Օրորա (մրցանակ)

Jump to navigation Jump to search

«Օրորա» (անգլ.` "Aurora Prize for Awakening Humanity") համաշխարհային մարդասիրական մրցանակին նպատակն է արժանին մատուցել մեր օրերու հերոսներուն եւ գնահատել այն բացառիկ ազդեցութիւնը, որ անոնց գործունէութիւնը ունեցած է մարդկային կեանքի պահպանման եւ մարդասիրական գործը յառաջ մղելու ոլորտին մէջ: «Աւրորա» մրցանակը պիտի շնորհուի ամէն տարի, Հայոց ցեղասպանութիւնը վերապրողներու անունով` ի երախտագիտութիւն զանոնք փրկողներուն:[1]

Մրցանակը կը շնորհուի ամէն տարի 24 Ապրիլին` հայոց ցեղասպանութեան նահատակներու յիշատակի օրը: Դափնեկիրը կը ստանայ 100 հազար տոլարի պարգեւ եւ բացառիկ հնարաւորութիւն շարունակելու նուիրատուութեան շղթան` 1 միլիոն տոլարի մրցանակը ներկայացնելով զինք ոգեշնչած կազմակերպութիւններուն:[2]

Նախապատմութիւն[Խմբագրել | Խմբագրել աղբիւրը]

«Աւրորա» համաշխարհային մարդասիրական մրցանակը «Աւրորա» մարդասիրական նախաձեռնութեան նախագիծերէն մէկն է:[3] Ան պաշտօնապէս մեկնարկած է 201510 Մարտին Նիւ Եորքի մէջ: «Աւրորա» մրցանակի հիմքը հայոց ցեղասպանութեան տարիներու խիզախութեան ու գոյապայքարի ոգեշնչող պատմութիւններն են: Մրցանակը անուանուած է Արշալոյս Մարտիկեանի անունով, ով դառնալով Հայոց ցեղասպանութեան ականատեսը, փրկուելով ստրկութենէն, երկրէ երկիր տեղափոխուելով` ի վերջոյ հասած է Միացեալ Նահանգներ: Ան ստացած է Աւրորա Մարտիկանեան անունը եւ գրած՝ «Յօշոտուած Հայաստան» գիրքը, ուր պատմած է իր վերապրած սարսափելի իրադարձութիւններուն մասին: Այս գիրքը հետագային հիմք ծառայեց ֆիլմի մը համար, որու գլխաւոր դերակատարը Աւրորան էր: Տարիներ շարունակ այս ֆիլմը մեծ ճանաչում գտաւ Միացեալ Նահանգներուն մէջ եւ հսկայական դեր խաղաց Հայոց ցեղասպանութեան մասին իրազեկման գործին մէջ: Հռոմէական դիցարանի արշալոյսի աստուածուհին` Աւրորան եւս ծառայած է իբրեւ մրցանակի անուանման ներշնչանքի աղբիւր. մրցանակը նպատակ ունի լոյս սփռելու այն հերոսական ջանքերուն վրայ, որոնք թէպէտ յաճախ կը մնան աննկատ, բայց աւելի լուսաւոր կը դարձնեն դժուարութեան մէջ գտնուողներու կեանքը:[4]

«Յօշոտուած Հայաստան» գրքի շապիկը

100 LIVES-ի Մասին[Խմբագրել | Խմբագրել աղբիւրը]

100 LIVES նախաձեռնութեան հիմքը Հայոց ցեղասպանութեան իրադարձութիւններն են: Նախագծի համահիմնադիրներն են ձեռներէց ներդրող Նուպար Աֆէյեանը, Նիւ Եորքիէն՝ Վարդան Գրեգորեանը եւ բարերար ու գործարար Ռուբեն Վարդանեանը:[5] 100 LIVES-ը կը հրապարակէ Հայոց ցեղասպանութեան վերապրածներուն եւ անոնց փրկութեան ձեռք մեկնած մարդոց մասին պատմութիւնները: Այս պատմութիւնները հաւաքուած են գիտական հետազօտութիւններու, անձնական կապերու եւ 100lives.com կայքով հանրութեան կողմի պատմութիւնները ներկայացնելու միջոցով:[6]

Հիմնադիրներ[Խմբագրել | Խմբագրել աղբիւրը]

