Դիլիջանի Միջազգային Դպրոց

Jump to navigation Jump to search
Դիլիջանի Միջազգային Դպրոց
250x350px
Տեսակ գիշերօթիկ դպրոց
Կարգախօս Բարեւ Դիլիջանի միջազգային դպրոց
Հիմնադրուած է 2014
Աշակերտներ 650
Դասարաններ 11-12
Երկիր Flag of Armenia.svg Հայաստան
Տեղագրութիւն Դիլիջան
Հասցէ 7 Getapnya Street
Կայք www.uwcdilijan.org
Կոորդինատներ: 40°44′20.040000100004″ հս․ լ. 44°49′57.000000100011″ ավ. ե. / 40.73890000002777612° հս․. լ. 44.83250000002777824° ավ. ե. / 40.73890000002777612; 44.83250000002777824

Դիլիջանի միջազգային դպրոց (անգլերէն՝ United World College Dilijan, Dilijan International School), միջազգային համագործակցութեամբ անգլիական միջին դպրոց, Cambridge IGCSE* եւ IB Diploma* ուսումնական ծրագիրներով, Արեւմուտքի եւ Արեւելքի սահմանագիծին՝ Դիլիջանի մէջ, Հայաստան։ Երեւանէն եւ Թիֆլիսէն մէկ ու կէս ժամուան հեռաւորութեան վրայ, տարածութիւնը աւելի քան 88 հեքթար հողատարածք է։

Դպրոցի մասին[Խմբագրել | Խմբագրել աղբիւրը]

Քաղաքի համայնապատկերը

Դիլիջանի միջազգային դպրոցի նախագիծին հիմնադիրներն են ռուսաստանաբնակ գործարար եւ բարերար՝ Ռուբէն Վարդանեանն ու կինը։ Դպրոցի հոգաբարձուներու խորհուրդի անդամներն են՝ կրթութեան ոլորտի եւ առեւտուրի ականաւոր ներկայացուցիչներ, ԱՄՆ-էն, Մեծն Բրիտանիայէն, Ֆրանսայէն, Շուէտէն, եւ Ճափոնէն։

Առաքելութիւն, նպատակ եւ խնդիրներ[Խմբագրել | Խմբագրել աղբիւրը]

«Դիլիջան միջազգային դպրոց»ը շահութաբեր նպատակներ չի հետապնդեր։ Այս նախագիծի առաքելութիւնն է՝

  1. Եւրոպայի եւ Ասիոյ խաչմերուկին հիմնել ժամանակակից միջազգային դպրոց մը,
  2. Միջազգային որակեալ կրթութիւնը դարձնել հասանելի երիտասարդներու համար՝ անկախ ազգութենէն եւ անոնց ծնողներու նիւթական հնարաւորութիւններէն,
  3. Ուսանողներուն տրամադրել բազմակողմանի կրթութիւն, որ կ'ապահովէ նոր հնարաւորութիւններ անոնց համար,
  4. Նախապատրաստել ուսանողները՝ ընդունուելու աշխարհի լաւագոյն համալսարանները,
  5. Ուսուցիչներու եւ աշակերտներու միջեւ հաստատել լիարժէք երկխօսութիւն,
  6. Ուսանողներուն մէջ սերմանել մշտական ինքնակատարելագործման գիտակցում եւ ձգտում։

Դիլիջանի միջազգային դպրոցի հիմնական նպատակներն են՝

  1. Հ.Հ. կրթական համակարգի համար որակապէս նոր կողմնորոշիչներու սահմանումը,
  2. Տարածաշրջանի ընկերա-տնտեսական իրավիճակի բարելաւումը,
  3. Դիլիջանի բնապահպանական կայուն զարգացումը,
  4. Դիլիջանի ենթակառուցուածքներու վերանորոգման խթանելը եւ անոր հետագայ զարգացման նպաստելը։

Տուեալ նախագիծի հիմնական նպատակներուն հասնելու համար սահմանուած են մարտավարական եւ ռազմավարական նպատակներ։

Դիլիջանի միջազգային դպրոցի ռազմավարական խնդիրներն են՝

  1. Դիլիջան քաղաքի նոր գլխաւոր յատակագիծի եւ զարգացման հայեցակարգի մշակումը եւ հաստատումը՝ հաշուի առնելով քաղաքի նոր կարգավիճակը (միջազգային դպրոց, ԿԲ-ի շէնքերու համալիր, հանգստեան գօտի),
  2. Նոր ներդրողներու ներգրաւումը Դիլիջան,
  3. Միջազգային դրամատիրական կազմակերպութիւններու ներգրաւումը տարածաշրջանի ընկերա -տնտեսական զարգացման նախագիծերուն մասնակցելու համար։

