Մաշրու Լէյլա

Մաշրու Լէյլա (արաբերէն՝ مشروع ليلى‎, նաեւ ճանչցուած իբրեւ Leila's Project) լիբանանեան 5 հոգիէ բաղկացած ռոք խումբը կազմուած է Պէյրութ, Լիբանան 2008-ին, երաժշտական նախագիծի մը ձեւով, Պէյրութի Ամերիկեան Համալսարանի մէջ։ Խումբը հրապարակած է չորս ալպոմ՝ «Մաշրու Լէյլա» (Mashrou' Leila) (2008), «Ռաասուք» (Raasük) (2013), «Իպն ալ Լէյլ» (Ibn El Leil ) (2015) եւ «Լիբանանեան Դպրոցը» (the Beirut School ) (2019), ինչպէս նաեւ «ԻՓ»ի մը՝ «Էլ Հալ Ռոմընսի» (El Hal Romancy) (2011) որ բուռն վէճերու առիթ տուած է, հոն արծարծուած երգիծական արտայայատութիւններուն եւ նիւթերուն պատճառով։

Մաշրու Լէյլան համերգի ընթացքին, Շուէտ, Յուլիս 2017-ին։

Պատմութիւն[Խմբագրել | Խմբագրել աղբիւրը]

Կազմաւորում եւ առաջին շրջան[Խմբագրել | Խմբագրել աղբիւրը]

Խումբը կազմուած է Փետրուար 2008-ին, Պէյրութի Ամերիկեան Համալսարանին մէջ, երբ ջութակահար Հայկ Փափազեան, Կիթառահար Անտրէ Շըտիտ, եւ դաշնակահար Օմայա Մալաէպ «music jamming»ի հրաւէր մը կը տեղադրեն, թեթեւցնելու համար համալսարանականներուն վրայ դրուած ճնշումը, ինչպէս նաեւ՝ 2008-ի լիբանանեան անկայուն քաղաքական վիճակին առօրեան:[1][2][3]

Խումբը 12 հոգիի կը դիմէ, որոնցմէ եօթն կ'ընդառաջէ մաս կազմելու համար Մաշրու Լէյլային:[1][2] Խումբին անդամները կ'արժանանան իրենց ընկերներուն քաջալերանքին: Անոնք առաջին անգամ հանրութեան կը ներկայանան Ամերիկեան Համալսարանին մէջ՝ բացման հանդիսութեան մը ընթացքին: Ելոյթին ընթացքին, Մաշրու Լէյլան միակ խումբն էր, որ ինքնաստեղծ երգեր կը ներկայացնէ:[3] Խումբը կը շարունակէ ներկայանալ փոքր ելոյթներով եւ կը սկսի հանրածանօթ դառնալ «underground music»ի մէջ,[1] մինչեւ «ինտի ռոք»ով ճանչցուիլը եւ երեւան գալը, 2008-ի լիբանանեան "Fête de la Musique" շքերթին (Միամեայ լիբանանեան շքերթ, կազմակերպուած Պէյրութի քաղաքապետարանին կողմէ): Խումբին կատարումները վէճերու առիթ կու տան, որովհետեւ անոնք իրենց երգերով Լիբանանի ընկերային վիճակին վերաբերեալ քննադատական մեկնաբանութիւններ կը մէջբերէին: Կ'արծարծուէին նաեւ ձախողած սէր, սեռականութիւն եւ քաղաքականութիւն:[4]

«Մաշրու Լէյլա»[Խմբագրել | Խմբագրել աղբիւրը]

2009-ին, Մաշրու Լէյլա կը մասնակցի Լիբանանեան Ձայնասփիւռի կայանին (Radio Liban) կազմակերպած Արդի Երաժշտութեան Մրցոյթին (Modern Music Contest), Պէյսմընթ Քլապին մէջ («Basement» club), արժանանալով թէ՛ դատակազմին եւ թէ ժողովուրդին պարգեւներուն, իրենց իւրայատուկ երգին՝ «Ռաքսեթ Լէյլա»ին (Leila's dance) շնորհիւ: Առաջին մրցանակը ձայնագրման համաձայնագիր մըն (Record deal) էր:[2][4] Խումբին անունը կրող ալպոմը՝ Մաշրու Լէյլան, արտադրուած «Պի Րութ Փրոտաքշընի» կողմէ, կը հրապարակուի Դեկտեմբեր 2009-ին, Պուրճ Համմուտի մէջ գտնուող «DEMCO» երկաթի գործարանին մէջ։ Հանդիսատեսներուն թիւը չէր նախատեսուած, գործարանը կը լեցուի երաժշտասէր բազմութեամբ:[5] Այս ելոյթը կարեւոր անկիւնադարձ մը կ'ըլլայ «Ինտի Ռոք» ընկերութեան համար:[1] Իրենց առաջին ալպոմին հրապարակումէն անմիջապէս ետք, Խումբը հանրածանօթ կը դառնայ եւ անկէ ետք կը յայտարարուի, թէ Պիպլոսի միջազգային փառատօնին հովանաւորութիւնը պիտի վայելէր 9 Յուլիս, 2010-ին: Ելոյթը կը դառնայ ամառուան ամէնէն սպասուած իրադարձութիւնը: Երկրպագուներ ներկայ կը գտնուին ելոյթին, որոնց մէջ կը գտնուէր նաեւ՝ Լիբանանի վարչապետ Սաատ Հարիրին:[2][6][7]

