Ամալ Քլունի
.jpg)
.svg){kind=small}
Ամալ Ռամզի Ալամուտին-Քլունի (անգլերէն՝ Amal Clooney, 3 Փետրուար 1978[1], Պէյրութ, Լիբանան[2]), գրող[4], բարձրակարգ փաստաբան, որ մասնագիտացած է իրաւունքի, քրէական իրաւունքի, մարդու իրաւունքներու պաշտպանութեան եւ արտայանձնման ոլորտներու մէջ[5]:
Ան ներգրաւուած եղած է շարք մը մեծ դատավարութիւններու մէջ, ինչպէս` Էլկինի մարմարները Մեծն Բրիտանիայէն Յունաստան վերադարձնելու դատը, «Ուիքիլիքս»-ի Ճուլիան Ասանժի պաշտպանութիւնը եւ Ուքրանիոյ նախկին վարչապետ Եուլիա Թիմոշենքօյի դատը[5]: Ան նաեւ աշխատած է ՄԱԿ-ի մէջ Լիբանանի հարցերով յատուկ դատարանի դատախազի, ինչպէս նաեւ նախկին Եուկոսլաւիոյ համար Միջազգային քրէական դատարանին հետ:
Կենսագրութիւն
[Խմբագրել | Խմբագրել աղբիւրը]Ծնած է 1978 թուականին, Լիբանան, անոր հայրը տիւրզի է[6], իսկ մայրը` սիւննի մահմետական[7]: Երկու տարեկանին ընտանիքը կը տեղափոխուի Մեծն Բրիտանիա:
Ամալ Իրաւաբանական կրթութիւնը ստացած է Նիւ Եորքի համալսարանի իրաւաբանական բաժանմունքին մէջ եւ աշխատած` Արդարադատութեան միջազգային դատարանին մէջ (Համաշխարհային դատարան):
2010-ին Լոնտոն վերադառնալէն ետք ան դարձած է «Տաութի Սթրիթ Չեմպըրզ» (Doughty Street Chambers) փաստաբան: Եղած է Սուրիոյ հարցերով ՄԱԿ-ի յատուկ յանձնակատար Քոֆի Անանի խորհրդականը։
2013-ին` ՄԱԿ-ի անօդաչու սարքերու քննութեամբ զբաղող խումբին փաստաբանը: Ան գերազանց կը տիրապետէ անգլերէնին, ֆրանսերէնին եւ արաբերէնին[8][9]:
Սեպտեմբեր 2014-ին անոր ամուսնութիւնը Ճորճ Քլունիի հետ լայնօրէն լուսաբանուած է միջազգային մամուլի մէջ:
2015-ին, Ամալ Քլունի Հայաստանը ներկայացուցած է Սթրազպուրկի մէջ` Յունուար 28-ին Մարդու իրաւունքներու եւրոպական դատարանին մէջ (ՄԻԵԴ) «Փերինչեքը ընդդէմ Զուիցերիոյ» վերաքննութեան գործին: «Փերինչեք՝ ընդդէմ Զուիցերիա» գործով ՄԻԵԴ-ի վճիռը արձանագրած է, որ Հայոց Ցեղասպանութիւնը պատմական անառարկելի իրողութիւն է, ինչ որ հայութեան համար յաղթանակ է: Աղմկայարոյց գործով վճիռի հրապարակումէն ետք, իբրեւ երրորդ կողմ գործին մէջ ներգրաւուած Հայաստանի ներկայացուցիչ Ամալ Քլունի յայտնած է․
|
Թուրքիան կրնայ շարունակել այդ իրողութեան ժխտումը, բայց այս որոշումէն ետք անոնք այլեւս չեն կրնար վկայակոչել Մարդու իրաւունքներու եւրոպական դատարանի ստորին պալատի վճիռը։ - Ամալ Քլունի
|
|
Փաստաբանին համաձայն՝ թրքական ժխտողականութիւնը անհեռանկարային էր, կը դանդաղեցնէր այդ երկրի հանրութեան առողջացումը եւ կը բարդացնէր հաշտութիւնը:
|
|
Ինծի համար մեծ պատիւ էր Հայաստանը ներկայացնել այս գործին մէջ։ Համոզուած եմ, որ հայերը հիմնականօրէն չեն մտահոգուիր Փերինչեքի հնչեցուցած արտայայտութիւններով: Հայերուն շատ աւելի սրտամօտ է Հռոմի պապին ուղերձը, որուն մէջ յստակնօրէն կը նշուի Հայոց Ցեղասպանութեան մասին: Միացեալ Նահանգներու նախագահ Պարաք Օպաման եւս, մինչեւ երկիրի ղեկի ստանձնումը, կը կիրարկէր Հայոց Ցեղասպանութիւն եզրը: Ես զգացուած եմ, որ դեր ունեցած եմ այս գործին մէջ:[10] - Ամալ Քլունի
|
|
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 Munzinger Personen
- ↑ 2,0 2,1 2,2 Deutsche Nationalbibliothek Record #1051385075 // Gemeinsame Normdatei — 2012—2016.
- ↑ https://archive.today/Vv6um
- ↑ «5 Things to Know About George Clooney's Fiancee Amal Alamuddin»(անգլերէն)
- ↑ 5,0 5,1 «George Clooney finally meets his match with human rights lawyer Amal Alamuddin»(անգլերէն)
- ↑ «Clooney, Alamuddin set Sept. 20 marriage date»(անգլերէն)
- ↑ «Amal Alamuddin: George Clooney's Betrothed a Star Among Druze Community»(անգլերէն)
- ↑ Lily Harrison and Natalie Finn (26 April 2014)։ «5 Things to Know About George Clooney's Fiancée, Amal Alamuddin (Other Than, OMG, She's Marrying George Clooney!)»։ E!(անգլերէն)
- ↑ Respers France Lisa (28 April 2014)։ «What we know about George Clooney's fiancée»։ CNN(անգլերէն)
- ↑ «Ինծի Համար Մեծ Պատիւ Է Այս Գործին Մէջ Հայաստանը Ներկայացնելը». Ամալ Քլունի»։ արխիւացուած է բնօրինակէն-էն՝ 2019-04-07-ին։ արտագրուած է՝ 2016-12-05
| ||||||||||
