Աթէնքի Հնագիտական Ազգային Թանգարանը

Jump to navigation Jump to search
Աթէնքի Հնագիտական Ազգային Թանգարանը
Εθνικό Αρχαιολογικό Μουσείο.svg

Archäologisches Nationalmuseum Athen.jpg
Տեսակ ազգային թանգարան եւ հնագիտական թանգարան
Երկիր Flag of Greece.svg Յունաստան
Վայր Փաթիսիոն փողոց թիւ 44 (Patission street), Բազմարուեստի Համալսարանի կից
Նստավայր Աթէնք, Յունաստան
Հիմնադրուած է 1829
Այցելուներ Վերջին երկու տարիներուն արդէն 600 000 անցած է
Տնօրէն Մարիա Լաղոյեաննի - Ղիորղաքարաքոս[1][2]
Կայք namuseum.gr

Աթէնքի Հնագիտական ազգային թանգարան (յուն․՝ Εθνικό Αρχαιολογικό Μουσείο), Յունաստանի հնագիտական գլխաւոր թանգարանն է։ Կը հովանաւորուի Յունաստանի Մշակոյթի Նախարարութեան Հնագիտական Տնօրէնութեան կողմէն։ Յունաստանի տարածքին մէջ զարգացած բոլոր քաղաքակրթութիւնները կը ներկայացուին թանգարանին մէջ․ նախապատմական շրջանէն մինչեւ Հռոմէական շրջանին վերջը։

Վայրը[Խմբագրել | Խմբագրել աղբիւրը]

Աթէնքի Ազգային Հնագիտական թանգարանը, կը գտնուի Փաթիսիոն փողոցը, Ազգային Բազմարուեստարանի Համալսարանին կից։ Շրջապատուած է Փաթիսիոն, Իփիրու, Պուպուլինաս եւ Թոսիցա ճամբաներէն։ Մուտքին առջեւը դէպի Փաթիսիոն կը տարածուի սալայատակ հրապարակ մը։ Թանգարանին տարածքը կ՛ընդգրկէ նաեւ Մակագրութեան Թանգարանը։

Թանգարանին կազմակերպումը[Խմբագրել | Խմբագրել աղբիւրը]

Թանգարանին մէջ հաւաքածոները կը ցուցադրուին հինգ ժամանակագրական կարգով եւ ըստ այնմ նիւթի բովանդակութեամբ․-

  • Նախապատմական․ Ք․ա․ 6-րդ հազարամեակէն մինչեւ Ք․ա․ 1050,
  • Քանդակներ․ Ք․ա․ 7-րդ մինչեւ 5-րդ դարեր,
  • Բրուտութիւններ․ Ք․ա․ 11-րդ դարէն մինչեւ Հռոմէական ժամանակաշրջան,
  • Անագապղինձներ,
  • Եգիպտական ու Մերձաւոր արեւելեան։

Աթէնքի Հնագիտական ազգային թանգարանը կ՛ընդգրկէ նաեւ նկարներու ընդարձակ հաւաքածոյ մը, ուսումնասիրութեան գրադարան մը, մետաղէ, կաւէ, քարէ եւ գործարանային պահպանումի բնալուծարաններ, պատկերահանումի եւ քիմիագիտութեան մէկական բնալուծարաններ։

Թանգարանը նաեւ, ժամանակաւոր ցուցադրութիւններ կը հիւրասիրէ։

Մակագրութեան Թանգարանը[Խմբագրել | Խմբագրել աղբիւրը]

Մակագրութեան թանգարանը Επιγραφικό Μουσείο - musée épigraphique d'Athènes հիմնուած է 1885 եւ կը գտնուի Հնագիտական ազգային թանգարանի տարածքին հարաւային մասին մէջ։ Ճարտարապետները եղած են՝ Լութվիկ Լանկէ, Փանաղի Քալքոս եւ էրնսդ Զիլեր: Կ՛ ընդարձակուի 1953-1960 Փերիքլիս Քարանտինոս ճարտարապետին կողմէն։

Մակագրութեան Թանգարանը կը գրաւէ թիւ 1, 2, 9-10 եւ 114 ցուցադրութեան սրահները։ Հոն կը ներկայացուին արձանագրութիւններ Հնադարեան շրջանէն․ նախահնադարեանէն մինչեւ ուշ՝ Հնադար։