«Էլ Հալ Ռոմընսի»[Խմբագրել | Խմբագրել աղբիւրը]

2011-ին, Մաշրու Լէյլա կը հրապարակէ «Էլ Հալ Ռոմընսի»ն (El Hal Romancy EP), արձանագրութիւն մը զոր խումբը կը ներկայացնէ իբրեւ այնպիսի ալպոմ մը, որ «կը հետապնդէ աւելի մտերիմ, անձնական, եւ թատերական նիւթեր: Կը խօսի աւելի քիչ քաղաքի եւ քաղաքականութեան մասին, եւ կ'արծարծէ նիւթեր որոնք կը վերաբերին քաղաքին ընկերային վիճակին»[8] «Պէյրութ Հիփփոտրոմ»-ի (Beirut Hippodrome) մէջ տեղի ունեցած հրապարակման ելոյթէն մէկ շաբաթ առաջ, Մաշրու Լէյլա կը յայտարարէ, թէ ալպոմը կարելի է ձրիաբար ներբեռնել խումբին կայքէջէն:

2012-ին, խումբը կը հովանաւորուի Պաալպէքի միջազգային Փառատօնին կողմէ[9]: Ելոյթը կը նկարահանուի եւ կը հրապարակուի իբրեւ ուղիղ եթերով սփռուող ելոյթ[10]:

«Ռաասուք»[Խմբագրել | Խմբագրել աղբիւրը]

Մաշրու Լէյլային ամէնէն սպասուած 3-րդ ալպոմը՝ «Ռաասուք»ը, կը ձայնագրուի Մոնրէալի «Պանդոկ 2 Թանկօ»-ին մէջ (Hotel 2 Tango. նկարագրուած իբրեւ «Ցնցիչ, խառնուած, ռեթրօ Պէյրութեան երաժշտութիւն, որուն ամէնէն իւրայատուկ ձայնը՝ Հայկ Փափազեանին[11] սուր ջութակը կը հանդիսանայ: Ալպոմը կը հրապարակուի Օգոստոս 2013-ին:[12] Լիլ ուաթանի ("for the nation") տեսահոլովակը կ'արժանանայ ոսկեայ մրցանակին, Տուպայի Լինքս 2015 Փառատօնին։[13] Ալպոմին փրոմոշընի համար, խումբը ժողովուրդէն կը հաւաքէ 60, 000$էն աւելի. աննախընթաց ծրագիր մը՝ Միջին Արեւելքի մէջ։[14] 6 Ապրիլին, Մաշրու Լէյլա կը դառնայ առաջին Միջին Արեւելեան Արուեստագէտը, «Ռոլինկ Սթոն» (Rolling Stone) թերթին կողքին վրայ տեղ գտնելու[15]:

25 Նոյեմբեր 2013-ին, Մաշրու Լէյլան կը նուագէ «the Red Bull Soundclash», Who Killed Bruce Lee-ի հետ, Ֆորիւմ տը Պէյրութի մէջ։[16]

17 Մարտ 2015-ին, Մաշրու Լէյլա կը հրապարակէ նոր երգ մը՝ «Երեք Վայրկեան» ("3 Minutes"), իր տեսահոլովակով։

Անուանում[Խմբագրել | Խմբագրել աղբիւրը]

Մաշրու Լէյլայի անդամները կը սիրեն խումբին անուանման բառախաղը եւ զայն յառաջացնելու անորոշ շարժառիթները։ Անգլերէնի մէջ, խումբին անունը կրնայ թարգմանուիլ երկու ձեւով՝ «Մէկ Գիշերուան Ծրագիր» կամ «Լէյլային Ծրագիրը». Լէյլա տարածուած արաբական անուն մըն է Լիբանանի մէջ։[4] Երբ Խումբին կազմաւորման սկիզբին, հարցազրոյցի մը ընթացքին անդամներուն հարց կու տան, թէ ի՛նչ կը նշանակէ խումբին անունը, երաժիշտները կատակելով կը պատասխանեն, որ խումբին կազմաւորման նպատակը ծրագիր մըն էր, նպաստ հաւաքելու «Լէյլա» անունով աղջկան մը համար։[6] Սակայն խումբին դիմատետրին էջին համաձայն, Մաշրու Լէյլա կը նշանակէ մէկ գիշերուան ծրագիր (An Overnight Project), ակնարկելով իրենց գիշերային յաճախակի եւ երկարատեւ նիստերուն (Jamming Session)։[2][3][6]

