ՀՕԿ (ամսագիր)

ՀՕԿ Հօկ
Տեսակ	հանդէս
Լեզու	հայերէն
Հիմնադրուած է	Փետրուար 1933
Հիմնադիր	Հայաստանի օգնության կոմիտեի Ֆրանսիայի մասնաճյուղ?
Հրատարակիչ	Հայաստանի օգնության կոմիտեի Ֆրանսիայի մասնաճյուղ?
Երկիր	Ֆրանսա
Գրասենեակ	Փարիզ, Փարիզի շրջան

«ՀՕԿ», Հայաստանի օգնութեան արտասահմանեան կոմիտէներու պաշտօնական օրգան (ամսագիր)։ Լոյս տեսած է ՀՕԿ-ի Ֆրանսայի կեդրոնական վարչութեան նախաձեռնութեամբ, 1933-35-ին, Փարիզի մէջ։ Խմբագրակազմ՝ Գ. Թահմազեան, Դ. Դաւիթեան եւ ուրիշներ։

Իրականացուցած է կապը ՀՕԿ֊ի արտասահմանեան կազմակերպութիւններուն եւ հայրենիքին միջեւ, համաձայնեցուցած՝ անոնց գործունէութիւնը։ Լուսաբանած է Սովետական Հայաստանի առօրեան։ Ծաւալուն տեղ յատկացուցած է սփիւռքի, յատկապէս ֆրանսահայ գաղութին, իրադարձութիւններուն, աջակցած հայրենադարձութեան, հայրենակցական եւ վերաշինաց միութիւններու գործունէութեան, դէմ արտայայտուած՝ Դաշնակցութեան։

Գրական-գեղարուեստական եւ արուեստի բաժիններուն մէջ տպագրած է չափածոյ եւ արձակ գործեր հայ եւ օտար հեղինակներէ, գրաքննադատական ակնարկներ ու յօդուածներ, նիւթեր թատրոնի, երաժշտութեան, կերպարուեստի մասին։

Անոր աշխատակցած են Աւետիք Իսահակեանը, Դերենիկ Դեմիրճեանը, Արշակ Չօպանեանը, Զապէլ Եսայեանը, Դրաստամատ Սիմոնեանը, Գեղամ Սարեանը, Վաղարշակ Նորենցը, Վահրամ Ալազանը, Վահան Թոթովենցը, Գուրգէն Մահարին, Ռուբէն Թէրլէմէզեանը եւ ուրիշներ։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։