Ղարաբաղի վէրքերը (ժապաւէն)

Ղարաբաղի վէրքերը (պուլկարերէն՝ Раните на Карабах), Ղարաբաղի հերոսամարտին յատուկ վաւերագրական ժապաւէն, պատրաստուած` պուլկարացի լրագրող Ցվեթանա Փասքալեւայի կողմէ: Անիկա կ՛անդրադառնայ 1992-ին Շահումեանի եւ Մարտակերտի դէպքերուն` հասնելով մինչեւ 1993 ու ապա` 1994-ի զինադուլը:

Ստեղծման պատմութիւն

Ցվեթանայի սոյն աշխատանքը բաղկացած է 7 վաւերագրական տեսերիզներէ, որոնց ընդհանուր շարքը հաւաքուած է «Ղարաբաղի Վէրքերը» խորագրով աշխատանքին «DVD» տարբերակին մէջ.

• «Յոյսի բարձունքներ»,
• «Արդեօք Ղարաբաղի մէջ լուսաբաց կ՛ըլլա՞յ»,
• «Իմ թանկագին ողջեր եւ մեռածներ»,
• «Ղարաբաղի վէրքերը»,
• «Մայր հողին զինուորները»,
• «Անդորր» եւ «Ոգի եւ հաւատ»։

Ցվեթանա Փասքալեւա առաջին անգամ Ղարաբաղ հասած է 1991-ին` իմանալով Ազրպէյճանի կողմէ տեղացի ժողովուրդի բռնի տեղահանութիւններու մասին: Ղարաբաղի ազատագրութեան տարիներուն ինք ժողովուրդին մօտ կը գտնուի, բնակավայրերու մէջ, հիւանդանոցներու եւ խրամատներու մէջ, նկարահանելով ամէն ինչ, օգնելով երեխաներուն, կիներուն եւ տարեցներուն, որոնք ծանր պայմաններու կը դիմադրէին այդ օրերուն:

Ղրաբաղեան պատերազմի ընթացքին նկարահանուած այդ ժապաւէնները, կ՛ընդգրկեն առաւելաբար յուզիչ, բայց ոգեւորիչ պատկերներ:

Ցուցադրուած երկիրնր

Աւելի քան մէկ ժամ տեւող վաւերագրական ժապաւէնը ցուցատրուած է՝ Պէյրութի, Փրակայի, Ֆրանսայի եւ Աւստրալիոյ մէջ։

Այն թարգմանուած է անգլերէնի, սպաներէնի, ռուսերէնի, պուլկարերէնի, ֆրանսերէնի եւ այլ լեզուներու։

Պարգեւներ

Հայոց բանակի կազմաւորման 23-րդ տարեդարձին առթիւ, Հայաստանի Հանրապետութեան նախագահ՝ Սերժ Սարգսեանի կողմէ արժանացաւ «Երախտագիտութեան» մետալի:

Արտաքին յղումներ

• Աթէնքի եւ Թեսաղոնիկէի մէջ տեղի ունեցաւ Ցվետանա Փասքալեւայի «Ղարաբաղի վէրքերը» խորագրով ժապաւէններու ցուցադրութիւնը :
• Իմ մէջ բաց վէրք կը մնան Ղարաբաղի վէրքերը, մինչեւ որ տեսնեմ Ղարաբաղի ամբողջական ճանաչումը:
• "Раните на Карабах": (պուլկարերէն)
• "Wounds Of Karabakh":(անգլերէն)