Խումբին մասնակիցները[Խմբագրել | Խմբագրել աղբիւրը]

Ներկայի Անդամները[1][2]
Նախկին Անդամներ

Ուղիղ եթերով սփռուած ալպոմ[Խմբագրել | Խմբագրել աղբիւրը]

Վերնագիր Մանրամասնութիւններ
Պաալպէքի մէջ
  • Հրապարակուած՝ 7 Մայիս, 2013-ին
  • Պիտակ՝ «Ըպպաութ Փրոտաքշընզ» (Abbout Productions)
  • Ներկայացուած ձեւ՝ Տեսահոլովակ (DVD)

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 1,2 1,3 1,4 el-Jor Ashley (2010)։ «Մաշրու Լէյլա - Մաշրու Լէյլա 2009»։ www.lebanesemetal.com։ արխիւացուած է բնօրինակէն-էն՝ 2012-12-13-ին։ արտագրուած է՝ 2010-10-03 
  2. 2,0 2,1 2,2 2,3 2,4 2,5 al-Fil Omar (2010)։ «Mashrou' Leila: the rise of the underground»։ www.hibr.me։ արխիւացուած է բնօրինակէն-էն՝ 2012-12-11-ին։ արտագրուած է՝ 2010-10-03 
  3. 3,0 3,1 3,2 Chahine Michelle (2010)։ «SOUNDSCAPES - Rocking Beirut: A Night Out with Մաշրու Լէյլա»։ www.HeloMagazine.org։ արխիւացուած է բնօրինակէն-էն՝ 2013-02-13-ին։ արտագրուած է՝ 2011-01-13 
  4. 4,0 4,1 4,2 Bainbridge Meg (2009)։ «I want to be Leila»։ www.nowlebanon.com։ արխիւացուած է բնօրինակէն-էն՝ 2011-04-20-ին։ արտագրուած է՝ 2010-10-03 
  5. Hamdar Mohammad (2010)։ تجربة ما قبل النضوج: حجر الاساس لـ"مشروع ليلى" (արաբերեն)։ www.nowlebanon.com։ արխիւացուած է բնօրինակէն-էն՝ 2011-04-20-ին։ արտագրուած է՝ 2010-10-03 
  6. 6,0 6,1 6,2 Byblos International Festival (2010)։ «Մաշրու Լէյլա»։ www.byblosfestival.org։ արխիւացուած է բնօրինակէն-էն՝ 2010-08-24-ին։ արտագրուած է՝ 2010-10-03 
  7. Wakim Jocelyne (2010)։ مشروع ليلى تألّقت في بيبلوس (արաբերեն)։ www.aljarida.com։ արխիւացուած է բնօրինակէն-էն՝ 2011-07-07-ին։ արտագրուած է՝ 2010-10-17 
  8. «Mashrou' Leila - El Hal Romancy concert» (արաբերեն)։ www.beirut.com։ 2011։ արտագրուած է՝ 2011-10-03 
  9. «Mashrou Leila» (արաբերեն)։ www.baalbeck.org։ 2012։ արտագրուած է՝ 2012-05-05 [permanent dead link]
  10. «Mashrou' Leila - Live in Baalbeck -DVD Release» (արաբերեն)։ www.metropoliscinema.net։ 2013։ արխիւացուած է բնօրինակէն-էն՝ 2014-05-13-ին։ արտագրուած է՝ 2013-10-03 
  11. Haig
  12. «Mashrou Leila: the lebanese band changing the tune of Arab politics» (արաբերեն)։ www.theguardian.com։ 2013։ արտագրուած է՝ 2013-11-13 
  13. «Mashrou Leila» (արաբերեն)։ www.dubailynx.com։ 2014։ արխիւացուած է բնօրինակէն-էն՝ 2014-05-27-ին։ արտագրուած է՝ 2014-03-04 
  14. «What Mashrou Leila's crowd funding success means for the arab world» (արաբերեն)։ www.wamda.com։ 2013։ արտագրուած է՝ 2013-09-01 
  15. «Rolling Stone chooses first regional artist for cover» (արաբերեն)։ www.alarabia.net։ 2014։ արտագրուած է՝ 2014-04-04 
  16. «Mashrou' Leila Clashed with who killed bruce lee» (արաբերեն)։ www.redbull.com։ 2013։ արտագրուած է՝ 2013-11-09 
  17. Gay Lebanese singer Համետ Սիննօ navigates Middle Eastern taboos through music

Արտագին յղումներ[Խմբագրել | Խմբագրել աղբիւրը]