«Աւրորա» մրցանակը Վարդան Գրեգորեանի, Նուպար Աֆէյեանի եւ Ռուբեն Վարդանեանի մարդասիրական ձեռնարկութիւնն է: Մարդոց ուշադրութիւնը աշխարհի ամենախոցելի խումբերու խնդիրներուն վրայ կենդրոնացնելով եւ անոնց լուծման ուղղութեամբ իրական ու նշանակալի գործ կատարած մարդոց պարգեւատրելու միջոցով` հիմնադիրները կը փորձեն ձեւաւորել մարդասիրական համաշխարհային նոր շարժում մը:[7]

Առաջադրում եւ Ընտրական Գործընթաց[Խմբագրել | Խմբագրել աղբիւրը]

Առաջադրում[Խմբագրել | Խմբագրել աղբիւրը]

Ամէն տարի «Աւրորա» մրցանակը կը դիմէ մարդասիրական կազմակերպութիւններուն եւ հանրութեան` կոչ ընելով առաջադրել այնպիսի անհատներու, որոնք, արտաքին մեծ վտանգներ յաղթահարելու գնով, բացառիկ ազդեցութիւն ունեցած են մարդկային կեանքի փրկութեան եւ մարդասիրութիւնը յառաջ մղելու գործին մէջ:[8]

«Աւրորա» մրցանակին թեկնածու կրնայ ըլլալ որեւէ անհատ կամ խումբ, որ ուշադրութիւն գրաւած է մարդասիրական բացառիկ արարքով: Ինքնառաջադրումներ թոյլատրուած չեն:[9]

Ընտրութիւն[Խմբագրել | Խմբագրել աղբիւրը]

Առաջադրուած թեկնածութիւնները կ'ուսումնասիրուին եւ կը դիտարկուին խիստ ընթացակարգով: Վերջնական ընտրութիւնը կը կատարէ անկախ Ընտրող յանձնաժողովը[10], որու որոշումը հիմնուած կ'ըլլայ թեկնածուի ցուցաբերած հետեւեալ յատկանիշներուն հիման վրայ.

  • խիզախութիւն զգալի յաղթահարումն է, մասնագիտական պարտքէն աւելին ընելն է յանուն մարդկային կեանքի:
  • նուիրուածութիւն այնպիսի արժէքներու, ինչպէս ազնուութիւնը, ազատութիւնը, արդարութիւնը, ճշմարտապահութիւնը, պատասխանատուութիւնն ու կարեկցանքը:
  • ազդեցութիւն իրենց համայնքի, երկրի եւ աշխարհի վրայ, երկարաժամկէտ հետեւանքներ ունենալը մարդկանց փրկութեան գործին մէջ, մարդկանց ոգեշնչումը` մղելով անոնց կեանքերը փրկելու:[11][12]

«Աւրորա» Մրցանակ – 2016[Խմբագրել | Խմբագրել աղբիւրը]

Ընտրող Յանձնաժողով[Խմբագրել | Խմբագրել աղբիւրը]

«Աւրորա» մրցանակաբաշխութեան անդրանիկ տարուան յաղթողները պիտի ճշդուին հեղինակաւոր դատական կազմի մը կողմէ, որու անդամներն են՝ Ճորճ Քլունին, Նոպէլեան մրցանակի դափնեկիրներ Էլի Վիզըլն ու Քոսթա Ռիքայի նախկին նախագահ Օսքար Արիասը, ՄԱԿ-ի Մարդու Իրաւունքներու Յանձնախումբի նախկին բարձրագոյն յանձնակատար, Իրլանտայի առաջին կին նախագահ (1990-97) Մերի Ռոպինսընը, Իրանի առաջին կին դատաւոր Շիրին Էպաթին, Կանանց Խաղութեան եւ Անվտանգութեան Ցանցի (WIPSEN-Africa) գործադիր տնօրէն Լեյմայ Գբովեն, Աւստրալիայի նախկին արտաքին գործոց նախարար եւ Ցեղասպանութիւններու կանխարգիլման գծով ՄԱԿ-ի խորհրդականի ներկայացուցիչ Կէրըթ Էվընզը, արդու իրաւունքների աքթիւիսթ Հինայ Ջիլանին, Միջազգային ճգնաժամային խմբի նախկին ղեկավար Կէրըթ Էվընզը, ինչպէս նաեւ Նիւ Եորքի մէջ գործող Քառնըկի համագործակցականի նախագահ, իրանահայ Վարդան Գրիգորեանը:[13]