Մակագրութեան Թանգարանին ունեցած արձանագրութիւններուն հաւաքածոն՝ 13․536 արձանագրութիւններ, համաշխարհային գետնի վրայ ամենահարուստն է։

Հնագիտութեան Գրադարան[Խմբագրել | Խմբագրել աղբիւրը]

Աթէնքի Հնագիտական ազգային թանգարանը կը պատսպարէ նաեւ Հնագիտութեան Գրադարանը։ Ան 118 տարուան կեանք ունի։ Կը պարունակէ 20․000 տիտղոսներ, ներառեալ 17-րդ դարու մակդիրներ։ 2008 թուականին Մայիս ամսուն վերակառուցման աշխատանքները կը վերջանան շնորհիւ Ալեքսանտրոս Օնասիս Հիմնարկութեան Κοινωφελές Ίδρυμα Αλέξανδρος Σ. Ωνάσης - Alexander S. Onassis Foundation տնտեսական ներդրումին։

Պատմական[Խմբագրել | Խմբագրել աղբիւրը]

Հիմնադրութիւն[Խմբագրել | Խմբագրել աղբիւրը]

Թիսիոն․ Իֆեսդոս տաճար, նկարէ 2011թ․

1827 թուականին, Յունաստանի Ազատագրական Պայքարին ընթացքին, Թրիզինիային Ազգային Ատեանը Γ΄ Εθνοσυνέλευση Τροιζήνας - Assemblée nationale grecque հնութիւններու արտահանման արգիլումը կ՛օրէնսդրէ։ 1829 թ․ Յունաստանի առաջին հնագիտական թանգարանի ստեղծումը կ՛որոշուի Իօանննիս Քափոտիսդրիա կառավարիչին կողմէն, Էղինա կղզիին նաւահանգիստ-քաղաքին մէջ, որ այդ շրջանին Յունաստանի մայրաքաղաքն էր։

Յաջորդաբար, քանի մը տարիներ թանգարանը կը պատսպարուի Նաֆփլիօ եւ 1834Թիսիոն, Իֆեսդոս տաճարին մէջ, Օթոն թագաւորի հրամանագրով մինչեւ 1874։

Նոր Շէնքը[Խմբագրել | Խմբագրել աղբիւրը]

Նոր շէնքը կառուցուած է դասական ոճով․ կը համընկնի անոր ցուցադրուած հաւաքածոյին։

Աթէնքի Ազգային Հնագիտական թանգարանը, նկար՝ 1893 թ․

1858 միջազգային տարողութեամբ մրցոյթ կը յայտարարուի թանգարանի վայրին եւ շէնքին կառուցման համար։  Թանգարանի շինութեան վայրի հողատարածքը կը նուիրէ տիկին Էլենի Թոսիցա։

1866 թուականին թանգարանին կառուցման աշխատանքները կը սկսին։

Շինութեան տարիներուն, Եւրոպայի մէջ արդի-դասական ճարտարապետական ոճը շատ տարածուած է։ Թանգարանի առաջին ճարտարապետն է Լութվիկ Լանկէ Ludwig Lange։ Հետագային յատակագիծը կը բարեփոխուի Փանաղի Քալքօ ճարտարապետին կողմէն։ Սակայն վերջինը կը մահանայ եւ կառուցման աշխատանքները կը վստահուին Արմոտիօ Վլախօ ճարտարապետին։ 1874 շէնքին արեւմտեան թեւի կեդրոնական մասը կը վերջանայ։ էրնսդ Զիլեր Ernst Ziller կը շարունակէ աշխատանքները ընելով կարգ մը փոփոխութիւններ․ թանգարանի շէնքին արտաքինին կու տայ արդի-դասական հիմակուան տեսքը։

1889 շինութեան աշխատանքները կը լրանան՝  Յունաստանի Հնագիտական Ընկերութեան, Միկինես համայնքին եւ Ռուսիոյ Սուրբ Փեթրզպուրկ քաղաքի յոյն մեծահարուստ բնակիչներ Տիմիթրիոս եւ Նիքոլաոս Վենարտաքիս եղբայրներուն նիւթական ներդրումով։

Բ․ Համաշխարհային Պատերազմին առաջին ամիսներուն ընթացքին թանգարանը կը փակուի եւ անոր պարունակութիւնը կը զետեղուի արկղերու մէջ եւ կը պահուի։

Ընդարձակումներ եւ վերակառուցումներ[Խմբագրել | Խմբագրել աղբիւրը]

