Հայկ Փափազեան
Հայկ Փափազեան | |
|---|---|
 | |
| Ծնած է | 8 Դեկտեմբեր 1987 (35 տարեկան) |
| Ծննդավայր | Պուրճ Համուտ, Մաթնի շրջան, Լեռնային Լիբանանի նահանգ, Լիբանան |
| Կրթութիւն | Պէյրութի Ամերիկեան Համալսարան |
| Մասնագիտութիւն | ջութակահար, ճարտարապետ |
| Կայք | haigpapa.com(անգլերէն) |
Հայկ Փափազեան (արբ.՝ هايغ بابازيان), լիբանանահայ երաժիշտ, Մաշրու Լէյլա ռոք խումբին գլխաւոր ջութակահարը:
Կենսագրութիւն[Խմբագրել | Խմբագրել աղբիւրը]
Հայկ Փափազեան ծնած է 1986-ին, Պէյրութի արեւելեան հայկական թաղամասին՝ Պուրճ Համուտի մէջ։ Մեծնալով Լիբանանի հայ համայնքին մէջ, Հայկ շատ կանուխ տարիքէն հմայուած է արուեստով եւ երաժշտութեամբ: Մտած է Համազգային Հայ Կրթական եւ Մշակութային Միութեան «Բարսեղ Կանաչեան» երաժշտական դպրոցին, ուր առաջին անգամ սկսած է ջութակ նուագել։
Հայկ ճարտարապետութիւն աւարտած է Պէյրութի Ամերիկեան Համալսարանին մէջ (2009) եւ ճարտարապետութեան պատմութեան մագիստրոսի կոչում ստացած է UCL-ի Պարթլեթի ճարտարապետութեան համալսարանէն[1]:
Երբ 2008-ին ճարտարապետութիւն կ'ուսանէր, Փափազեան Մաշրու Լէյլա ռոք խումբի հիմնադիրներէն եղած է[2][3]: Երաժշտական ասպարէզէն անդին, ստացած է քանի մը ակադեմական մրցանակներ եւ արժանացած՝ «Ֆաուզի Ազար» ճարտարապետութեան մրցանակին (անգլ.՝ Fawzi Azar Architectural Award) 2008-ին, Պէյրութի թանգարանի նախագծման ճարտարապետական մրցոյթին յաղթելէ ետք։[4]
Փափազեան ներկայացած է յորդանանեան My.Kali պարբերաթերթի կողքին վրայ[5][6], ինչպէս նաեւ Rolling Stone պարբերաթերթի Միջին Արեւելեան տարբերակին կողքին վրայ իբրեւ անդամ Մաշրու Լէյլա խումբին[7]:
Մասնակցած է «Home Workspace 2011-2012» ծրագրի Աշքալ Ալուանի անկախ արուեստի ուսումնասիրութեան ծրագրի մեկնարկային հրատարակութեան, զոր կը ղեկավարէին Փրոֆ. Էմիլի Ճաքիրը եւ հրաւիրեալ նկարիչ դասախօսներ, ներառեալ Ալֆրետօ Ճարը, Ֆրանքօ Պերարտին, հիթօ Սթէյէրլը եւ Հասան Խանը:
Հայկ Փափազեանի՝ «Անցումային ժամանակի հերոսները» տեսերիզներու եւ գծագիրերու տեղադրումը կը հեռանայ Լիբանանի հայ համայնքի արքետիպային տղամարդու, հերոսի եւ նահատակի պատմական պատկերներէն, որոնց միջոցով կարելի է հասկնալ հերոսութեան թերի տրամաբանութիւնը:
Փափազեանի արուեստը ներկայացուած է Պէյրութի, Պոննի, Լոնտոնի, Թրոնտէյմի եւ Նիւ Եորքի մէջ[8]։
Ծանօթագրութիւններ[Խմբագրել | Խմբագրել աղբիւրը]
- ↑ Հայկ Փափազեան
- ↑ Agenda Culturel: Haig Papazian : "Je voudrais mourir en héros" Lua error in package.lua at line 80: module 'Module:Language/data/iana variants' not found.
- ↑ The Guardian: Mashrou' Leila: the Lebanese band changing the tune of Arab politics
- ↑ «American University of Beirut: AUB student Haig Papazian receives $10,000 architecture award»։ արխիւացուած է բնօրինակէն-էն՝ 2017-10-21-ին։ արտագրուած է՝ 2016-04-27
- ↑ Beirut.com: Haig Papazian on MyKali magazine cover
- ↑ MyKali Mag: The Violinist Haig Papazian/
- ↑ Alarabiya English: Rolling Stone Mideast choose first regional artists for cover
- ↑ Փափազեանի Արուեստը