի եւ ուրիշներու մասին), Վանիկ Զաքարեանը (Չարլզ Մորֆիի եւ ուրիշներու մասին)։

1967-1975 տպաքանակը

Անդրանիկ համարը ունէր 14.867 տպաքանակ, երկրորդը՝ 18300. երրորդը՝ 18494, չորրորդը՝ 13.000:

Խմբագիրներ

• Վարդգէս Պետրոսեան (1967-1975)
• Անժիկ Յակոբեան (1976-1986)
• Մերուժան Տէր-Գուլանեան (1986-1990)
• Լեւոն Անանեան (1990-2001)
• Վարուժան Այվազեան (2002-2015)
• Աշոտ Գաբրիէլեան (2016-2018)

Գրականութիւն

• «Գարուն ամսագրի մատենագիտութիւն» (1967-2000 թթ.): Կազմող՝ Լեւոն Անանեան, Ե., «Ապոլոն», 2011, 512 էջ։

Արտաքին յղումներ

• Ամսագրի Ֆեյսպուքեան էջը
• Գիտական տեղեկատուական վերլուծութեան եւ մոնիթորինգի կեդրոն, Հայաստանի մէջ հրատարակուող գիտական պարբերականներու ցանկ Archived 2016-03-04 at the Wayback Machine.

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։