Որմանկար - Աքրոթիրի Թիրաս, Պղինձէ դարաշրջան

Ներկայ Թանգարանը տարիներու ընթացքին ընդարձակուած է, որպէսզի կարողանայ պատսպարել թանգարանին արագօրէն աճած հաւաքածոն։ Ամենակարեւոր վերանորոգումները եղած են՝

  • 20-րդ դարասկիզբին թանգարանի արեւելեան մասին տարածումը․
  • 1932-39 տարիներուն երկյարկանի շէնքին շինութիւնը․
  • 1962 հինգ նոր սրահներու կառուցումը, որոնցմէ մէկուն մէջ կը ցուուցադրուի Ք․ա․ 6-րդ դարու Քուրոս Κούρος - kouros պղինձէ արձանը (Փիրէա յայտնաբերուած Յուլիս 1959)․
  • 2002 – 2004 Յուլիս, թանգարանը կը փակուի, որպէսզի կատարուի վերջին վերանորոգումը․ 1999 երկրաշարժէն առաջացած վնասներու նորոգում, թանգարանին գեղարուեստագիտական եւ արուեստագիտական վերահարթում, արդի օդափոխիչ սարքաւորումի զետեղում եւ հաւաքածոյին վերակազմակերպում․
  • 2005 կը բացուի Աքրոթիրի Թիրաս Ακρωτήρι Θήρας - Akrotiri Thera սրահը։

Այսօր, 16 տարիներ ետք Թանգարանի նոր ընդարձակման անրհաժէշտութիւնը կը զգացուի։

Անուանում[Խմբագրել | Խմբագրել աղբիւրը]

Թանգարանին առաջին անուանումը եղած է Կեդրոնական Հնագիտական Թանգարան, իսկ այսօրուան անունը՝ Աթէնքի Հնագիտական ազգային թանգարան, կը տրուի 1881 թուականին օրուայ վարչապետ Խարիլաոս Թրիքուփիսին Χαρίλαος Τρικούπης - Charílaos Trikoúpis կողմէն։

[3] [4] [5] [6] [7] [8] [9] [10] [11] [12] [13] [14] [15] [16]

Թանգարանի Հաւաքածոն[Խմբագրել | Խմբագրել աղբիւրը]

Ստորեւ նմուշներ թանգարանին գլխաւոր ցուցադրութիւններէն։

Կը ներկայացուին ըստ ժամանակաշրջանի ու նիւթի եւ յաւելեալ մասնակի բացատրութիւններով։

Նախապատմական շրջան, Նոր Քարի ժամանակաշրջան եւ Պղիձի հին ու միջին շրջաններ․ Ք․ա․ 6800 – 1600թ․[Խմբագրել | Խմբագրել աղբիւրը]

Գետնայարկ, սրահներ 3 – 6

Գետնայարկ, սրահներ 3 - 5

Գետնայարկ, սրահ 6

Սանթորինի կղզի, Աքրոթիրի Թիրա – Որմանկարներ․ Ք․ա․ 16-րդ դար, Նոր Պղինձի Դարաշրջան[Խմբագրել | Խմբագրել աղբիւրը]

Առաջին յարկ՝ սրահ 48

Գունաւոր որմանկարները գտնուած են Սանթորինի Santorini կղզիին Աքրոթիրի Թիրա վայրը 1967-1974 հնագիտական պեղումներուն ընթացքին։ Մինոասեան Քաղաքակրթութեան ենթակայ Աքրոթիրիին որմանկարները ծածկուած էին չեչաքարով, այդ պատճառով ալ շատ լաւ վիճակի մէջ գտնուեցան։

Ք․ա․ 1613 թուականին Սդրոկիլի կղզիին (այժմ կը կոչուի «Սանթորինիին քալտերան» Santorini caldera, Santorini eruption եւ կամ՝ Thera eruption) հրաբուխին զօրաւոր պայթումը կը քանդէ Աքրոթիրին եւ ընդհանրապէս Մինոասեան Քաղաքակրթութիւնը։ Հնագէտները այս եղելութիւնը կ՛անուանեն նաեւ՝ Էգէական Ծովուն Փոմփէյը Pompeii (Նափոլի քաղաքին մօտ․ այժմ հնագիտական վայր, Իտալիա

  • Սանթորինի․ Էգէական Ծովուն Քիքլատես կղզեխուբին պատկանող կղզի
  • Քալտերա․ յառաջ եկած է cauldron կամ՝ caldron բառէն (կաթսայ)


