Նինա Կարսոյեան

Նինա Կարսոյեան
Ծնած է	11 Ապրիլ 1923(1923-04-11)[…]
Ծննդեան վայր	Փարիզի 15-րդ շրջան, Փարիզ
Մահացած է	14 Օգոստոս 2022(2022-08-14) (99 տարեկանին)
Մահուան վայր	Նիւ Եորք, Ամերիկայի Միացեալ Նահանգներ
Բնակութեան վայր	Նիւ Եորք
Քաղաքացիութիւն	Ֆրանսա  Ամերիկայի Միացեալ Նահանգներ
Գործունէութեան ոլորտ	պատմութիւն
Գործատու	Փրինսթըն Համալսարան Սմիթ Գոլէճ «Ռըվիւ տէ զ՛Էթիւտ զ՛Արմենիէն»
Կրթութիւն	Բրին Մոր քոլեջ? Քոլումպիա Համալսարան
Ազգութիւն	Հայ
Տիրապետած լեզուներ	անգլերէն
Անդամակցութիւն	Ամերիկայի Միջնադարեան Պատմութեան Ակադեմիա եւ Բրիտանական Ակադեմիա
Պարգեւներ եւ մրցանակներ	Կուկընհէյմի Յիշատակի Կրթաթոշակ Բրիտանական ակադեմիայի անդամ? Fellow of the Medieval Academy of America?

Նինա Գէորքի Կարսոյեան (11 Ապրիլ 1923(1923-04-11)^[…], Փարիզի 15-րդ շրջան, Փարիզ - 14 Օգոստոս 2022(2022-08-14), Նիւ Եորք, Ամերիկայի Միացեալ Նահանգներ), պատմաբան, արեւելագէտ։ Պատմական գիտութիւններու դոկտոր (1958)։

Կենսագրութիւն

Նինա Կարսոյեան ծնած է Փարիզի մէջ՝ Ռուսաստանէն արտագաղթած հայ ընտանիքի մէջ: 1933 թուականին ընտանիքին հետ բնակութիւն հաստատած է Նիւ Եորք։ 1939 թուականին ընդունուած է ԱՄՆ-ի Փենսիլվանիա նահանգին մէջ գործող կանանց Պրին Մօր քոլէճը եւ աւարտած 1943 թուականին՝ անտիկ հնէաբանի բակալաւրի աստիճանով։ 1946 թուականին Գոլոմպիա համալսարանին մէջ ստացած է մագիստրոսի, իսկ 1958 թուականին՝ դոկտորի աստիճան՝ Բիւզանդիոնի, Մերձաւոր Արեւելքի եւ Հայաստանի պատմութեան գծով։ Երկար տարիներ վարած է Գոլոմպիա համալսարանի հայագիտութեան եւ Բիւզանդիոնի պատմութեան ամբիոնը։ Նինա Կարսոյեանը պաշտօնավարած է նաեւ իբրեւ Փրինսթըն համալսարանի Բարձրագոյն դպրոցի տեսուչ՝ այդ պաշտօնը ստանձնող առաջին կինը դառնալով։ Երկու անգամ ընտրուած է Ֆորտ հիմնադրամի հոգաբարձուներու խորհուրդի անդամ։ Ն. Կարսոյեան Սմիթ քոլէճի փրոֆեսոր, ինչպէս նաեւ Գոլոմպիա համալսարանի պատուաւոր փրոֆեսոր։ Ամերիկեան միջնադարագէտներու ակադեմիայի իսկական եւ Բրիտանական ակադեմիայի թղթակից անդամ է։ Փարիզ լոյս տեսնող հայագիտական «Ռըվիւ տէ զ'Էթիւտ զ'Արմենիէն» հանդէսի գլխաւոր խմբագիրն է։

Գիտական հետաքրքրութիւններ

Նինա Կարսոյեանի աշխատութիւնները կը վերաբերին միջնադարեան Հայաստանի, Հայոց Եկեղեցի պատմութեան, աղբիւրագիտութեան եւ մշակոյթին, հայ-բիւզանդական, հայ-պարսկական, պարսկա-բիւզանդական յարաբերութիւններուն, հայ ազգային ինքնագիտակցութեան ձեւաւորման հարցերուն, Պաւլիկեան շարժման: Անգլերէն թարգմանուած է Փաւստոս Բիւզանդի «Պատմութիւն հայոց», Նիկողայոս Ադոնցի «Հայաստանը Յուստինիանոսի դարաշրջանին մէջ», Յակոբ Մանանդեանի «Հայաստանի առեւտուրի եւ քաղաքներու մասին.» եւ այլ հեղինակներու աշխատութիւնները։

Աշխատութիւններ

• Nina Garsoïan, The Paulician heresy: A study of the origin and development of Paulicianism in Armenia and the eastern provinces of the Byzantine empire, The Hague: Mouton, 1967.
• Nina Garsoïan, East of Byzantium: Syria and Armenia in the formative period, Washington: Dumbarton Oaks, 1982.
• Nina Garsoïan, Armenia between Byzantium and the Sasanians, London: Variorum Reprint, 1985.
• Nina Garsoïan, Mémorial Sirarpie Der Nersessian, Paris, 1992.
• Nina Garsoïan, Jean-PierreMahé, Des Parthes au Califat: quatre lecons sur la formation de l'identitè arménienne, Paris: De Boccard, 1997.
• Nina Garsoïan, L' église Arménienne et le grand schisme d'orient, Lovanii: Peeters, 1999.
• Nina Garsoïan, Church and culture in early medieval Armenia, Aldershot [u.a.]: Ashgate Variorum, 1999.
• Nina Garsoïan, Studies on the formation of Christian Armenia, Farnham: Ashgate Variorum, 2010.
• Nina Garsoïan, Interregnum: introduction to a study on the formation of Armenian identity (ca 600 - 750), Lovanii: Peeters, 2012.

Թարգմանութիւններ

• The epic histories attributed to P'awstos Buzand transl. and commentary by Nina G. Garsoian, Cambridge, Mass.: Harvard Univ. Press, 1989.
• Hakob Manandyan, The trade and cities of Armenia in relation to ancient world trade, Transl. from the 2. rev. ed. by Nina G. Garsoian, 1965
• Aram Ter-Ghewondyan, The Arab emirates in Bagratid Armenia, Transl. by Nina G. Garsoïan, Lisbon: Livraria Bertrand, 1976.

Արտաքին Յղումներ

• Nina G. Garsoïan: A Professor Who Incubated Scholars, a Scholar Who Vitalized an Historical Era1, Dickran Kouymjian