Դանիէլ Դանիէլեան

Jump to navigation Jump to search

Դանիէլ Դանիէլեան․ (1909, Մարզուան, Փոքր Ասիա, Օսմանեան Կայսրութիւն9 Նոյեմբեր 1980, Մոնթրէալ, Քանատա)․ հայազգի ոտնագնդակի եւ կողովագնդակի մարզիկ, հասարակական գործիչ։  Ան եղած է առաջին յունահայը որ մաս կազմած է Յունաստանի ոտնագնդակի հաւաքականին․ յաջորդած են Վահագն Աբրահամեան եւ Գրիգոր Աղանեան։

Առաջին տարիները[Խմբագրել | Խմբագրել աղբիւրը]

Դանիէլ Դանիէլեան ծնած է 1909-ին Մարզուան (Պոնտոսի հարաւ-արեւմուտք, Ամասիոյ մարզ)։  Մեծ Եղեռնի տարագիր օրերուն հրաշքով կը փրկուի ու ընտանեօք Պոլիս կ՛ ապաստանին։  Կը յաճախէ Յ․ Հինդլեանի հիմնած «Նոր Դպրոց» վարժարանը եւ կը մտնէ Հ.Մ.Ը.Մ.-ի շարքերը։

Փոքր Ասիոյ Աղէտի օրերուն, 1922-ին, Սելանիկ կը փոխադրուի։ 1930-ին կ՛ աւարտէ «Անաթոլիա Քոլեճ»ը։  Փոքր տարիքէն մարմնամարզի հանդէպ մեծ սէր ցոյց տուած է եւ Սելանիկի Հ․Մ․Ը․Մ․-ի ոտնագնդակի եւ կողովագնդակի խումբերուն մաս կը կազմէ։

1928-ին, ան կ՚ընտրուի Սելանիկի Հ.Մ.Ը.Մ.ի մասնաճիւղի վարչական անդամ։

Ասպարէզ[Խմբագրել | Խմբագրել աղբիւրը]

Սելանիկ[Խմբագրել | Խմբագրել աղբիւրը]

Իբրեւ ոտնագնդակի մարզիկ[Խմբագրել | Խմբագրել աղբիւրը]

Հաւաքական գետնի վրայ[Խմբագրել | Խմբագրել աղբիւրը]
«Արիս» ոտնագնդակի խումբը, 1932

Հ․Մ․ Ը․Մ․-ի ոտնագնդակի խումբին մէջ պատանի Դանիէլեան իր խաղարկութեամբ աչքի կը զարնէ եւ կ՛ ընդունուի Սելանիկի «Արիս» միութեան ոտնագնդակի եւ կողովագնդակի պատրաստական խումբերուն մէջ։

1928-ին «Արիս» ոտնագնդակի առաջին խումբին մաս կը կազմէ։ Առաջին մասնակցութիւններուն կը խաղայ Փիրէայի «Էթնիքոս» եւ «Օլիմպիաքոս» խումբերուն դէմ։ 1932-ին «Արիս» խումբին հետ Յունաստանի ոտնագնդակի ախոյեան կը դառնայ։

Քանի մը ամսուան համար կը կատարէ յունական բանակին մէջ իր զինուորական պարտաւորութիւնները եւ մարզադաշտ կը վերադառնայ 1933-ին։  Նոյն տարին զայն կը հրաւիրեն մասնակցի Յունաստանի ոտնագնդակի ազգային հաւաքականին։ 1937-1940 կը դառնայ «Իրաքլիս» խումբին մարզիկ։

Յունաստանի Ազգային խումբի մարզիկ[Խմբագրել | Խմբագրել աղբիւրը]

1933-1936, Դանիէլեան մնայուն կերպով կը մասնակցի Յունաստանի ոտնագնդակի ազգային խումբին մրցումներուն՝ Պալքանեան Բաժակի (1933, 1934,1935),  Համաշխարհային Բաժակի (1934

Իբրեւ կողովագնդակի մարզիկ[Խմբագրել | Խմբագրել աղբիւրը]