Թեկնածութիւններու առաջադրում[Խմբագրել | Խմբագրել աղբիւրը]

2016-ի «Աւրորա» մրցանակի թեկնածութիւններու առաջադրումը սկսած է 2015 1 Յուլիսին եւ աւարտած` 1 Հոկտեմբերին: Ներկայացուած 186 առաջադրումները ներառած են 113 թեկնածուներ` 27 երկրներէ:

Յաւակնորդներ[Խմբագրել | Խմբագրել աղբիւրը]

  • Տոքթոր Թոմ Քաթինա Սուտանի Նուպա լեռներու «գթութեան մայր» հիւանդանոցի բժիշկն է: Ամերիկացի մասնագէտը Հարաւային Սուտանի սահմանակից այս գօտիին մէջ մնայուն կերպով ներկայ միակ բժիշկն է եւ առանձին կը սպասարկէ այդ տարածքի 500 հազար բնակչութեան: Հակառակ Սուտանի կառավարութեան կողմէ տարածաշրջանի անդադար ռմբակոծումին, ան երբէք չի լքեր հիւանդանոցի տարածքը, որպէսզի գիշեր ցերեկ հասանելի ըլլայ վիրաւորներուն: Դոկտոր Քաթինան TIME պարբերականի կողմէ դասուած է 2015-ի ամէնէն ազդեցիկ անհատականութիւններու շարքին:[14]
  • Սայիտա Ղուլամ Ֆաթիմա իր կեանքը նուիրած է մերօրեայ ստրկութեան ձեւերէն մէկուն` կախեալ շահագործման վերացման համար Փաքիստանի մէջ տարուող պայքարին: Անոր գլխաւորած «Կախեալ շահագործուողներու ազատագրման ճակատ»ը օգնած է բազում մարդոց, ինչպէս` 21 հազար երեխաներու, որոնք ստիպուած եղած են աշխատիլ աղիւսի թրծարաններուն մէջ` ծնողներու պարտքերը փակելու համար: Ֆաթիմայի դէմ բազմաթիւ մահափորձեր կատարուած են: Գործունէութեան ընթացքին ան բազմաթիւ անգամներ ենթարկուած է ֆիզիքական բռնութեան:
  • Հայր Պերնառ Կինուի հոգեւորական դարձած է 19 տարեկանին` հօրը եւ չորս քոյրերու մահէն ետք: Հայրենի Տոգոյէն ան գործուղուած է Կեդրոնական Ափրիկեան Հանրապետութիւն` գլխաւորելու տեղի կաթոլիկ առաքելութիւններէն մէկը: 2012-ին, երկրի քաղաքացիական պատերազմին ընթացքին Հայր Կինուին ապաստան եւ բժշկական օգնութիւն տրամադրած է հակամարտութեան երկու կողմերուն` հետապնդումէն փրկելով հարիւրաւոր մարդիկ:[15]

Մրցանակաբաշխութիւն[Խմբագրել | Խմբագրել աղբիւրը]

«Աւրորա» անդրանիկ մրցանակաբաշխութիւնը տեղի ունեցաւ 201624 Ապրիլին Երեւանի Կարէն Դէմիրճեանի անուան մարզահամերգային համալիրին մէջ:[16]

Հանդիսավարները[Խմբագրել | Խմբագրել աղբիւրը]

Մրցանակաբաշխութիւնը կը վարէին Տէյվիտ Իկնաթիոս «Washington Post» («Ուաշինկթըն Փոսթ») օրաթերթէն եւ յայտնի օփերային երգչուհի Յասմիկ Պապեանը:

Ֆիլմերը[Խմբագրել | Խմբագրել աղբիւրը]

Մրցանակաբաշխութիւնը մեկնարկեց «Աւրորա» ֆիլմով, որու բեմադրիչը Էրիք Նազարեանն է: Ֆիլմին ընթացքին կը հնչէ Սերժ Թանքեանի «Աւրորայի Երազանքը» երգը:[17] Յաւակնորդներէն իւրաքանչիւրը կը ներկայացուի Անտրէ Լոշաքի հեղինակած ֆիլմերով:[18]

