Վահան Փափազեան

Jump to navigation Jump to search

Vahan Papazyan.jpg
Նաեւ հայտնի է որպես Goms
Ծնած է 1876
Ծննդավայր Թաւրիզ (Իրան)
Վախճանած է - 1 Հոկտեմբեր 1973
Վախճանի վայրը Պէյրութ (Լիբանան
Քաղաքացիութիւն Flag of Iran (1964–1980).svg Իրան
Ottoman flag.svg Օսմանեան Կայսրութիւն
Flag of Lebanon.svg Լիբանան
Ազգութիւն Հայ
Մասնագիտութիւն Քաղաքական գործիչ, դիւանագէտ
Անդամութիւն Chamber of Deputies (Ottoman Empire)
Կուսակցութիւն Հայ Յեղափոխական Դաշնակցութիւն

Վահան (Կոմս) Փափազեան (1876, Թաւրիզ (Իրան) - 1 Հոկտեմբեր 1973, Պէյրութ (Լիբանան)), հայ ազատագրական շարժման առաջնորդ եւ Հ․Յ․Դ․-ի ականաւոր ներկայացուցիչ։

Կենսագրութիւն[Խմբագրել | Խմբագրել աղբիւրը]

Ծնած է Թաւրիզ: Նախնական ոսումը կը ստանայ Նոր Նախիջեւան, ուր կը յարի Դաշնակցութեան: Կը յաճախէ Մոսկուայի եւ Սբ. Փեթերսպուրկի համալսարանները: Հ․Յ․Դ․ գործիչ, արհեստով` լուսանկարիչ:

Կը գտնուի Ժընեւ, ուր Քրիստափորի առաջարկով, Երեւանէն Նիկոլի հետ կ’անցնի Վան` բանտարկուած Վարդգէսը փոխարինելու եւ որպէս Հ․Յ․Դ․գործիչ կազմակերպելու շրջանը եւ կապ պահելու արտասահմանի հետ: Կը Հսկէ Կովկասէն Վան ռազմամթերքի փոխադրութեան գործին: Կը վարէ կռիւներ Վասպուրականի մէջ:

Սահմանադրութեան շրջանին, կ’ընտրուի Վանի երեսփոխան: Գործի՝ Մուշի մէջ, ուրկէ Եղեռնի օրերուն, Ռուբէնի հետ կը յաջողի անցնիլ Կովկաս: Որպէս Բարեգործական ընկերութեան ներկայացուցիչ կը վերադառնայ ազատագրուծ Վան:

1919-ին մաս կը կազմէ Փարիզի Ազգ. Պատուիրակութեան: Կը Մասնակցի Հ․Յ․Դ․ Թ. Ընդհանուր ժողովին, Երեւան: Ռիկայի (Լեհաստան) մէջ տեղի ունեցող բանակցութիւններուն, բոլշեւիկներուն հետ, կը մասնակցի որպէս Հ․Յ․Դ․ լիազօր: Յետագային Դաշնակցութեան անունով կը գործակցի թուրքիոյ քիւրտ ապստամբներուն հետ:

1947-ին կ’անցնի Լիբանան. գրի կ’առնէ իր յուշերը ու կը գրէ «Խոնարհ հերոսներ» շարքը: Կը Մահանայ Պէյրութ 1973-ի Հոկտեմբերի 1-ին:

Աղբիւրներ[Խմբագրել | Խմբագրել աղբիւրը]

  • Վահան Փափազեան. «Իմ յուշերը», հատոր Ա., Պոսթըն, 1950, 600 էջ։
  • Վահան Փափազեան. «Իմ յուշերը», հատոր Բ., Պեյրութ, 1952, 610 էջ։
  • Վահան Փափազեան, «Իմ յուշերը», հատոր Գ., Գահիրէ, 1957, 432 էջ։
  • Կոմս, «Խոնարհ հերոսներ», գիրք Ա., Պէյրութ, 1950, 96 էջ, Թեհրան, 1982, 77 էջ։
  • Կոմս, «Խոնարհ հերոսներ», գիրք Բ., Պէյրութ, 1956, 95 էջ, Թեհրան, 1982, 94 էջ։
  • Կոմս, «Խոնարհ հերոսներ», գիրք Գ., Պէյրութ, 1956, 95 էջ, Թեհրան, 1982, 94 էջ։
  • Կոմս, «Խոնարհ հերոսներ», գիրք Դ., Թեհրան, 1983, 140 էջ։
  • Կոմս, «Խոնարհ հերոսներ», գիրք Ե., Թեհրան, 1983, 90 էջ։