Միկինեսեան Քաղաքակրթութիւն, Ք․ա․ 1600 – 1100[Խմբագրել | Խմբագրել աղբիւրը]

Աղամեմնոնա թագաւորին նշանաւոր դիմակը․ Միկինեան քաղաքակրթութեան շրջանի եւ Դրոյեան պատերազմի յոյներուն առաջնորդ թագաւորներէն․

Գետնայարկ, սրահ 4

Թիւ 4 սրահը, թանգարանին ամենամեծն է։ Անոր կեդրոնի ցուցափեղկը, կը պատսպարէ Միկինես մայրաքաղաքի հնագիտական պեղումներէն յայտնաբերուած Թագաւորական Դամբանէն իրեր, որոնցմէ գլուխ գործոց կը նկատուի ոսկիայ թաղմանական դիմակը․ դիմակի յայտնաբերման ընթացքին 1876 , հնագէտ Հենրիկ Շլիման անոր կու տայ «Աղամեմնոնասի Դիմակը» անունը։

• Աղամեմնոնաս Αγαμέμνονας (հին յուն․՝ Ἀγαμέμνων) Agamemnon ․ Միկինեսի առասպելական թագաւոր եւ եղբայր՝ Սփարդիի Մենելաոս թագաւորին։ Տրոյեան պատերազմի Τρωικός Πόλεμος - Trojan War ղեկավարներէն։

Մնացեալ ցուցափեղկերը կը ցուցադրեն դամբաներուն մէջ գտնուած իրեր՝ անօթեղէն, գոհարեղէն եւ զէնքեր։ Բազմաթիւ են թանկագին մետաղէ (ոսկի, արծաթ) եւ կամ՝ քարեղէն (մարմար, ջրակիճ, ոբսիդ, նաեւ՝ ժայռի բիւրեղ) եղէգնափողերը։

Նոյն սրահին մէջ նաեւ կը ցուցադրուին Վաֆիօ Vaphio - Βάφειο (Վաֆիօն. Սփարդիիին մօտակայ հնագիտական վայր) հնագիտական վայրի պեղումներէն բոլորակ θόλος- tholos դամբանի մէջ գտնուած ոսկիայ բաժակները 1889, պնակիտներ գրուած Գծային Բ գիրով (տե՛ս Յունաստան, Մինչեւ Ք.Ա. 12-րդ դար գլուխը), ոսկիայ կնիք Դիրինթա Τίρυνθα-Tirynthe (Միկինէական հին քաղաքէն Պեղոպոնեզ, Արղոս քաղաքին մօտ)։


Արխայիքի շրջանի քանդակներ, Ք․ա․ 13-րդ մինչեւ Ք․ա․ 6-րդ դար[Խմբագրել | Խմբագրել աղբիւրը]

Գետնայարկ, 7 – 13 սրահներ

Կը ցուցադրուին քանդակներ Արխայիքի շրջանէն․ Քուրոս/ներ (երիտասարդի արձան հին յուն՝ κοῦρος -kouros), Քորի կամ՝ Քորես (κόρη-kore․ քօղով ծածկուած կնոջ արձան/ներ), Քսոանա (յոգնակի՝ ξόανα - xoana․ փայտէ արձաններ)։ Մարմարէ արձաններուն կամ քանդակներուն համար գործածուած են Քիքլատես կղզեխումբէն Փարոս եւ Նաքսոս կղզիներուն նշանաւոր մարմարը։


Կը ցուցադրուին նաեւ քանդակներու կտորներ, արձանիկներ, արձաններու մասեր․ գտնուած են Աթէնքի Քերամիքօ հնագիտական վայրի Տիփիլոն դամբանին մէջ, Տիլոս, Միլոս եւ  Սիֆնոս Քիքլատեան կղզեխումբի կղզիներուն մէջ, Միկինես, Վիոթիա շրջաններուն հնագիտական վայրերուն մէջ եւ Ատտիկէի զանազան շրջանները՝  Աթէնք, Անավիսոս, Թիսիոն, Քերաթէա, Սփադա, Էլեֆսինա, եւ Սունիօ։


Նկարներ՝ վերեւ նշուածներուն հնագիտական վայրերէն[Խմբագրել | Խմբագրել աղբիւրը]


Դասական շրջանի քանդակներ, Ք․ա․ 5-րդ դար[Խմբագրել | Խմբագրել աղբիւրը]

