Սիմոն Երեմեան
| Սիմոն Երեմեան | |
|---|---|
 | |
| Ծնած է | 30 Հոկտեմբեր 1871[1][2] |
| Ծննդավայր | Տրապիզոն, Օսմանեան Կայսրութիւն[1][2] |
| Մահացած է | 1936[1][2] կամ 1938 |
| Մահուան վայր |
Միլանօ, Իտալիոյ Թագաւորութիւն[1][2] Վենետիկ, Իտալիա |
| Քաղաքացիութիւն |
.svg){kind=small} Վենետիկի հանրապետութիւն |
| Ազգութիւն | Հայ[1][2] |
| Մասնագիտութիւն | բնագէտ, գրագէտ, բանասէր |
| Աշխատավայր |
Բազմավէպ[1] Գեղունի[1] |
Սիմոն Երեմեան (30 Հոկտեմբեր 1871, Տրապիզոն - 29 Նոյեմբեր, 1938, Միլան), հայ բնագէտ, գրող, բանասէր։ Մխիթարեան միաբանութեան անդամներէն մին[3]։
Կենսագրութիւն
[Խմբագրել | Խմբագրել աղբիւրը]Ուսանած է ծննդավայրին մէջ, ապա Վենետիկի Մխիթարեաններու մօտ, 1895 թուականին դարձած է միաբանութեան անդամ։ 1899-1905 թուականներուն խմբագրած Է «Բազմավէպ»-ը, 1901 թուականին՝ նաեւ «Գեղունի» հանդէսը։ 1896 թուականին Վենետիկի մէջ հրատարակած է «Նոր կենդանաբանութիւն եւ մարդակազմութիւն: Պատմական եւ նկարագրական», 1898 թուականին «Տարվինականութիւն կամ տեսակաց եւ մարդուս ծագման խնդիրը», 1901 թուականին՝ «Հայ բժշկարանը» աշխատութիւնները[4]: Սիմոն Երեմեան զանազան պարբերականներու մէջ յաճախ հանդէս եկած է «Ատրուշան» կեղծանունով[3]։
Աշխատութիւններ
[Խմբագրել | Խմբագրել աղբիւրը]Ուշագրաւ է «Պատկերազարդ բառգիրք գործնական գիտութեանց» (1900) աշխատութիւն-հանրագիտարանը։ Հրատարակած է գեղարուեստական ստեղծագործութիւններ՝ «Տուրկին» (1903), «Տագնապը» (1904) վիպակները, «Անէծք» (1903), «Սաթենիկ» (1904), «Ուխտը» (1905) ողբերգութիւնները, «Պատկերներ» (1913) արձակ բանաստեղծութիւններու հաւաքածոն, յուշեր։ Լոյս ընծայած է գրականագիտական ուսումնասիրութիւններ.
- «Կենսագրութիւն Ղեւոնդ Ալիշանի» (1902),
- «Գրական պատմութիւն եւ գեղեցիկը» (1915),
- «Գրագէտ հայեր» 10 հատորնոց աշխատութիւնը (1913-1933), ուր տրուած են գրողներու եւ մշակութային գործիչներու (Ղեւոնդ Ալիշան, Ղազարոս Աղայեան, Մատթէոս Մամուրեան, Յակոբ Պարոնեան, Տիգրան Կամսարական) դիմանկար-բնութագրականները։
Երկեր
[Խմբագրել | Խմբագրել աղբիւրը]- Մխիթարեան վեհը. կենսագրական ստուերագիր տեառն գեր․ Իգնատիոս վարդապետի Կիւրեղեան․, Վենետիկ․, 1904։
- Հայ միտքը, Վենետիկ, 1906։
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 1,2 1,3 1,4 1,5 1,6 Հայկական սովետական հանրագիտարան / խմբ. Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,0 2,1 2,2 2,3 2,4 Ով ով է. հայեր / խմբ. Հ. Այվազյան — Երևան: Հայկական հանրագիտարան հրատարակչություն, 2005. — հատոր 1.
- ↑ 3,0 3,1 ՍԻՄՈՆ ԵՐԵՄԵԱՆԻ ԳՐԱԿԱՆԱԳԻՏԱԿԱՆ ԱՇԽԱՏՈՒԹԻՒՆՆԵՐԸ
- ↑ «ՍԻՄՈՆ ԵՐԵՄԵԱՆ»։ արխիւացուած է բնօրինակէն-էն՝ 2021-01-29-ին։ արտագրուած է՝ 2017-11-10