Որպէս մարտավարական խնդիրներ սահմանուած են՝

  1. Նախագիծի իրականացման համար անհրաժեշտ տարածքներու սեփականատէրերու ոչ կառուցողական մօտեցման խնդիրի լուծումը,
  2. Դպրոցի նախագծման եւ կառուցման համար միջազգային բնօրինակի օգտագործման հնարաւորութիւններու համար իրաւական մեքենականութեան ստեղծումը, որոնք հիմնականօրէն չեն համապատասխաներ Հայաստանի Հանրապետութեան մէջ գործող շինարարական օրէնքներուն։

Կառոյցներ[Խմբագրել | Խմբագրել աղբիւրը]

Դիլիջանի միջազգային դպրոցի ճարտարապետական նախագիծի ընտրութեան համար յայտարարուած է միջազգային մրցոյթ մը, որու արդիւնքով ընտրուած է անգլիացի ճարտարապետ՝ Թիմ Ֆլինի նախագիծը։ Հեղինակը տուեալ ճարտարապետական նախագիծի հիմքին դրած է վէրջին 20 տարուան աշխարհի տարբեր երկիրներու մէջ կառուցուած 20 միջազգային դպրոցներու կառուցման ժամանակ օգտագործուած առաջատար փորձը։

Դիլիջանի միջազգային դպրոցի շինութիւններու ընդհանուր հողատարածքը կը կազմէ շուրջ 87.1 հեքթար։ Կառուցապատման ենթակայ տարածքը կը կազմէ 20.1 հեքթար, որմէ ճարտարապետական նախագիծին մէջ ընդգրկուած են հետեւեալ շինութիւններու կառուցումը՝ 8.1 հեքթար կը կառուցապատուի մինչեւ 2014, իսկ 12 հեքթար մինչեւ 2017։

  1. Դպրոցի հիմնական մասնաշէնք (13,180 մ2)
  2. Մարզական մասնաշէնք (6300 մ2)
  3. Գիտարուեստական մասնաշէնք (456 մ2)
  4. Բժշկական կեդրոն (368 մ2)
  5. Աշակերտներու կացարան 1 (5000 մ2)
  6. Աշակերտներու կացարան 2 (5000 մ2)
  7. Աշակերտներու կացարան 3 (5000 մ2)
  8. Աշակերտներու կացարան 4 (5300 մ2)
  9. Աշակերտներու կացարան 5 (5750 մ2)
  10. Բազմագործառնութեան կեդրոն (2400 մ2)
  11. Շէնք 37 (445 մ2)
  12. Մարզական մասնաշէնքի օժանդակ տարածք (2200 մ2)
  13. Արուեստի կեդրոն (5273 մ2)
  14. Հիմնական դահլիճ (1990 մ2)
  15. Անձնակազմի կացարան 1 (5000 մ2)
  16. Անձնակազմի կացարան 2 (5000 մ2)

Կրթական ծրագիրներ[Խմբագրել | Խմբագրել աղբիւրը]

Ուսումնական ծրագիր[Խմբագրել | Խմբագրել աղբիւրը]

Դիլիջանի միջազգային դպրոցին մէջ կը նախատեսուի, որ ուսումնական տարին կը տեւէ 274 օր, իսկ հանգիստի օրերը կ'ըլլան 91 օր։ 13-14 տարեկան երեխաներու կրթութիւնը կը նախատեսուի կազմակերպել պարտադիր, յաւելեալ եւ յարակից առարկաներու տեսքով։

Պարտադիր դասանիւթերն են անգլերէնը, օտար լեզուները, թուաբանութիւնը եւ ընդհանուր գիտութիւնը, «Հայոց լեզու, գրականութիւն»՝ Հ.Հ. քաղաքացիներուն համար։

Յաւելեալ դասանիւթերն են արուեստը, գծագրութիւնը եւ արուեստագիտութիւնը, պատմութիւնը, աշխարհագրութիւնը։ Յարակից դասանիւթերն են թատերական արուեստը, ֆիզիքական կրթութիւնը եւ առողջապահութիւնը, երաժշտութիւնը եւ այլն։

Ուսանողները պէտք է առնուազն «B» մակարդակ ունենան անգլերէնի մէջ եւ գերազանց թուաբանութեան մէջ։ Այդ քննութիւնները կը համապատասխանեն IGCSE կրթական ծրագիրին անցում կատարելու բնօրինակներուն համապատասխան։ Հայազգի ուսանողները կը դիմեն նաեւ հայագիտական դասանիւթեր։

14-16 տարեկան երեխաներու համար կը նախատեսուի կրթութիւնը կազմակերպել The International General Certificate of Secondary Education (IGCSE) կրթական ծրագիրին համապատասխան։ Բոլոր դասանիւթերը խմբաւորուած են հետեւեալ խումբերուն մէջ՝ Լեզուներ, մարդասիրական առարկաներ, թուաբանութիւն, Ստեղծագործական, ընկերաբանական գիտութիւններ եւ արհեստագիտութիւն։ Քննութիւնները կը կազմակերպուին ամրան։ Ուսանողները պէտք է առնուազն ապահովեն «B» մակարդակ անգլերէնի մէջ եւ գերազանց թուաբանութեան մէջ, քննութիւնները կը կազմակերպուին դպրոցի intranet համակարգի միջոցով։