Էղինա - Աֆէա տաճար

Գետնայարկ, թիւ 14 – 28 սրահներ

Այս հաւաքածոն կ՛ընդգրկէ դասական շրջանի մարմարէ եւ պղինձէ քանդակագործութիւններ։ Թիւ 14 սրահին հիւրընկալուած քանդակները, դասական շրջանի «խիստ» ոճին կը պատկանին։ Քանդակներուն մեծամասնութիւնը կը պատկանին Էղինա կղզիին վրայ գտնուող Աֆէա տաճարին, նոյնպէս՝ Ք․ա․ 5-րդ դարասկիզբի պղինձէ արձանիկները։

Թիւ 15 սրահին մէջ ցուցադրուող «Արթեմիսիօ աստուածին» պղինձէ հսկայ արձանը Աթէնքի Հնագիտական ազգային թանգարանին խորհրդանիշներէն մէկն է․ գտնուած է Էվիա կղզիին Արթեմիսօ հրուանդանին բացերը։ Ունի 2,09 մ․ հասակ եւ դասական շրջանի պղինձէ հազուագիւտ արձաններէն է։ Անոր «խիստ ոճը» կը վերագրուի Քալամիս քանդակագործին Κάλαμις – Calamis։

Նոյն սրահը կը հիւրասիրէ նաեւ Ք․ա․ 460 թ․ «Միլոսին սկաւառակը» հսկայ յուշարձանը եւ «Էլեֆսինայի խորհուրդները»․ հսկայ քանդակ՝ 1,52 × 2,20 մ․ գտնուած է Էլեֆսինա 1859 եւ կը պատկերացնէ ծեսական արարողութիւն մը․- Տիմիթրա եւ Փերսեֆոնի աստուածուհիները յաջորդաբար, արքայական գաւազանը եւ ջահ բռնած Դրիփդօլեմօ գահաժառանգին (Էլեֆսինայի Քելօոս թագաւորին զաւակը) ցորենի հասկեր կու տան․ Փերսեֆոնին նաեւ կ՛օրհնէ արքայազնը։ Այս քանդակին կրկնօրինակը Նիւ Եորքի Միթրոփոլիդան Թանգարանին մէջ կը գտնուի։


Դասական շրջանի Յուղարկային կոթողներ, Ք․ա․ 5-րդ դար[Խմբագրել | Խմբագրել աղբիւրը]

Գետնայարկ, սրահներ 16 – 18

Աքրոփոլիսին վերակառուցման աշխատանքներէն վերջ, արժանի գեղարուեստագործեր աշխատանք կը գտնեն անհատներու մօտ։ Հսկայ կոթողներու շինութիւնը կը տարածուի մինչեւ Ք․ա․ 317, իսկ անկէ ետք, կոթողներուն հասակը կը սկսի նուազիլ։ Սրահներուն մէջ կը ցուցադրուին նաեւ «լիքիթոս»ներ λήκυθος - lécythe․ լիքիթոս՝ ճերմակ աման/ներ, ուր հոտաւէտ ձէթ կը պահուէր, մարմնոյ խնամքին համար։

Երկրորդ դասական շրջանի քանդակներ, 4-րդ դար[Խմբագրել | Խմբագրել աղբիւրը]

Գետնայարկ՝ սրահներ 23 – 27

Աթէնքի եւ Սփարդիին քաղաք-պետութիւններուն միջեւ 30 տարի տեւող շարունակ հակամարտութիւնները, կը պառակտեն յունական աշխարհն ու կը վերջանան Ք․ա․ 404 թուականին, Աթէնքի եւ անոր դաշնակիցներուն պարտութեամբ։ Հետեւանքը ծանր կ՛ըլլայ․ քաղաք-երկիրները կը տկարանան եւ յաջորդաբար կը հպատակին Հիւսիսային Յունաստանի Մակետոնական թագաւորութեան։

Քանդակները եւ արձանները աւելի սրտայոյզ են։


Հելլենիստական քանդակներ[Խմբագրել | Խմբագրել աղբիւրը]

Գետնայարկ՝ սրահներ 29 – 30

Այս շրջանի պատկանող գլխաւոր ցուցադրութիւններէն են՝


Հռոմէական շրջանի քանդակներ[Խմբագրել | Խմբագրել աղբիւրը]

Գետնայարկ, սրահներ 31-33


Հռոմէական կրկնօրինակներ, յունական դասական ծագումով[Խմբագրել | Խմբագրել աղբիւրը]

