Լողազգեստ
Լողազգեստ (maillot de bain, swimsuit), զգեստ մըն է, որ կը գործածուի մարմինին մասերը ծածկելու (պահելու)՝ լողալու, լոգնալու, արեւու լոգանքի եւ ընդհանրապէս բացօթեայ գործունէութեան ատեն։
Լողազգեստը ծանօթ իբրեւ՝ maillot, նորաձեւոթեան հնարողին անունն է, տրուած կիներու մէկ կտոր լողազգեստին։ Մայօ (maillot) եզրը առաջին անգամ կը գործածուի նկարագրելու համար ձիգ-պատշաճեցող մէկ կտոր լողազգեստը (1920 թուականներուն)․ ձեռակերտուած համանման jersey հիւսուածքով։ Նոյնպէս, «մայօ» անունը կը գործածուի սահմանելու համար պարի կամ մարզանքի սեղմնահագուստները։
Ստուգաբանութիւն[Խմբագրել | Խմբագրել աղբիւրը]
Մայօ maillot սահմանումը 1928-ին, տեղ կը գտնէ Անգլիական բառարանին մէջ։ Ֆրանսերէն լեզուին մէջ, մայօ maillot բառը «շապիկ» կը նշանակէ եւ կը գործածուի Tour de France հեծելարշաւի ընթացքին առաջնորդները զանազանելու համար։ Ֆրանսերէն լեզուի նոր սահմանումը՝ լողազգեստի համար, այս բառը կը գործածէ։ Պարսկերէն եւ արաբերէն խօսակցական լեզուներուն մէջ, յատկապէս Լեվանթի շրջանը (արեւելեան Միջերկրական Ծով եւ արեւմտեան Ասիա- Սուրիա, Լիբանան, Յորդանան, Իսրայէլ եւ Պաղեստին), «մայօ» եզրը հասարակ գործածութիւն ունի նկարագրելու, սահմանելու համար տղամարդու եւ կիներու լողազգեստը։
Ներկայիս, խօսակցական լեզուի «մայօ» եզրը կը փոխարինէ մէկ կտոր լողազգեստ ասացուածքը:
Պատմական[Խմբագրել | Խմբագրել աղբիւրը]
Հռոմէական հնադարեան ժամանակաշրջանին, հանրային լոգանքները գնահատուած են եւ մարդիկ մերկ կը լոգնան։
Միջնադարին, ջերմուկային ջուրերը եւ ծովու լոգանքները վատառողջ կը նկատուին։
Միայն ԺԸ. դարուն է որ լոգանքի բարիքները կը գնահատուին եւ մարդիկ շապիկով կը լոգնան։
ԺԹ. դարու վերջաւորութեան, կիները սեղմիրանով corset եւ ուռած տաբատով կը լոգնան։ Իսկ, տղամարդիկը՝ մինչեւ բումբը (սրունքին մսոտ մասը) հասնող եւ երկայն թեւեր ունեցող զգեստով: Մասնաւոր տնակներ կը շինուին եւ ծովափներուն կը զետեղուին, դիւրացնելու համար ծովու լոգանք առնողներուն փոխուիլը՝ ծով չմտած կամ ծովէն ելլելուն։
1900-ին կիներուն լոգանքի հագուածքը մինչեւ ծունկերը հասնող թեթեւ հագուստ մըն է նոյն կտաւէն պատրաստուած ուռած վարտիքով մը։
Լողի ախոյեան, աւստրալացի Անեթ Քելըրման Annette Kellermann իր մէկ կտոր լողազգեստը կը ստեղծէ․ գործնական եւ լողի յարմարցուած։
1920-ին Քոքօ Շանել Coco Chanel կը ներկայացնէ արեւայրուքի (արեւին տակ կենալով պղինձի գոյն առնել) նորաձեւութիւնը, ինչ որ կը պահանջէ մերկացնել թեւերը, ուսերը եւ սրունքները։
1932-ին «Թարզան» վարտիք-լողազգեստը յեղաշրջում կը յառաջացնէ եւ տղամարդոց կ'արտօնէ իրենց մարմինը ցուցնել։
1946-ին «պիքինի» bikini (երկու կտոր) լողազգեստը կը յայտնուի, սակայն ինքզինքը կը պարտադրէ միայն 1960-ական թուականներուն։ Իսկ 1970-ին`«մոնօքինին» (մէկ կտոր) եւ կը հետեւին անոր եւ «պիքինի»ին զանազան տարբերակները։
