Շաւարշ Քրիսեան
| Շաւարշ Քրիսեան | |
|---|---|
 | |
| Ծնած է | 22 Յուլիս 1886 |
| Ծննդավայր | Կոստանդնուպոլիս, Օսմանեան Կայսրութիւն |
| Մահացած է | 15 Օգոստոս 1915 (29 տարեկանին) |
| Մահուան վայր | Այաշ, Անգարայի Վիլայէթ, Օսմանեան Կայսրութիւն |
| Քաղաքացիութիւն |
.svg){kind=small} Օսմանեան Կայսրութիւն |
| Ուսումնավայր |
Պէրպէրեան Վարժարան Ռոպերթ Գոլէճ Ժանսոն-դը-Սայի լիցեյ? |
| Մասնագիտութիւն | լրագրող, գրագէտ, ուսուցիչ |
| Աշխատավայր | Մարմնամարզ |
| Վարած պաշտօններ | գլխաւոր խմբագիր |
| Կուսակցութիւն | Հայ Յեղափոխական Դաշնակցութիւն |
Շաւարշ Քրիսեան (22 Յուլիս 1886, Կոստանդնուպոլիս, Օսմանեան Կայսրութիւն - 15 Օգոստոս 1915, Այաշ, Անգարայի Վիլայէթ, Օսմանեան Կայսրութիւն[1]) մարզիկ, գրագէտ, հանրային գործիչ, դաստիարակ եւ խմբագիր։
Կեսագրական գիծեր եւ գործունէութիւն
[Խմբագրել | Խմբագրել աղբիւրը]Ծնած է Պէշիկթաշ, Պոլիս: Նախնական կրթութիւնը ստացած է նոյն թաղի Մաքրուհեան երկսեռ վարժարանէն։ 1897 Սեպտեմբեր 6-ին, եղբայրը զինք ուղարկած է Պարտիզակ՝ Ամերիկեան Բարձրագոյն Վարժարան, իբրեւ գիշերօթիկ[2]: Հոնկէ փոխադրուած է Ռոպէրթ քոլէճ (Պոլիս)։ Քրիսեան Յակոբեանի միջոցով յարաբերութեան մէջ մտած է Փարիզի Լիսէ Ժանսոնի անուանի վարիչ փրոֆ. Տեպոնէի հետ, թղթակցութեամբ հետեւելով մարմնակրթանքի անոր դասերուն:
1906-ին անցնելով Փարիզ յաճախած է մարմնամարզական վարժարան, Լիսէ Ժանսոն ապա Լոնտոն աշակերտելով Սանտովի եւ վկայուելով։
1909-ին վերադարձած է Պոլիս։ Պոլսոյ զանազան վարժարաններու ստանձնած է մարզանքի ուսուցչութեան պաշտօններ․ միաժամանակ, մասնաւոր դասեր ստանձնելէ զատ՝ կազմած է մարմնամարզական ակումբներ զանազան արուարձաններու մէջ։
1911-1914 ձեռնարկած եւ հրատարակած է «Մարմնամարզ» պատկերազարտ ամսաթերթը։ Յովհաննէս Հինթլեանի հետ հրատարակած է նաեւ «Պոյ-Սքաութ»ը
1914-ին, Ա. Աշխարհամարտին, իբրեւ կամաւոր մաս կազմած է ֆրանսական բանակին։
Նահատակութիւն
[Խմբագրել | Խմբագրել աղբիւրը]Ան եղած է 1915 Ապրիլ 24-ի առաջին ձերբակալուողներէն: Արամ Անտոնեան երբ առաջնորդուած է Պոլսոյ Կեդրոնական բանտ, յիշատակած է Շաւարշ Քրիսեանի անունը՝ Ակնունիի, Սիամանթոյի, Դանիէլ Վարուժանի, Ռուբէն Զարդարեանի եւ այլոց կողքին:
Բազմաթիւ մտաւորականներու հետ ան եւս աքսորուած եւ Այնաշի մէջ նահատակուած է։
Ծանօթագրութիւններ
[Խմբագրել | Խմբագրել աղբիւրը]- ↑ MultiTek.me։ «Հ.Մ.Ը.Մ. - Հայ Մարմնակրթական Ընդհանուր Միութիւն - Պաշտօնական Կայք»։ www.homenetmen.org։ արտագրուած է՝ 2019-09-27
- ↑ «Պարբերական Հայ մարմնակրթական Ընդհ․ Միութեան 1 Յունուար 1926»
Աղբիւրներ
[Խմբագրել | Խմբագրել աղբիւրը]- Յուշարձան, Ապրիլ 11 1919, էջ 26 Archived 2020-07-04 at the Wayback Machine.
- Հ.Մ.Ը.Մ.-ԱԿԱՆ ՌԱՀՎԻՐԱՆԵՐՈՒ ԽՆԿԵԼԻ ՅԻՇԱՏԱԿԻՆ