16-19 տարեկաններու ուսուցումը կը նախատեսուի կազմակերպել IB կրթական ծրագիրներուն համապատասխան։ Բոլոր առարկաները խմբաւորուած են հետեւեալ կերպով՝

  • Խումբ 1 - Ռուսերէն, Հայերէն, Անգլերէն
  • Խումբ 2 - Ռուսերէն, Անգլերէն, Ֆրանսերէն, Սպաներէն-B
  • Խումբ 3 - Պատմութիւն եւ արուեստագիտութիւն, կազմուած մարմիններու եւ անոնց շրջապատի փոխյարաբերութեանց ուսումնասիրութիւնը
  • Խումբ 4 – Կենսաբանութիւն, Քիմիագիտութիւն եւ բնագիտութիւն (Բարձր եւ բնօրինակ մակարդակ)
  • Խումբ 5 – Թուաբանութիւն (տարբեր մակարդակներու համար)
  • Խումբ 6 – Արուեստ, Երաժշտութիււն, Թատրոն

Վկայական (Հիմնական) - Գիտութեան արուեստագիտութիւն (Technology of science)(դասընթացքը կը դասաւանդեն աւելի քան 17 ուսուցիչներ), CAS դասընթաց(Creativity, Actions and Service)։

Առարկաները կը բաժնուին նաեւ բարձր մակարդակի (Higer level) եւ բնօրինակ մակարդակի (Standard level)։ Իւրաքանչիւր ուսանող պէտք է ունենայ երեքական բարձր եւ բնօրինակ մակարդակի դասընթացքներ։ IB վկայական ստանալու համար ուսանողը պէտք է հաւաքէ առնուազն 24\45 նիշը։

Նախապատրաստական տարի (13-14 տարեկան)[Խմբագրել | Խմբագրել աղբիւրը]

  • Նախա-IGCSE ծրագիր՝ անգլերէնի, այլ օտար լեզուներու եւ թուաբանութեան խտացուած ուսուցում
  • Լրացուցիչ առարկաներ՝ կիրառական արուեստ, մարդասիրական գիտութիւններ, գիտութիւն եւ արուեստագիտութիւն՝ բազմազան տաղանդներ եւ հետաքրքրութիւններ զարգացնելու նպատակով

IB Diploma (16-19 տարեկան)[Խմբագրել | Խմբագրել աղբիւրը]

  • Կրթական խտացուած եւ հաւասարակշռուած երկամեայ ծրագիր աւարտական քննութիւններով, որոնք ուսանողը կը պատրաստեն համալսարանական ընդունելութեան։

Cambridge IGCSE (14-16 տարեկան)[Խմբագրել | Խմբագրել աղբիւրը]

  • Լաւագոյն նախապատրաստում՝ աւելի քան 125 երկիրներու մէջ ընդունուած կրթական ծրագիր,
  • Հիմնական ուսումնական դասընթացքներ՝ անգլերէն, թուաբանութիւն, բնական գիտութիւններ եւ օտար լեզուներ,
  • Լրացուցիչ առարկաներ՝ արուեստ, երկրորդ օտար լեզու, գծագրութիւն եւ արուեստագիտութիւն, տնտեսագիտութիւն, պատմութիւն եւ աշխարհագրութիւն:

Միացեալ Համաշխարհային Քոլէճներ[Խմբագրել | Խմբագրել աղբիւրը]

Միացեալ Համաշխարհային Քոլէճներ, United World Colleges (or UWC), կրթական շարժում, որ կը միանայ 12 միջազգային դպրոցներ եւ քոլէճներ, 140 երկիրներու ազգային խնամակալ յանձնաժողովներ եւ շարք մը կարճաժամկէտ կրթական ծրագիրներ։

Արտադասարանական ուսուցում[Խմբագրել | Խմբագրել աղբիւրը]

Անգլերէնի հարստացում[Խմբագրել | Խմբագրել աղբիւրը]

Անգլերէնի խտացուած ուսուցման ծրագիր բոլոր մակարդակներու համար։

Մարզասրահային եւ բացօթեայ մարզանք[Խմբագրել | Խմբագրել աղբիւրը]

Մարզական զանազան զբաղումներ, թէ խմբային, թէ անհատական. ֆութպոլ, պասքէթպոլ, վոլիպոլ, թենիս, լողալ, ձիավարութիւն եւ այլն։

Ակումբներ[Խմբագրել | Խմբագրել աղբիւրը]

քննարկումներ, շախմատ, լեռնագնացութիւն, արշաւներ,

Կիրառական արուեստ[Խմբագրել | Խմբագրել աղբիւրը]

Երաժշտութիւն, պարարուեստ, բեմական արուեստ, կիրառական արուեստ Հայաստանի լաւագոյն մշակութային կեդրոններէն մէկուն մէջ։

Պատկերասրահ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]