Ելոյթները[Խմբագրել | Խմբագրել աղբիւրը]

Մրցանակաբաշխութեան արարողութեան ժամանակ կենդանի երաժշտութիւնը կը հնչէր Հայաստանի Պետական Երիտասարդական Նուագախմբի կատարումով` Սերգէյ Սմբատեանի խմբավարութեամբ: Արարողութեան ֆանֆարներու հեղինակը Ստեփան Շաքարեանն է: Մանուէլ Մաթեւոսեանի կերտած արձանիկը կը ներկայացուի «Զոյգ Արեւներ» պալէյի հատուածի ուղեկցութեամբ` «Պալէ 2021 Հիմնադրամ» պարային խումբի կատարմամբ (պարուսոյց Ռուտոլֆ Խառատեան)` զուգորդուած Աւետ Տէրտէրեանի եւ Առնօ Բաբաջանեանի երաժշտութեամբ: Հայաստանի Պետական Երիտասարդական Նուագախմբը կատարեց հատուած մը Արամ Խաչատրեանի «Զանգերի Սիմֆոնիա»էն: Սոփրանօ Յասմիկ Պապեանը կատարեց Բարսեղ Կանաչեանի «Օրօր»ը: Արարողութիւնը աւարտեցաւ «Քեզ համար, Հայաստա՛ն» երգով` Գէորգ Յակոբեանի եւ Հայաստանի Պետական Երիտասարդական Նուագախումբի կատարումով:[17]

Դափնեկիր[Խմբագրել | Խմբագրել աղբիւրը]

Մարգարիտ Բարանկիցե (2).JPG

«Աւրորա» անդրանիկ մրցանակը շնորհուած է Պուրունտիի «Խաղաղութեան Տուն» (Maison Shalom) խնամքի տան եւ REMA հիւանդանոցի հիմնադիր Մարգարիտ Բարանկիցէին` երկրին մէջ բռնկած քաղաքացիական պատերազմի տարիներուն որբերուն ու փախստականներուն խնամելու եւ հազարաւոր կեանքերու փրկութեան գործին մէջ իր ունեցած անգնահատելի ազդեցութեան համար:

Բարանկիցէն իր կեանքը նուիրաբերած է դաժանութենէ եւ բռնութենէ փրկուիլ փորձող երեխաներուն ապահով ապաստան ու կրթութիւն տրամադրելու: Պատերազմի սկզբնաւորութեան, ազգութեամբ թութսի Բարանկիցէն հետապնդումէ փրկելու նպատակով փորձած է թաքցնել ազգութեամբ հութու 72 ամենամօտ հարեւանները: Սակայն անոնց բոլորին գտած ու տեղնուտեղը սպաննած են` Մարգարիտին ալ հարկադրելով այդ ոճիրի ականատեսը ըլլալ: Այս սոսկալի փորձառութենէն ետք, որը իսկական քննութիւն էր մարդկայնութեան հանդէպ իր հաւատքի համար, Մարգարիտ Բարանկիցէն կը սկսի փախստականներուն եւ երեխաներուն փրկելու ու խնամելու իր գործունէութիւնը: Յաջորդած 20 տարիներուն ան կը յաջողի փրկել ընդհանուր առմամբ 30 հազար երեխայի, իսկ 2008 թուականներուն կը բանայ հիւանդանոց, ուր մինչեւ օրս բժշկական օգնութիւն ստացած է 80 հազար մարդ:[19][20][21][22]

Կաղապար:Մեջբերում

Կազմակերպութիւններ[Խմբագրել | Խմբագրել աղբիւրը]

2016 թուականին «Աւրորա» մրցանակի դափնեկիր Մարգարիտ Բարանկիցէն 1 միլիոն տոլարի մրցանակը ուղղած է իրեն ոգեշնչած հետեւեալ կազմակերպութիւններուն` Ժան-ֆրանսուա Փեթերսպուրկ հիմնադրամ (Fondation Jean-Francois Peterbroeck), Կրանտ-դուքս եւ Կրանտ-դքսուհի հիմնադրամ (Fondation du Grand-Duc et de la Grande-Duchesse), «Պրիտըրլէխ Տիլըն» հիմնադրամ (Bridderlech Deelen):[23]

