Ովկիանոս (դիցաբանութիւն)
| Տիտան Ովկիանոս | |
|---|---|
 Ովկիանոսի յուշարձան, Թրեւի Շատրուան, Հռոմ | |
| Մասնագիտութիւն | Յունական դիցաբանութեան մէջ, ծովու հնագոյն աստուած |
| Ամուսին |
տիտանուհի Թիթիս (ընկերուհի)հաւերժահարս Նայիս |
| Ծնողներ | Ովկիանոս եւ Եէա |
| Երեխաներ |
Միթիս Դիոնի Բլիոնի Նեֆելի եւ մնացեալ Ովկիանոսուհիները՝ Ինահոս եւ ուրիշ Գետերը |
Ովկիանոս (յուն․՝ Ωκεανός, հին յուն․՝ Ὠκεανός)․ յունական դիցաբանութեան մէջ Ովկիանոս, Ուրանոսին եւ Եէային զաւակն է եւ ծովու հնագոյն աստուածը։
Դիցաբանութիւն[Խմբագրել | Խմբագրել աղբիւրը]
Օրֆիգեան դիցաբանութիւն[Խմբագրել | Խմբագրել աղբիւրը]
Առաջին անգամ անոր կը հանդիպինք Օրֆիգեան բանաստեղծութիւններուն մէջ, Թիթիսին հետ։ Ըստ անոնց, Իրիկունը եւ Եթերը կը ծննդաբերեն արծաթեայ հաւկիթ մը։ Անկէ կ՛ելլէ Էրոս։
Էրոս ամէն ինչ կը դասաւորէ եւ վերը՝ երկինքին եւ վարը՝ երկիրին կը ստեղծէ ընդարձակ Հաոսը։ Էրոսին համաձայնութեամ Հաոս եւ Եէա զոյգ կը դառնան եւ կը ծնին Ովկիանոսն ու Թիթիս։
Ովկիանոս կը ծննդաբերէ երկիրին բոլոր էակները, ինչպէս նաեւ հետագայի աստուածները։
Տիտան Ովկիանոս[Խմբագրել | Խմբագրել աղբիւրը]
Ուրիշ աղբիւրի համաձայն․ Ովկիանոս Ուրանոսին եւ Եէային անդրանիկ զաւակն էր եւ 12 տիտաններուն եւ տիտանուհիներուն ամենէն զօրաւորը։ Բոլորը կը նախանձէին եւ հետը մենամարտած էին, սակայն ան միշտ կը յաղթէր։ Քանիցս ան փորձած էր Իրա աստուածուհին բռնաբարել, սակայն Զեւս անոր կը պաշտպանէր ու կը փրկէր։
Ովկիանոս, քրոջը եւ կողակիցին՝ Թիթիսին հետ կը ծննդաբերեն գետերու, ծովուն եւ աղբիւրներուն բոլոր աստուածները։ Անոնք այնքան արգաւանդ էին որ ողողումներ տեղի կ՛ունենային։ Այդ պատճառով իրարմէ բաժնուեցան։
Ովկիանոս եւ Թիթիս չմխրճուեցան Զեւսին դէմ Տիտաններու կռիւին եւ այդ պատճառով Զեւս անոնց հանգիստ ձգեց։
Ովկիանոս իր մէկ ուրիշ քրոջը հետ՝ Թիա, կը ծննդաբերէ Քեքրոփեսներուն։
Անունին գործածութիւնը[Խմբագրել | Խմբագրել աղբիւրը]
Իրոտոթոս առաջինն է որ Ովկիանոսը կը գործածէ, որպէսզի տայ հսկայ ծովու տարածութիւնը, եւ անկէ սկսեալ է որ այս եզրը համաշխարհային առումով կը գործածուի։
[1] [2] [3] [4][5] [6] [7] [8] [9]
Ծանօթագրութիւններ[Խմբագրել | Խմբագրել աղբիւրը]
- ↑ Ուիքիդարան - Իսիոդոս․ Թէողոնիա (աստուածանունդ)(յունարէն)
- ↑ Քոլինս բառարան, Ովկիանոս (անգլերէն)
- ↑ Բերսեւս - Ովկիանոս, Ὠγηνός, Ὠκεανίδαι
- ↑ Բերսեւս, Իսիոդոս Թէողոնիա (աստուածածնունդ)(անգլերէն)
- ↑ Յունական դիցաբանութիւն - Հերոսները հտ․3, մաս Ա․, Քաքրիդիս(յունարէն)
- ↑ Նիւթեր եւ դէմքեր յունական դիցաբանութեան - Ջուրի դիցաբանութիւն․ Նեղոս, Տիմիթրա Միթա(յունարէն)
- ↑ Յատուկ անուններու բառարան՝ դիցաբանական, պատմական, աշխարհագրական․ Անեսթիս Գոստանդինիտիս(յունարէն)
- ↑ Ուիքիդարան - Հոմերոսի Իլիական, հագներգութիւն Φ(յունարէն)
- ↑ Ուիքիդարան - Ափոլոդորոս, Գրադարան Α'(յունարէն)