1980-ական թուականներուն, ջրասահիկի surf ազդեցութիւնը տղամարդոց մօտ կը նպաստէ երկար եւ սեղմ գուլպայ յիշեցնող լողազգեստ հագնիլը եւ շուրջ 20 տարիներու համար կը փոխարինեն լոգանքի դասական վարտիքը։ Նաեւ կը սկսի գերակշռել սեղմ ու կարճ boxer եւ կամ սեղմ ու մինչեւ ծունկը jammer (շորտաձեւ) լողազգեստը-մանաւանդ լողաւազաններուն մէջ, առողջապահական պատճառներով- եւ մինչեւ ծունկը հասնող ժողովրդական լայն շորտաձեւ լողազգեստը short de bain – Boardshorts եւ կամ՝ անոր կարճ տարբերակը՝ caleçon de bain։
2010 թուականներուն, իգական սեռի մօտ կը նկատուի մէկ կտոր լողազգեստի վերադարձը․ պատճառները՝ մորթի քաղցկեղի աճումը, սեռային ժխտում, մարմնի տեսքէն նեղութիւն զգալ եւ շատ ուրիշ․․։
Աւստրալիոյ Սիտնի քաղաքի «Լողազգեստի Ցոյցը»[Խմբագրել | Խմբագրել աղբիւրը]
Կիրակի 20 Հոկտեմբեր 1907-ին, հազարաւոր ցուցարարներ բողոքի ցոյց կը կազմակերպեն։ Անոնք կը բողոքեն քաղաքապետութեան կողմէ առաջարկուած օրէնքին դէմ, որմով՝ տղամարդիկ պարտաւոր էին շապիկաձեւ թիկնոց մը հագնիլ լողալու համար։
Ցուցարարները կը հաւաքուին Սիտնիի Bondi, Manly եւ Coogee ծովափերը, հագած կնոջական զանազան լողազգեստներ, սրամիտ ծաղրանք մը տալով առաջարկուած օրէնքին։
Ցուցարարներուն պահանջներուն դրական մօտեցում կ'ունենան հանրութիւնն ու լրատուական միջոցները։ Այսպիսով, քաղաքապետութիւնը կը հրաժարի իր որոշումէն։
Լողազգեստի զարգացումը[Խմբագրել | Խմբագրել աղբիւրը]
Մինչեւ Ի. դար[Խմբագրել | Խմբագրել աղբիւրը]
1870
1885
1890-1895
Մեծ խանութներէ մէկուն մէջ լողազգեստի ծանուցում, 1883 Strawbridge & Clothier
_(14596035080).jpg)
Ի. Դարասկիզբէն Մինչեւ ԻԱ. Դարասկիզբ[Խմբագրել | Խմբագրել աղբիւրը]
1909 Անեթ Քելըրման իր մէկ կտոր լողազգեստով
Բամպակէ jersey լողազգեստ, 1910
Կիներ կողազգեստով․ 1913 , Մոքլիփս Moclips - Խաղաղական Ովկիանոսի ափերուն Ա․Մ․Ն․ հիւսիս արեւմուտք
Կլորիա Սուանսոն լողազգեստով, Gloria Swanson, 1917
1920
1925
Johnny Weissmuller եւ Duke Kahanamoku իրենց լողազգեստներով 1924 Ողիմպիական խաղերուն
1930
1938 Պուտափեշտ Budapest, Հունգարիա
1938
Կիներ լողազգեստով, 1944
1950
1950
Նայլըն nylon լողազգեստ, 1955-1965
Պիքինի Bikini, 1969
«Դասական» լողազգեստի օրինակ մը
1985-1995
Պիքինի
Սեղմ ու մինչեւ ծունկը Ճեմըր (jammer)
Ժողովրդային short de bain - Boardshorts կամ՝ vermuda
Պիջ-վոլէյի (beach volley) լողազգեստ
Պուրկինի (իսլամ կիներու յարմար) burqini, 2009
Թանքինի (tankini)
«մոնօքինին» (մէկ կտոր) լողազգեստի ուրուանկար
Պրազիլեան ձեւի երկու կտոր լողազգեստ
Միքրոքինի Microkini
Ծովասահուկի Surfing լողազգեստ․
Թանկա (tanga)
Սթրինկ (string)
.jpg)
Առողջապահութիւն[Խմբագրել | Խմբագրել աղբիւրը]
