Ար­ծուի Բախ­չի­նեա­ն

Ար­ծուի Բախ­չի­նեա­ն
Ծնած է	21 Յունուար 1971(1971-01-21) (53 տարեկան)
Ծննդավայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Խորհրդային Միութիւն  Հայաստան
Ուսումնավայր	Երեւանի պետական համալսարանի հայ բանասիրութեան բաժանմունք Հ.Հ. ԳԱԱ Գրականութեան համալսարան
Մասնագիտութիւն	հայագէտ, կինոգետ, պատմաբան, թարգմանիչ, բառարանագիր, կինոքննադատ, բանասէր
Աշխատավայր	Ուփսալայի Համալսարան Հ.Հ. ԳԱԱ Գրականութեան համալսարան Ռազմավարական և ազգային հետազոտությունների հայկական կենտրոն? Հայաստանի Գիտութիւններու Ազգային Ակադեմիայի Պատմութեան Հիմնարկ
Անդամութիւն	Կինոքննադատների միջազգային ֆեդերացիա?
Ծնողներ	հայր՝ Հենրիկ Բախչինեան

Ար­ծուի Բախ­չի­նեա­ն (21 Յունուար 1971(1971-01-21), Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ բանասէր, հայագէտ, գրող, պատմաբան, բառարանագիր, բանասիրական գիտութիւններուն թեկնածու։

Ամուսնացած է, ունի երեք որդի եւ մէկ դուստր։

Կեանք եւ գործունէութիւն

Ծնած է Երեւան։ 1993-ին աւարտած է Երեւանի Պետական Համալսարանի բանասիրական կաճառի հայոց լեզուի եւ գրականութեան բաժինը:

1993-1996-ին ուսանած է Հայաստանի Գիտութիւններու Ազգային Ակադեմիայի Մ. Աբեղեանի անուան գրականութեան հիմնարկի (ինստիտուտ) ասպիրանտուրան։

1996-ին պաշտպանած է թեկնածուական թէզը` Վահան Տէրեանի ստեղծագործական աշխատանոցը խորագիրով:

1993-1996-ին աշխատած է Հայաստանի Ազգային Գրապալատը իբրեւ մատենագէտ եւ գիտքարտուղար, 1993–1997-ին` Հումանիտար Հետազօտութիւններու Հայկական Կեդրոնը իբրեւ հետազօտող եւ գիտքարտուղար:

1996-1997-ին գիտական գործուղում կ'անցընէ Ուփսալայի (Շուէտ) համալսարանի Աֆրո-ասիական լեզուներու հիմնարկին մէջ:

1997-1999-ին կ'աշխատի ՀՀ ԳԱԱ-ի գրականութեան հիմնարկը իբրեւ գրական կապերու բաժինի գիտաշխատող:

2002–2003-ին կ'աշխատի Ռազմավարական եւ Ազգային Հետազօտութիւններwu Կեդրոնը իբրեւ վերլուծաբան:

2009-էն ի վեր ՀՀ ԳԱԱ Պատմութեան Ինստիտուտի «Հայ գաղթավայրեր եւ Սփիւռք» բաժինի աւագ գիտաշխատող է։

1996-ին հանդիսացած է FIPRESCI-ի (սինեմայի քննադատներու միջազգային 13 ընկերակցութիւն) հայկական մասնաճիւղի հիմնադիր անդամ։

Իբրեւ Հայաստանի պատուիրակ մասնակցած է անոր տարեկան հանդիպումներուն (1998 եւ 2000, Իտալիա), իսկ իբրեւ դատակազմի անդամ՝ Պոլսոյ (1999), Թրոմսէօի` Նորվեկիա (2006), Երեւանի (2009), Սալոնիկի (2011) միջազգային սինեմայի փառատօներուն։

2004-էն սկսեալ կը համագործակցի «Ոսկէ Ծիրան» միջազգային սինեմայի փառատօնին: 2003 եւ 2004-ին զեկուցումներով հանդէս եկած է Քալիֆորնիայի համալսարանի Պատմական հայկական քաղաքներ եւ բնակավայրեր հայագիտական գիտաժողովներուն:

Մասնակցած է նաեւ այլ միջազգային սինեմայի փառատօներու (Քարլովի Վարի, Թեհրան, Կրիմսթատ եւ Թրոնտհայմ` Նորվեկիա), հայ մշակոյթի օրերու (Տի` Ֆրանսա, Լոնտոն, Պազէլ` Զուիցերիա, Պոլիս) եւ գիտաժողովներու (Պէյրութ, Օսաքա` Ճափոն, Փեքին` Չինաստան)։

2005-էն սկսեալ Վենետիկի Պո-Արաքս մշակութային ընկերակցութեան Քա Ֆոսքարի համալսարանի ամառնային խտացեալ դասընթացքին կը դասաւանդէ «Հայ կատարողական արուեստներու պատմութիւն» առարկան: Նոյն առարկան 2011-ին դասաւանդած է նաեւ Միչիկանի (Անն Արպոր) համալսարանի հայագիտական ծրագիրին մէջ։ Եղած է Ուփսալայի Նոր հորիզոն ամսագիրի հայաստանեան ներկայացու- ցիչը (1998–2006) եւ Երեւանի Հայ արուեստ ամսագիրի խմբագրակազմի անդամ (2005–2009):

Պէյրութի Հայկազեան հայագիտական հանդէսի եւ Փրակի Օրեր ամսագիրի հայաստանեան ներկայացուցիչն է: Կը կատարէ թարգմանութիւններ (մասնաւորապէս անգլերէնէ, ռուսերէնէ եւ շուէտերէնէ հայերէն եւ հակառակը), որոնք ընդգրկուած են տարբեր գիրքերու, ցուցահանդէսներու գրքոյկներու եւ խտասալիկներու մէջ:

Աշխատութիւններ

Չափածոյ ստեղծագործութիւններ հրատարակած է Բնագիր եւ Ինքնագիր հանդէսներուն մէջ, արձակ գործեր` հայ մամուլին մէջ: Հրատարակած է «Ձնծաղիկները ֆուտբոլի դաշտում» պատմուածքներու ժողովածուն (2014) եւ «Այլաստանցի Մուչիկ հայաստանցին» վէպը (2017, 2018):

2001–2009-ին իբրեւ երգիչ հանդէս եկած է Հովեր սենեկային երգչախումբին մէջ (գեղարուեստական ղեկավար` Սօնա Յովհաննիսեան), մասնակցելով երգչախումբի հինգ խտասալիկներու ձայնագրութեան եւ այցելութիւններուն (Մեծն Բրիտանիա, Ֆրանսա, Գերմանիա, Լեհաստան, ԱՄԷ)։