Գետնայարկ, սրահ 20 եւ 21

Ձերարհեստ[Խմբագրել | Խմբագրել աղբիւրը]

ԳԵտնայարկ, սրահներ 36 – 39

Այս սրահները կը ցուցադրեն պղինձէ պզտիկ առարկաներ։ Այս իրերուն մեծ մասը կը պատկանի «Քարափանոս հաւաքածոյ»ին․ Քարափանոս հնագէտի պեղումներէն գտնուած իրեր, 18751877։

Անտիքիթիրայի մեքենական դրութիւնը – բաժին մը - μηχανισμός των Αντικυθήρων - Antikythera mechanism կամ՝ Անտիքիթիրային համակարգիչը եւ կամ՝ Ասդրոլաւոս ἀστρολάβος - astrolabe  Ք․ա․ 150-100։

Թիւ 36 սրահը կը հիւրընկալէ «Երկրաչափական ժամանակաշրջան»էն առարկաներ, Ք․ա․ 9-րդ դար․ կենդանիներու եւ մարդերու արձանիկներ, գոհարեղէններ զետեղուած վերակառուցուած դամբանի մը մէջ եւ կաթսաներ։ Ք․ա․ 6-րդ եւ 5-րդ դարերու արձանիկներուն կողքին կան նաեւ ուխտանուէրներ եւ դիմակներ որոնք գտնուած են Տոտոնի քաղաքի Զեւսի տաճարին մէջ։

Թիւ 37 սրահին իրերը գտնուած են Ողիմպիայի տաճարին մէջ Ք․ա․ 600 թուականին․ արծիւներով կողովներ, զէնքեր, պահպանակներ եւ Զեւս աստուածին պատկանած գլուխ մը (Ք․ա․ 520 – 510 )։

Թիւ 38 սրահը կը հիւրընկալէ Աքրոփոլիսին վրայ գտնուած իրերը․ Աթինա Փրոմախոս, Ք․ա․ 5-րդ դար եւ առասպելաբանական արարածներ։ Նաեւ՝ «Անտիքիթիրային մեքենան»՝ Ք․ա․ 80, գտնուած համանուն Անտիքիթիրա կղզիին բացերը․ գտնուած մեքենային շուրջ ենթադրութիւնները շատ են, սակայն թանգարանին կարծիքն է թէ նաւարկութեան գործիք մըն է։

Թիւ 39 սրահը կը հիւրընկալէ վերանորոգուած ասպազինում եւ կառք մը։ Նաեւ կը հիւրասիրէր Հելլենիստական շրջանէն «Քալիմնոսի տիկինը» արձանը, որը վերադարձուած է համանուն կղզին ու այժմ կը ցուցադրուի Քալիմնոսին թանգարանին մէջ։

  • Անտիքիթիրային մեքենան․ մեքենան կը բաղկանայ 32 անիւներէ եւ մետաղեայ տախտակներէ, որոնց վրայ կան երկնային կենդանակամարի, ամիսներու, խաւարումներու եւ համայունական խաղերու արձանագրութիւններ։  Կը հաշուէ արեգակնային ու լուսնային օրացոյցը։ Կ՛ենթադրուի թէ աստղադիտակ մըն է։

Գետնայարկ, սրահ 43․ կը հիւրընկալէ Ստաթադոս հսկայ հաւաքածոն․-[Խմբագրել | Խմբագրել աղբիւրը]

Կաւագործութիւն, պզտիկ առարկաներ[Խմբագրել | Խմբագրել աղբիւրը]

Աթէնքի Ազգային Հնագիտական Թանգարանի առաջին յարկին յատակագիծը

Առաջին յարկ, թիւ 49 – 56 սրահներ

Առաջին յարկին բոլոր սրահները կը հիւրընկալեն կաւագործութեան եւ ուրիշ փոքր առարկաներ։ Իրերը կը ցուցադրուին ըստ դարաշրջանի՝ Ք․ա․ 11-րդ դարէն մինչեւ հռոմէական ժամանակաշրջան եւ ըստ նիւթի՝ «կարեւոր սրբավայրեր» (սրահ 52), «թաղմանական սովորութիւններ» (սրահ 53) եւ «կինն ու երեխան» (սրահներ 55, 56)։

