The Diary of a Young Girl

Diary of a Young Girl
Հեղինակ Անն Ֆրանք
Սկզբնական վերնագիր Het Achterhuis
Թարգմանիչ Պ. Մ. Մույարթ
Կողքի պատկերազարդող Հելմութ Սալտըն
Երկիր Հոլանտա
Լեզու Հոլանտերէն
Նիւթ Երկրորդ Համաշխարհային Պատերազմ
Հրատարակող Contact Publishing
Հրատարակչական թուական
1947
Գիրքի տեսակ Ինքնակենսագրութիւն


The Diary of a Young Girl, (նաեւ ճանչցուած է որպէս՝ The Diary of Anne Frank) օրագիր մըն է, որ գրուած է հոլանտերէն լեզուով, Անն Ֆրանքին կողմէ, երբ ան իր ընտանիքին հետ 2 տարի կը պահուըտէր Հոլանտա, Ամսթերտամի մէջ, Երկրորդ Համաշխարհային Պատերազմին պատճառաւ: Ֆրանք ընտանիքը կը ձերբակալուի 1944 թուականին, իսկ Անն Ֆրանք կը մահանայ թիֆիւս (բծատենդ) հիւանդութենէն Bergen-Belsen ճամբարին մէջ։ Օրագիրը կը գտնուի Միէփ Կիէյսին քով, որ կը յանձնէ Անն Ֆրանքի հօրը՝ Օթթօ Ֆրանքին, որ ճանչցուած է որպէս ընտանիքին միակ յետապրողը: Երկրորդ Համաշխարհային Պատերազմի աւարտէն ետք, օրատետրը կը հրատարակուի որպէս Անն Ֆրանքին ինքնակենսագրութիւնը, թարգմանուելով աւելի քան 60 լեզուներու:

The Diary of a Young Girl առաջին անգամ հրատարակուած է «Het Achterhuis. Dagboekbrieven 14 Juni 1942 – 1 Augustus 1944» վերնագիրով, Contact Publishing հրատարակչատան կողմէ, Ամսթերտամի մէջ, 1947 թուականին: Օրատետրը շահած է համաշխարհային դրական քննադատութիւններ: 1952 թուականին, այս ինքնակենսագրութիւնը Ամերիկայի Միացեալ Նահանգներուն մէջ թարգմանուած է Անգլերէնի Doubleday & Company հրատարակչութեան կողմէ, իսկ Անգլիոյ մէջ՝ Վալենթայն Միչելի կողմէ: The Diary of a Young Girl գիրքը նշանաւոր դարձած է 1955 թուականին, երբ վերածուած է թատերախաղի Ֆրանսիս Կուտռիչի եւ Ալպերթ Հաքեթի կողմէ, իսկ ետքը վերածուած է ֆիլմի 1959 թուականին: Այս օրագիրրը կը գտնուի 20-րդ դարու լաւագոյն գիրքերու ցանկին մէջ[1][2][3][4][5][6]:

Պատմութիւն[Խմբագրել | Խմբագրել աղբիւրը]

Երբ Գերմանիոյ Նացիական ուժերը կը գրաւեն Հոլանտան, Անն Ֆրանք որպէս իր 13-րդ տարեդարձին նուէր կը ստանայ օրատետր մը 12 Յունիս, 1942 թուականին[7][8]: Երկու օր ետք, 14 Յունիս, 1942 թուականին, Անն կը սկսի արդէն իր յուշերը գրել այդ տետրակին մէջ[9][10]:

5 Յուլիս,1942 թուականին, Անն Ֆրանքին քոյրը՝ Մարկոթ Ֆրանք կը ստանայ պաշտօնական նամակ մը, որպէսզի ուղարկուի Գերմանիա աշխատելու Նացիական խիստ բանակավայրերուն մէջ։ Այս պատճառաւ, Ֆրանք ընտանիքը 6 Յուլիս,1942 թուականին գաղտնօրէն կը փոխադրուի հին տուն մը, հոն պահուըտելու նպատակով: Անոնց կը միանան նաեւ Օթթօ Ֆրանքին բարեկամը ու անոր ընտանիքը՝ Հերմանն Վան Փելսը, անոր կինը՝ Ակըսթը ու անոնց պատանի զաւակը՝ Փիթըրը[11][11][12]: Անոնք սենեակներու մէջ կը պահուըտէին ու այդ սենեակներուն գլխաւոր դուռը կը գտնուէր գրադարանի մը ետեւ: 4 ամիս ետք անոնց կը միանայ 8-րդ անձ մը՝ Ֆրիթս Փֆերրերը: Անն Ֆրանքին հրատարակուած օրատետրին մէջ, այս անձերուն անունները փոխուած են՝ Վան Փելսերուն անունները եղած են «Վան Տաան», իսկ Ֆրիթս Փֆերրերին անունը եղած է «Պարոն Տըսսըլ»: Անոնք այս տան մէջ պահուըտած կը մնան 2 տարի եւ մէկ ամիս:

Անն Ֆրանքին օրագիրը (առաջին տպագրական օրինակը 1947 թուական):

Օգոստոս, 1944 թուականին անոնց գաղտնի ապաստանը կը գտնուի եւ անոնք կը փոխադրուին Նացիական բանակավայրեր: 8 անձերէն ողջ կը մնայ միայն Աննին հայրը՝ Օթթօ Ֆրանքը: Աննը կը մահանայ 15 տարեկանին Bergen-Belsen բանակավայրին մէջ։ Անն Ֆրանքին մահուան ճշգրիտ թուականը յստակ չէ, բայց գիտնականները կը նշեն թէ ան մահացած է Մարտ ամսուն: Իսկ 2015 թուականի նոր տեղեկութիւնները ցոյց կու տան թէ Անն մահացած է Փետրուար ամսուն[13][14]:

Անն Ֆրանքին իսկական օրատետրը կը բաղկանայ 3 բաժիններէ: Առաջինը կը պարունակէ անոր յուշերը 14 Յունիս, 1942 թուականէն մինչեւ 5 Դեկտեմբեր, 1942 թուական: Նկատի ունենալով որ օրատետրին երկրորդ բաժինը կը սկսի 22 Դեկտեմբեր, 1943 թուականին ու կը վերջանայ 17 Ապրիլ, 1944 թուականին, գիտնականները կը նշեն թէ առաջին եւ երկրորդ բաժիններուն մէջ գտնուող յաջորդող օրատետրը կորսուած է պատերազմի ընթացքին: Իսկ օրատետրին վերջին բաժինը, որ գրուած էր Աննին դպրոցական գիրքերէն մէկուն մէջ, կը պարունակէ անոր յուշերը 17 Ապրիլ, 1944 թուականէն մինչեւ 1 Օգոստոս, 1944 թուական, երբ Անն Ֆրանք, իր մահէն առաջ, վերջին անգամ ըլլալով գրած էր իր յուշերը[15]:

Օրատետրը գտնուած էր Միէփ Կիէսին եւ Պեփ Վոսքուիժլին կողմէ Ֆրանք ընտանիքին ձերբակալութենէն ետք[16]: Օրատետրը պահուած էր անոնց կողմէ, եւ ետքը յանձնուած էր Աննին հօր՝ Օթթօ Ֆրանքին, Երկրորդ Համաշխարհային Պատերազմէն ետք:

Ծանօթագրութիւններ[Խմբագրել | Խմբագրել աղբիւրը]

  1. «Best (100) Books of the 20th Century] #8»։ Goodreads 
  2. «Top 10) definitive book(s) of the 20th century»։ The Guardian 
  3. «50 Best Books defining the 20th century»։ PanMacMillan.com։ արխիւացուած է բնօրինակէն-էն՝ 2018-12-25-ին։ արտագրուած է՝ 2017-02-16 
  4. «List of the 100 Best Non-Fiction Books of the Century, #20»։ National Review 
  5. Books of the Century: War, Holocaust, Totalitarianism։ New York Public Library։ 1996։ ISBN 978-0-19-511790-5 
  6. «Top 100 Books of the 20th century, while there are several editions of the book. The publishers made a children's edition and a thicker adult edition. There are hardcovers and paperbacks, #26»։ Waterstone's 
  7. «Anne Frank Diary Anniversary Marks the Day Holocaust Victim Received Autograph Book as a Birthday Present (PHOTO)»։ The Huffington Post։ June 12, 2013։ արտագրուած է՝ April 29, 2014 
  8. «Anne Frank's birthday on theme of diary's 70th anniversary»։ Anne Frank House։ June 12, 2012։ արտագրուած է՝ April 29, 2014 
  9. «Anne Frank: The Diary of a Young Girl: June 14, 1942 – November 17, 1942»։ edHelper.com։ արտագրուած է՝ April 29, 2014 
  10. «The Diary of Anne Frank Learning Guide: Table of Contents»։ Shmoop University, Inc.։ արտագրուած է՝ April 29, 2014 
  11. 11,0 11,1 «Anne Frank Biography (1929–1945)»։ Biography.com։ արխիւացուած է բնօրինակէն-էն՝ April 29, 2014-ին։ արտագրուած է՝ April 29, 2014 
  12. «The hiding place – A bookcase hides the entrance»։ Anne Frank House։ արտագրուած է՝ April 29, 2014 
  13. Park, Madison (April 1, 2015)։ «Researchers say Anne Frank perished earlier than thought»։ CNN 
  14. «Anne Frank may have been discovered by chance, new study says»։ BBC News։ December 17, 2016 
  15. «Ten questions on the authenticity of the diary of Anne Frank»։ Anne Frank Stichting։ 2007։ արտագրուած է՝ April 27, 2014 
  16. Frank Anne (1997)։ The Diary of a Young Girl: The Definite Edition։ Bantam Books։ էջ vii։ ISBN 0553577123 

Արտաքին յղումներ[Խմբագրել | Խմբագրել աղբիւրը]