Հայաստանի Երաժշտական Ընկերութիւն
Հայաստանի Երաժշտական Ընկերութիւն, երաժշտական ընկերութիւն մըն է Երեւանի մէջ, որ հիմնադրուած է 1958 թուականին։ Կը միաւորուի հանրապետութեան երգչախմբային արուեստի գործիչներուն (երգահաններ, խմբավարներ, երգիչներ) եւ ինքնագործ ու մասնագիտական երգչախումբերու անդամներուն։
Հիմնուասծ է 1958 թուականին։ Գերագոյն ղեկավար մարմինը համագումարն է (առաջինը՝ 1962 թուականին), գործադիրը՝ վարչութեան նախագահութիւնը։ Կը նպաստէ սովետահայ խմբերգային արուեստի մասսայականացման, երգչախումբերու կազմակերպման ու կատարելագործման, դպրոցներու մէջ երգեցողութեան դասաւանդման բարելաւման, կը կազմակերպէ երգի տօներ, ստեղծագործական եւ կատարողական մրցոյթներ եւ այլն։ Կը միաւորէ 7 մտարուեստ, 64 ինքնագործ եւ 300 մանկական երգչախումբ։
Բաժանմունքներ ունի Լենինականի, Կիրովականի, էջմիածնի, Դիլիջանի եւ այլ վայրերու մէջ։ Ընկերութեան կից կը գործեն մանկական երգչախումբ, երաժշտական արուեստանոց եւ հայ խմբերգային արուեստի տունը, Երեւանի մէջ։
1986 թուականին ունէր 12․300 անդամ։
Պատմութիւն[Խմբագրել | Խմբագրել աղբիւրը]
Կազմակերպուած է Երեւանի մէջ, 1987 թուականին՝ Հայաստանի երգչախմբային ընկերութեան հիման վրայ, որ հիմնադրուած էր 1958 թուականին եւ կը միաւորէր հանրապետութեան երգչախմբային արուեստի գործիչներուն, կ'օժանդակէր երգչախումբերու ստեղծման ու կատարելագործման, խմբերգային գրականութեան բազմացման, սեմինարներու, երգի տօներու, մրցոյթներու իրականացման։ 1996 թուականէն երգչախմբային ընկերութիւնը վերանուանուած է երաժշտականի։
Նախագահներ եւ Անդամներ[Խմբագրել | Խմբագրել աղբիւրը]
Երգչախմբային ընկերութեան հիմնադիրներէն էին՝
- Թաթուլ Ալթունեան (1958-1974՝ նախագահ)
- Մարտին Մազմանեան (1958-1977՝ փոխնախագահ)
- Էմմա Ծատուրեան (1975-1996՝ նախագահ)
- Դաւիթ Ղազարեան (Երեւանի Կոմիտասի անուան պետական ելոյթի մասնագէտ, 1996 թուականէն՝ նախագահ)
- Ա․ Տէր-Յովհաննիսեան
- Կարօ Զաքարեան
- Երուանդ Սահառունի
- Էդուարդ Կզարթմեան
- Յ․ Վերանեան
- Ջ․ Գյոզալեան
- Ռոպէրթ Աթայեան
- Յովհաննէս Չէքիճեան
- Նուպար Սնկրեան
- Լ․ Զեյթաղեան
- Է․ Էլբակեան
- Գ․ Տէր-Աբրահամեան (փոխնախագահ)
- Էդուարդ Միրզոյեան
- Գէորգ Արմէնեան
- Ռ․ Դաւթեան
- Օ․ Սիրունեան
- Լ․ Բարսեղեան
- Արզաս Ոսկանեան
- Սվետլանա Նաւասարդեան
Գործունէութիւն[Խմբագրել | Խմբագրել աղբիւրը]
Բաժանմունքներ ունեցած է Կիւմրիի, Վանաձորի, Դիլիջանի, Կապանի, Արմաւիրի, Վաղարշապատի, Արտաշատի, Եղէգնաձորի, ինչպէս եւ ձեւաւորներ՝ հանրապետութեան այլ քաղաքներուն ու գիւղերուն մէջ։ Կ'ընդգրկէ 68 ինքնագործ, 7 մասնագէտ (այդ թիւին մէջ՝ Արամ Տէր-Յովհաննիսեանի անուան երգչախումբը) եւ բազմաթիւ մանկական երգչախումբեր։ Երեւանի եւ բաժանմունքներուն մէջ ընկերութեան կից կը գործեն մանկական երգչախումբ-արուեստանոցներ, Երեւանի մէջ՝ Խմբերգային Արուեստի Տունը[1]։ Հայաստանի երաժշտական ընկերութիւնը կ'ընդլայնէ երգչախմբային ընկերութեան գործունէութիւնը, միաւորելով հանրապետութեան երաժշտական մշակոյթի գործիչներուն՝ մասնագէտ երաժիշտներու, մանկավարժներու, գեղարուեստական ինքնագործունէութեան մասնակիցներու։ Ան կը նպաստէ երաժշտալուսաւորչական աշխատանքներու կազմակերպման եւ ատոր ձեւերու կատարելագործման, ժողովրդական լայն զանգուածներու գեղագիտական դաստիարակման։ Հայաստանի երաժշտական ընկերութեան 7 բաժանմունքներու գործունէութեան հասարակական կարգով ընդգրկուած են հանրապետութեան մասնագէտ երաժիշտները։
Հասցէ[Խմբագրել | Խմբագրել աղբիւրը]
Հայաստանի երաժշտական ընկերութիւնը կը գտնուի Երեւանի կեդրոնը՝ Սայեաթ-Նովա փողոցի համար 15 վրայ։
Պատկերասրահ[Խմբագրել | Խմբագրել աղբիւրը]
-
Հայաստանի Երաժշտական Ընկերութիւն -
«Հայ ժողովրդական երգի տօն, ծաղկի տօն», Հայաստանի Երաժշտական Ընկերութեան ճեմասրահ, որմնանկար՝ նուիրուած արեւմտահայութեան յիշատակին, 1984-1987 թթ., տեմպերա, 330 x 1350 սմ., նկարիչ՝ Հենրիկ Սիրավեան -
Հայաստանի Երաժշտական Ընկերութիւն, na[as8ah