Թիւ 48 սրահին մէջ ցուցադրուին Սանթորինի կղզիի Աքրոթիրի Թիրա հնագիտական վայրի որմանկարները․ (տե՛ս աւելի վեր՝ Սանթորինի կղզի, Աքրոթիրի Թիրա – Որմանկարներ․ Ք․ա․ 16-րդ դար, Նոր Պղինձի Դարաշրջան

Միկինէական եւ երկրաչափական ժամանակաշրջանի ամաններ, անօթներ[Խմբագրել | Խմբագրել աղբիւրը]

Սրահ 49 կը հիւրընկալէ հնադարեան կաւէ առարկաներ․ Միկինէական շրջանի վերջաւորութենէն մինչեւ երկրաչափական ժամանակաշրջան։ Այցելուն հնարաւորութիւնը կ՛ունենայ տեսնելու բնապաշտ զարդարանքին յառաջդիմական անհետացումը եւ անոր փոխարինումը երկրաչափական ձեւերով։ Էլեֆսինայի «Իսիս» Ίσις - Isis կոչուած դամբանին մէջ (այդպէս կոչուած է, որովհետեւ հոն գտնուած է համանուն աստուածուհիին արձանիկը) գտնուած 68 ամանները նախա-երկրաչափական ժամանակաշրջանի «ներկայացուցիչներն» են (Ք․ա․ 10-րդ դար)․ բնազարդերը միմիայն գիծ, շեղանկիւն եւ շրջանակ են։ Գոհարեղէնի տուփերէն մէկը կը պարունակէր սպիտակ հիւթ մը լսնակաւէ kaolin բաղկացած․ հաւանաբար՝ արդուզարդի գործածութեան համար։

Ատտիկեան կաւագործութիւն սեւ պատկերացումներով[Խմբագրել | Խմբագրել աղբիւրը]

Առաջին յարկ, սրահներ 52 եւ 53


Ատտիկեան կաւագործութիւն կարմիր պատկերացումներով[Խմբագրել | Խմբագրել աղբիւրը]

Առաջին յարկ, սրահներ 54 – 56


Եգիպտական հաւաքածոյ[Խմբագրել | Խմբագրել աղբիւրը]

Գետնայարկ, սրահներ՝ 40 եւ 41

Աթէնքի Ազգային Հնագիտական Թանգարանի գետնայարկին թիւ 40 ու 41 սրահները յատկացուած են հիմնարկին Եգիպտական հաւաքածոյին․ միակը՝ Յունաստանի մէջ։ Հաւաքածոն թանգարանին նուիրուած են Եգիպտոսի երկու յոյն բնակիչներ․ 18801885 Աղեքսանտրիա քաղաքէն Իոաննիս Տիմիթրիու (բնիկ Լիմնոս կղզիէն) եւ 1904 Գահիրէի բնակիչ Ալեքսանտրոս Ռոստովիչ։

Այս հաւաքածոն բաղկացած է Ք․ա․ 5-րդ հազարամեակէն մինչեւ 354 առարկաներէ․ պապիրոսներ, նշանագրեր, կանոպէական անօթներ, «բզէզներ» scarabée, դագաղանման գերեզմաններ sarcophage եւ զմռսուած մարմիններ momie։ Նաեւ՝ արձաններ եւ արձանիկներ Եգիպտոսի Հելլեսիստական եւ Հռոմէական ժամանակաշրջաններէն։


Դագաղանման գերեզմաններ – դամբաններու զարդարանքներ, կոթողներ – զանազան իրեր[Խմբագրել | Խմբագրել աղբիւրը]

[17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36]

Ծանօթագրութիւններ[Խմբագրել | Խմբագրել աղբիւրը]