Մրցանակ[Խմբագրել | Խմբագրել աղբիւրը]

Շնորհուող գումար[Խմբագրել | Խմբագրել աղբիւրը]

Որպէս դափնեկիր` Մարգարիտ Բարանկիցէին շնորհուեցաւ 100 հազար տոլարի պարգեւ: 1 միլիոն տոլարի մրցանակը տրամադրուեցաւ անոր առաջադրած կազմակերպութիւններուն՝ փախստական երեխաներու եւ որբերու վերականգնման նպաստելու, անոնց ցուցաբերուող օգնութիւնը խթանելու, ինչպէս նաեւ մանկական աղքատութեան դէմ պայքարին օժանդակելու նպատակով:[24]

Արձանիկ[Խմբագրել | Խմբագրել աղբիւրը]

Աւրորա մարդասիրական մրցանակի արձանիկը կերտած է Մանուէլ Մաթեւոսեանը: Ան կը կոչուի «Դէպի Յաւէրժութիւն»:[25]

«Աւրորա» Մրցանակ – 2017[Խմբագրել | Խմբագրել աղբիւրը]

Դափնեկիր[Խմբագրել | Խմբագրել աղբիւրը]

2017 թուականին «Աւրորա» մրցանակը շնորհուած է «Գթութեան Մայր» հիւանդանոցի բժիշկ Թոմ Քաթինային, որու տեղացիները բժիշկ Թոմ կը կոչեն: Բժիշկը հասանելի է օրը 24 ժամ, շաբաթը` եօթը օր` հոգ տանելով Նուպայի աւելի քան 750,000 բնակիչներուն համար` Սուտանի կառավարութեան եւ Սուտանի ազգային ազատագրական շարժման միչեւ տեւական քաղաքացիական պատերազմի պայմաններուն մէջ: Օգնութիւն ստանալու համար մարդիկ երբեմն ամբողջ շաբաթ մը կը քալեն եւ սովորաբար հիւանդանոց կը հասնին ռմբակոծումներէ ստացած վնասուածքներով եւ բազմաթիւ այլ հիւանդութիւններով` ոսկորներու կոտրուածքէն մինչեւ մալարիա: Ընդհանուր առմամբ` բժիշկ Քաթինան կը խնամէ օրական 500 հիւանդ եւ տարեկան աւելի քան հազար վիրահատութիւն կը կատարէ[26]:

Կաղապար:Մեջբերում

2017 թուականին «Աւրորա» մրցանակի դափնեկիր բժիշկ Թոմ Քաթինան 1 միլիոն տոլարի մրցանակն ուղղած է յետեւեալ երեք կազմակերպութիւններուն[26]`

  • Ափրիկեան Առաքելութեան Առողջապահական Հիմնադրամ (AMHF), ԱՄՆ
  • Կաթոլիկ Առողջապահական Առաքելութեան Խորհուրդ (CMMB), ԱՄՆ
  • Aktion Canchanabury, Գերմանիա

Ընտրող յանձնաժողով[Խմբագրել | Խմբագրել աղբիւրը]

Ընտրող յանձնաժողովի նախագահն է դերասան եւ բարերար Ճորճ Քլունին: Յանձնաժողովի կազմին մէջ ընդգրկուած են Օսքար Արեասը, Շիրին Էպատին եւ Լեյմա Գպովէն, Մերի Ռոպինսոնը, Գարէթ Էվանսը, Վարդան Գրիգորեանը, Հինա Ճիլանին:[27][28]

Առաջադրում[Խմբագրել | Խմբագրել աղբիւրը]

2016 թուականի Յունիս 1-էն մինչեւ 9 Սեպտեմբեր` առաջադրումներու փուլի ընթացքին, ստացուած է 558 դիմում 13 լեզուներով, որոնցմէ 254-ը` չկրկնուող թեկնածութիւններ: Առաջադրումներ կատարուած են 66 երկրներէ:[29]

Յաւակնորդներ[Խմբագրել | Խմբագրել աղբիւրը]