Ջուրը, քրտինքն ու օդի ջերմութիւնը ծիլերուն թրմումին կը նպաստեն։ Անոնք թաց կամ խոնաւ լողազգեստին կտաւին վրայ գրգռումներ, ցպիկներ եւ բորբոսներ կը յառաջացնեն։ Այս պատճառով կը յանձնարարուի ծովէն ելլելուն պէս լողազգեստը փոխել։ ԻԱ դարուն, լողազգեստի ճարտարարուեստը կը փորձէ ստեղծել առողջապահական առումով կատարեալ լողազգեստը։
Ֆրասնայի հանրային լողաւազաններուն մէջ, առողջապահութեան համար, կ'արտօնուի հագնիլ միմիայն սեղմ լողազգեստներ։
Ծովու Լոգանքի Յարմարութիւններ[Խմբագրել | Խմբագրել աղբիւրը]
Ծովու լոգանքի մեքենայ[Խմբագրել | Խմբագրել աղբիւրը]
Ծովու լոգանքի մեքենան, ԺԸ. դարէն մինչեւ Ի. դարասկիզբին ժողովրդային համբաւ վայելով գործիք մըն էր։ Մարդոց կը դիւրացնէր փոխուիլ եւ ուղղակի ջուրը անցին։ Այս փայտաշէն տուփ-մեքենաները մինչեւ ծով կը գլորուէին։
Ծովու լոգանքի տնակ[Խմբագրել | Խմբագրել աղբիւրը]
Ծովու լոգանքի տնակը, շատ փոքր փայտաշէն վառ գոյներով ծովափի մեծ «տուփ» մըն է։ Կը հանդիպինք ժողովրդային ծովու լոգանքի յարմարցուած ծովեզերքներուն։ Կը պատսպարեն արեւէն, հովէն եւ կիզիչ տաքէն։ Նաեւ փոխուելու՝ ծով մտնելու կամ ծովէն ելլելու ատեն։
Պատկերասրահ[Խմբագրել | Խմբագրել աղբիւրը]
Կիներ, նկարուած ծովու լոգանքի մեքենայի մը առջեւ․ 1902
«Մի՛ վախնաք» Don't Be Afraid․ տղամարդիկ եւ կիներ ծովու լոգանք կ'առնեն լոգանքի մեքենաներով․․․ 1910-ի բացիկ postcard
Անգլիոյ Թագուհիին՝ Վիքթորիային «Ծովու Լոգանքի Մեքենան»․ վերանորոգուած, նկար՝ 2012
Ծովու լոգանքի տնակներ․ Pas de Calais ծովափին, Ֆրանսա
Ծովու լոգանքի տնակներ․ Höllviken, Շուէտ
Ծովու լոգանքի տնակներ․ Muizenberg ծովափ, Cape Town Հարաւային Ափրիկէ
Ծովու լոգանքի տնակներ․ Great Yarmouth, Norfolk, Անգլիա
.JPG)
[1][2][3][4][5][6][7][8][9][10][11][12][13]
Ծանօթագրութիւններ[Խմբագրել | Խմբագրել աղբիւրը]
- ↑ Լողազգեստին պատմութիւնը(յունարէն)
- ↑ Maillot (Լողազգեստ) բառին նշանակութիւնը(յունարէն)
- ↑ Մայօ - մէկ կտոր լողազգեստը, 7-2-2006 (անգլերէն)
- ↑ New York Times-ի ծանուցում, Յունիս 11, 1916, էջ՝ 11(անգլերէն)
- ↑ Սփինալի կը հնարէ յարակից լողազգեստը(ֆր.)
- ↑ Լողազգեստի ճարտարարուեստը(անգլերէն)
- ↑ Ծովու լոգանքը՝ լրիւ լողազգեստով(ֆր.)
- ↑ Անգլիոյ Թագուհին Վիքթորիային Ծովու լոգանքի մեքենան(անգլերէն)
- ↑ Ֆրանսայի լողաւազաններուն մէջ, միմիայն սեղմ լողազգեստներ(ֆր.)
- ↑ Jane Austen Ընկերութիւն, Աւստրալիա․ Ճէյն Օստընի ծովու լոգանքի փորձառութիւնը․ 18-րդ դար - հրտ․՝ 14-5-2013(անգլերէն)
- ↑ Պիքինիին պատմութիւնը(անգլերէն)
- ↑ Լողազգեստներու քաղոց(անգլերէն)
- ↑ Նայիրի բառարան - լողազգեստ
Արտաքին յղումներ[Խմբագրել | Խմբագրել աղբիւրը]
- Ֆրանսայի հեծելարշաւ(ֆր.)
- Քոքօ Շանել(ֆր.)
- Անեթ Քելըրման (ֆր.)
- Պիքինի(ֆր.)
- Կիներու եւ տղամարդոց string լողազգեստը(ֆր.)
- Ուիլիըմ Հելթ(անգլերէն)
- Ծովու լեգանքի մեքենայ(անգլերէն)
- Ծովու լոգանքի տնակ(անգլերէն)
- Աւստրալիոյ Սիտնի քաղաքի «Լողազգեստի Ցոյցը»(անգլերէն)