Գէորգ Աճեմեան
| Գէորգ Աճեմեան | |
|---|---|
 | |
| Ծնած է | 18 Փետրուար 1932[1][2] |
| Ծննդավայր | Մունպուճ, Հալէպի Նահանգ, Սուրիա[1][2] |
| Մահացած է | 27 Դեկտեմբեր 1998[3] (66 տարեկանին) կամ 31 Դեկտեմբեր 1998[2] (66 տարեկանին) |
| Մահուան վայր | Լիոն[2] |
| Քաղաքացիութիւն |
 Սուրիոյ եւ Լիբանանի ֆրանսական մանտադ Լիբանան |
| Ազգութիւն | Հայ[1][2] |
| Ուսումնավայր |
Հայկազեան Ազգային Վարժարան[1] Կյուլլապի Կյուլպենկյան վարժարան?[1] Պէյրութի Ամերիկեան Համալսարան[1] |
| Տեսակ | բանաստեղծութիւն եւ Բանաստեղծութիւն |
| Մասնագիտութիւն | գրագէտ |
| Աշխատավայր | Սփիւռք (թերթ)? |
| Անդամութիւն | Հայաստանի Ազատագրութեան Հայ Գաղտնի Բանակ |
Գէորգ Աճեմեան (18 Փետրուար 1932[1][2], Մունպուճ, Հալէպի Նահանգ, Սուրիա[1][2] - 27 Դեկտեմբեր 1998[3] կամ 31 Դեկտեմբեր 1998[2], Լիոն[2]), հայ գրող, հրապարակախօս եւ Հայաստանի Ազատագրութեան Հայ Գաղտնի Բանակի հիմնադիրներէն մին։
Կենսագրութիւն[Խմբագրել | Խմբագրել աղբիւրը]
Ծնած է Սուրիա, Եղեռնէն մազապուրծ եղած սասունցիներու ընտանիքի մը մէջ։ Նախակրթութիւնը ստանալէ ետք Հալէպի Հայկազեան եւ Կիւլպէնկեան վարժարաններուն մէջ, միջնակարգ եւ երկրորդական ուսման հետեւած է Հալէպի ամերիկեան «Ալեփփօ Գոլէճ»ի մէջ։ Մասնագիտական պատրաստութիւնը ստացած է Պէյրութի Ամերիկեան համալսարանին մէջ, 1958-ին վկայուելով իբրեւ պսակաւոր արուեստից։
Գրական վաստակ[Խմբագրել | Խմբագրել աղբիւրը]
Աշխատակցած է Միջին Արեւելքի առօրեայ թէ պարբերական մամուլին, ու Սիմոն Սիմոնեանէն ետք խմբագիր եղած է «Սփիւռք» շաբաթաթերթին։ Ան գրական իր արձակին, գրադատական թէ քննական տեսութիւններու, ինչպէս նաեւ հրապարակագրային բնոյթ ունեցող յօդուածներու մէջ անկախ դատումի եւ աննախապաշար արժեւորումի տրամադիր գրչի մարդն եղած է։
Պատմուածքներն եւ վէպեր[Խմբագրել | Խմբագրել աղբիւրը]
1956-1983-ին անջատ հատորներով հրատարակուած են իր պատմուածքներն ու վէպերը՝
- «Անկարելի պատմութիւն»՝ 1956,
- «Օրերէն ետք»՝ 1958,
- «Անորոշութեամբ եւ մասամբ նորին»՝ 1959,
- «Անապահովութեան փողոցներ»՝ 1964,
- «Պիտի չարչարեմ բառերը»՝ 1967,
- «Ակամայ ծաղրածուն եւ այլ դերասաններ»՝ 1968,
- «Յաւերժական ճանապարհ»՝ 1975,
- «Ապագայի հետքերով»՝ 1982,
- «Յարդագողի ժառանգորդները»՝ 1983։
Քննադատական եւ գրական-վերլուծական տեսութիւններ[Խմբագրել | Խմբագրել աղբիւրը]
Քննադատական եւ գրական-վերլուծական իր տեսութիւնները երկու հատորներով հրատարակուած են 1962-ին եւ 1980-ին՝ «Տեսական-քննադատական փորձեր» անունին տակ։
Հրապարակագրական հատորներ[Խմբագրել | Խմբագրել աղբիւրը]
Հրատարակած է հրապարակագրական երեք հատորներ՝ «Միակ լուծումը» (1972), «Քաղաքական իրապաշտութի՞ւն, թէ անձնատուութեան պատրաստութիւն» (1992), «Պիտի յիշե՞նք երբեւէ Արեւմտեան Հայաստանը» (1998)։
Անգլերէն հատորներ[Խմբագրել | Խմբագրել աղբիւրը]
Լոյս ընծայած է նաեւ չորս հատոր անգլերէնով՝ "Symphony in Discord" (1962), "The Fallacy of Modern Politics" (1966), "A Time of Terror" (1997), "Ruling over the Ruins" (1998)։
Սփիւռքահայ գրականութեան նշանաւոր դեմքերէն է։
Գրականութիւն[Խմբագրել | Խմբագրել աղբիւրը]
- «Պիտի Յիշենք Երբեւիցէ Արեւմտեան Հայաստանը», Պէյրութ, 1998։
- Rulling over the Ruins, USA, 1999։
- A Time for Terror, USA, 2000։
Աղբիւրներ[Խմբագրել | Խմբագրել աղբիւրը]
- Դար Մը Գրականութիւն, Մինաս Թէօլէօլեան, Բ. հատոր, Ամերիկայի Միացեալ Նահանգներ 1977, էջ 487-488:
Ծանօթագրութիւններ[Խմբագրել | Խմբագրել աղբիւրը]
- ↑ 1,0 1,1 1,2 1,3 1,4 1,5 1,6 1,7 1,8 Հայկական սովետական հանրագիտարան / խմբ. Վ. Համբարձումյան, Կ. Խուդավերդյան — 1974. — հատոր 1. — է. 268–269.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 Հայկական համառոտ հանրագիտարան — 1990. — հատոր 1.
- ↑ 3,0 3,1 3,2 Bibliothèque nationale de France data.bnf.fr: open data platform — 2011.
Արտաքին յղումներ[Խմբագրել | Խմբագրել աղբիւրը]
- Աճեմեանի գիրքերը Amazon.com–ի մէջ:
- ԳԷՈՐԳ ԱՃԵՄԵԱՆԻ ՄՈՒՏՔԸ ՀԱՅԱՍՏԱՆ... Archived 2016-03-04 at the Wayback Machine.
|