2017 թուականի «Աւրորա» մրցանակի յաւակնորդներն են

Անուն Երկիր Աշխատանք
Թոմ Քաթինա Ամերիկայի Միացյալ Նահանգներ ԱՄՆ Բժիշկ Թոմ Քաթինան պատերազմի մէջ գտնուող Նուպա լեռներու միակ վիրաբոյժն է եւ տարեկան կ'իրականացնէ աւելի քան 1000 վիրահատութիւններ:
Ֆարթուն Ատան

եւ
Իլուատ Էլման

Կաղապար:Դրոշավորում/Սոմալի Սոմալիա ֆարթուն Ատան եւ Իլուատ Էլմանը մայր ու աղջիկ են: Անոնք հիմնադրած են «էլմեն» խաղաղութեան եւ մարդու իրաւունքներու կեդրոնը որու միջոցով Սոմալիայի մէջ կը պայքարին խաղաղութեան հաստատման համար:
Ճամիլա Աֆղանի Կաղապար:Դրոշավորում/Աֆղանստան Աֆղանիստան «նուռէ կրթական եւ հնարաւորութիւնների ընդլայնման կազմակերպութեան հիմնադիր, որն զբաղւում է Աֆղանստանում կանանց եւ աղջիկների իրաւունքների պաշտպանութեամբ:
մուհամեդ Դարուիշ Կաղապար:Դրոշավորում/Սիրիա Սուրիա սիրիայի`պաշարման մէջ գտնուող 40 հազար բնակչութիւն ունեցող Մադայայ քաղաքում մնացած 3 բժիշկներից մէկը, որը տրամադրում է բժշկական օգնութիւն` չնայած սահմանապակ բժշկական կրթութեան:
Դենիս Մուկվեգէ Կաղապար:Դրոշավորում/Կոնգոյի Դեմոկրատական Հանրապետություն Գոնկոյի Տեմոկրադական Հանրապետութիւն փանզի հիւանդանոցի հիմնադիր, բուժում է սեռական բռնութիւնների ենթարկուած կանանց եւ անոնց ցուցաբերում կրթական եւ իրաւական աջակցութիւն Կոնգոյի Դոմոկրատական Հանրապետութիւնում:

Aurora Dialogues քննարկումներ[Խմբագրել | Խմբագրել աղբիւրը]

Համաշխարհային մարդասիրական ոլորտի ներկայացուցիչները ժամանեցին Երեւան` մասնակցելու 2016 փուականի 23 Ապրիլի Մատենադարանին մէջ տեղի ունեցած Aurora Dialogues քննարկումներուն, որ համաշխարհային արդի ամենահրատապ հիմնախնդիրների ու մարտահրաւէրների քննարկումների հարթակ է: Մասնակիցները, որոնց թւում էին Ընտրող յանձնաժողովի անդամներ Հինայ Ջիլանին, Շիրին Էբադին եւ Գարեթ Էւանսը, իրենց տեսակէտները յայտնեցին փախստականների համաշխարհային ճգնաժամի, մարդասիրութեան ոլորտում հանրութեան մէջ կանանց դերի եւ աշխարհի ուշադրութիւնը հումանիտար ճգնաժամերի վրայ բեւեռելու հարցում մեդիայի դերի վերաբերեալ:[30][31][32]

«մարդասիրութեան ցուցիչէ հետազօտութիւն[Խմբագրել | Խմբագրել աղբիւրը]

Aurora Dialogues քննարկումների ընթացքում ներկայացուած այս յատուկ հետազօտութիւնը, որն ուսումնասիրում է մարդասիրական կարեւորագոյն հիմնախնդիրների հանրային ընկալումը` հիմնուելով աշխարհի վեց երկրից 4.600 հարցուողի տեսակէտների վրայ: Ուսումնասիրելով հարցուողների կարծիքը միջազգային միջամտութեան անհրաժեշտութեան եւ պատասխանատուութեան վերաբերեալ` հետազօտութիւնը բացայայտել է, որ համաշխարհային մակարդակում խզում կայ փախստականների ճգնաժամի ընկալման եւ իրականութեան միջեւ: Հետազօտութիւնն իրականացուել է 2016թ. մարտ եւ ապրիլ ամիսների ընթացքում Edelman Intelligence-ի կողմից:[33][34][35]