Կողովագնդակի մարզիկի ասպարէզին զուգահեռ, Դանիէլեան նաեւ «Արիս» կողովագնդակի հաւաքականին գլխաւոր դերակատարներէն է։  1930-ին Յունաստանի ախոյան կը դառնայ։  1925-էն մինչեւ 1930 «Արիս» կողովագնդակի խումբը կը տիրապետէ Յունաստանի ախոյանութեան մրցաշարքերուն, ինչպէս նաեւ Սելանիկի շրջանային ախոյանութեան. (1931-1935 Յունաստանի ախոյանութեան մրցաշարքերը կը դադրին, հետեւաբար Դանիէլեանի հետաքրքրութիւնը մարզախաղին հանդէպ կը նուազի)։

Ողիմպիականի ջահագնաց[Խմբագրել | Խմբագրել աղբիւրը]

1936-ին, Պերլինի 11-րդ Ողիմպիական Խաղերուն, յունական մարզական ֆետերասիոնին որոշումով, Դանիէլ ողիմպիական ջահը պատմական Ողիմպիայէն (Օլիմպիա) Պերլին փոխադրող ջահագնաց մարզիկներէն մէկը կ՚ըլլայ։

Հ․Մ․Ը․Մ․ի անդամ[Խմբագրել | Խմբագրել աղբիւրը]

1930 – 1940 կ՛ անդամակցի Սելանիկի Հ․Մ․Ը․Մ․ին եւ քանի մը տարի անոր ատենապետն է։

Աթէնք[Խմբագրել | Խմբագրել աղբիւրը]

Հ․Մ․Ը․Մ․-ի վարչական անդամ եւ մարզիկ[Խմբագրել | Խմբագրել աղբիւրը]

1940-ին Աթէնք կը հաստատուի։  Կ՚ ընտրուի Աթէնքի Հ.Մ.Ը.Մ.ի վարչութեան անդամ, ստանձնելով ատենադպիրի պաշտօնը։  Սակայն Բ․ Համաշխարհային Պատերազմի ծագումով կը դադրի որեւէ գործունէութիւն։

1946 եւ 1947 թուականներուն Աթէնքի Հ․Մ․Ը․ Մ․-ի ոտնագնդակի խումբին մարզիկ է։ 

1946-ին Դանիէլեան, Համօ Մեհրապեանի հետ գործակցաբար, Աթէնքի մէջ կը հրատարակեն Հ.Մ.Ը.Մ.ի «Մարմնամարզ» պարբերաթերթը։

1948-ին վերջ կու տայ մարզական գործունէութեան եւ Հ.Մ.Ը.Մ.ի Յունաստանի Շրջանային Վարչութեան անդամ կ՛ ընտրուի։  Կը շարունակէ ընտրուիլ մինչեւ 1967։

1952-ին, Հ.Մ.Ը.Մ.ի Յունաստանի Շրջանային Վարչութեան կազմակերպութեամբ եւ Դանիէլեանի պատասխանատու խմբապետութեամբ, Հ.Մ.Ը.Մ.ի Յունաստանի ոտնագնդակի խումբը կ՚այցելէ Պէյրութ, Հալէպ եւ Դամասկոս ու տեղական ա. դասակարգի խումբերու դէմ կը մրցի։

Կեանքը Քանատա[Խմբագրել | Խմբագրել աղբիւրը]

1967-ին, Դանիէլեան ընտանեօք կը փոխադրուի Քանատա։

1974-ին, Պէյրութի մէջ գումարուած Հ.Մ.Ը.Մ.ի Առաջին Պատգամաւորական Ժողովին, ան կ՚ընտրուի Հ.Մ.Ը.Մ.ի անդրանիկ Կեդրոնական Վարչութեան անդամ։

1978-ին Հ․Մ․Ը․Մ․-ի համահայկական բանակումին առթիւ, Յունաստան կ՛ այցելէ։

Մահը[Խմբագրել | Խմբագրել աղբիւրը]

Կը մահանայ 9 Նոյեմբեր 1980-ին, Մոնթրէալ։

[1] [2] [3] [4] [5] [6] [7] [8]

Տե՛ս նաեւ[Խմբագրել | Խմբագրել աղբիւրը]

Սելանիկի հայկական գաղութը

Գրիգոր Աղանեան

Ծանօթագրութիւններ[Խմբագրել | Խմբագրել աղբիւրը]