  1. http://www.namuseum.gr/contact-en.html
  2. http://namuseum.academia.edu/MariaLagogianniGeorgakarakos/CurriculumVitae
  3. Աթէնքի Ազգային Հնագիտական թանգարան (յուն.)
  4. Աթէնքի Ազգային Հնագիտական թանգարանի պատմականը (յուն.)
  5. Աթէնքի Ազգային Հնագիտական թանգարանի ներկայացումը (յուն.)
  6. Աթէնքի ուղղեցոյց (անգլերէն)
  7. Աթէնքի Ազգային Հնագիտական թանգարան – Նոր քարէ շրջան (յուն.)
  8. Աթէնքի Ազգային Հնագիտական թանգարան – Քիքլատեան քաղաքակրթութիւն (յուն.)
  9. Աթէնքի Ազգային Հնագիտական թանգարան -Քանդակներ (յուն.)
  10. Աթէնքի Ազգային Հնագիտական թանգարան -Մետաղէ իրեր (յուն.)
  11. Աթէնքի Ազգային Հնագիտական թանգարան - Կաւագործութիւն (յուն.)
  12. Աթէնքի Ազգային Հնագիտական թանգարան -Եգիպտական ու Մերձաւոր արեւելեան հաւաքածոյ (յուն.)
  13. Աթէնքի ուղղեցոյց - Աթէնքի Ազգային Հնագիտական թանգարան- պատկերասրահ (անգլերէն)
  14. Աքրոթիրի Թիրա ցուցադրութեան սրահը (յուն.)
  15. Աթէնքի Ազգային Հնագիտական թանգարան – Մակագրութեան Թանգարան (յուն.)
  16. Աթէնքի Ազգային Հնագիտական թանգարան – Հնագիտութեան Գրադարանը (յուն.)
  17. Լացիս Հիմնարկ - Աթէնքի Ազգային Հնագիտական Թանգարանը, Նիքոլաոս Քալցաս, 2007թ․, նկարներ թանգարանին հաւաքածոյէն (յուն.)
  18. Աթէնքի Ազգային Հնագիտական Թանգարան - Նախապատմական շրջան(յուն.)
  19. Աթէնքի Ազգային Հնագիտական Թանգարան – Նոր Քարէ դար (յուն.)
  20. Աթէնքի Ազգային Հնագիտական Թանգարան – Քիքլատեան արուեստը (յուն.)
  21. Քերօին տաւղահարը (յուն.)
  22. Աթէնքի Ազգային Հնագիտական Թանգարան – Աքրոթիրի Թիրաս (յուն.)
  23. Աթէնքի Ազգային Հնագիտական Թանգարան – Միկինէական շրջան (յուն.)
  24. Աթէնքի Ազգային Հնագիտական Թանգարան – Քանդակներ՝ Արխայիքի շրջանէն մինչեւ Հռոմէական շրջան (յուն.)
  25. Աթէնքի Ազգային Հնագիտական Թանգարան - Մետաղարուեստ․ Արխայիքի շրջանէն մինչեւ Հռոմէական շրջան (յուն.)
  26. Աթէնքի Ազգային Հնագիտական Թանգարան - Անօթներ եւ մանրարուեստ - Արխայիքի շրջանէն մինչեւ Հռոմէական շրջան (յուն.)
  27. Աթէնքի Ազգային Հնագիտական Թանգարան - Եգիպտական հաւաքածոյ – Նախահարստութեանց շրջանէն մինչեւ Հռոմէական շրջան(յուն.)
  28. Աթէնքի Ազգային Հնագիտական Թանգարան - Կիպրիական հնութիւններ – Պղինձի դարէն մինչեւ Հռոմէական շրջան (յուն.)
  29. «Ծովուն յատակը գտնուած հնութիւնները ո՞ր օրէնքները կը պաշտպանեն», Էմանուիլ Ռուքանաս, (PDF) 21-8-2011, հրատ․՝ 20-4-2012 (յուն.)
  30. Աթէնքի Ազգային Հնագիտական Թանգարան - Իղիսօին յուղարկային կոթողը(անգլերէն)
  31. Աթէնքի Ազգային Հնագիտական Թանգարան - Իղիսօին յուղարկային կոթողը (յուն.)
  32. Աթէնքի Ազգային Հնագիտական Թանգարան - «Գաղթական փոքրիը եւ իր ընկերը»(յուն.)
  33. Աթէնքի Ազգային Հնագիտական Թանգարան – Մետաղիայ հաւաքածոյ (յուն.)
  34. Աթէնքի Ազգային Հնագիտական Թանգարան –Մանր իրերու հաւաքածոն (յուն.)
  35. Սդաթադոս հաւաքածոյ(ֆր.)
  36. Աթէնքի Ազգային Հնագիտական Թանգարան – Եգիպտական եւ Մերձաւոր արեւելքի հնադարեան հաւաքածոյ(յուն.)

Տե՛ս նաեւ[Խմբագրել | Խմբագրել աղբիւրը]

Աքրոփոլիին թանգարանը

Աքրոփոլի

Աթէնք

Փիրէա

Յունաստան

Աղեքսանտրիա

Մեծն Աղեքսանտր

Աղեքսանտրիոյ Գրադարանը

Արտաքին յղումներ[Խմբագրել | Խմբագրել աղբիւրը]