Ծանօթագրութիւններ[Խմբագրել | Խմբագրել աղբիւրը]

  1. «George Clooney, The Aurora Prize And Hope In Armenia»։ Forbes։ 29 April 2016 
  2. «Aurora Prize ceremony kicks off in Yerevan»։ News.am։ 24 April 2016 
  3. «Beneficiaries of $1 Million Aurora Prize Announced»։ The Armenian Weekly։ 25 August 2016 
  4. «100 years later in New York: #BeArmenian, #BeAlive»։ Mediamax։ 11 March 2015 
  5. «100 LIVES initiative to kick off in New York today»։ Mediamax։ 10 March 2015 
  6. «‘100 LIVES' Initiative Launched in New York»։ The Armenian Weekly։ 11 March 2015 
  7. «100 LIVES Opens Nomination Period for New $1 Million Global Humanitarian Award»։ Asbarez։ 8 July 2015 
  8. «Nominations open for Aurora Prize for Awakening Humanity»։ PanArmenian.net։ 9 July 2015 
  9. Աւրորայ մրցանակ․ յաճախ տրուող հարցեր
  10. «Nominations For 2017 Aurora Prize For Awakening Humanity Are Now Closed»։ Lragir.am։ 10 September 2016 
  11. «Humanitarian Leaders to Gather in Armenia for Aurora Prize Ceremony»։ Lragir.am։ 18 April 2016 
  12. Aurora Prize FAQ
  13. «Aurora Prize Selection Committee Meets to Deliberate on Finalists»։ Asbarez։ 14 March 2016 
  14. «The 100 Most Influential People»։ TIME 
  15. «A Look at the Four Finalists of the 2016 Aurora Prize»։ The Huffington Post։ 5 May 2016 
  16. «Aurora Prize Cremony Kicks Off»։ Armenpress։ 24 April 2016 
  17. 17,0 17,1 «Inaugural Aurora Prize Held In Yerevan»։ Asbarez։ 25 April 2016 
  18. «Անդրեյ Լոշակը ֆիլմ կնկարի Բորիս Բերեզովսկու մասին»։ Ա1+։ 15 July 2016 
  19. Melanie Gouby (8 August 2016)։ «After rescuing 20,000 Burundian orphans, Marguerite Barankitse forges on in exile»։ The New York Times 
  20. «Marguerite Barankitse: Armenia's example teaches to never give up»։ Mediamax։ 24 April 2016 
  21. «A Calling To Love»։ AuroraPrize.com։ 10 March 2016 
  22. «'Why does no one mention Burundi?' asks winner of new humanitarian award»։ The Guardian։ 10 March 2016 
  23. «Beneficiaries of $ 1 mln award from Aurora Prize confirmed»։ Mediamax։ 19 August 2016 
  24. Sophie Morlin-Yron (16 May 2016)։ «$1m prize for heroic Burundi woman who saved 30,000 children from war»։ CNN 
  25. ««Ավրորա» քանդակի հեղինակը Մանվել Մաթևոսյանն է»։ Ա1+։ 25 April 2016 
  26. 26,0 26,1 «թոմ Քաթինա. 2017թ. Աւրորայ մրցանակի դափնեկիր»։ AURORA PRIZE։ արտագրուած է՝ 2017-05-29 
  27. «Aurora Prize: The Selection Committee» 
  28. «Nominations for the 2017 Aurora Prize for Awakening Humanity Now Closed»։ Hetq։ 9 September 2016 
  29. «254 candidates nominated for 2017 Aurora Prize»։ Mediamax։ 10 September 2016 
  30. «Aurora Dialogues: Armenia to present a new say to the world»։ Panorama.am։ 22 April 2016 
  31. «First-Ever Aurora Dialogues To Provide Platform For Humanitarian Discussion»։ Asbarez։ 19 April 2016 
  32. «Ուշադրությունը՝ դեպի մարդասիրական հարցեր. Aurora dialogues»։ Ա1+։ 23 April 2016 
  33. «Syria refugee crisis underestimated by UK public»։ Daily Mail։ 22 April 2016 
  34. «Humanitarian Index reveals preconceptions about refugees»։ Impact։ 11 May 2016 
  35. «First Annual Humanitarian Index Released»։ Aurora Prize։ 22 April 2016