Փոքր Քիքլատես
| Կղզի | |
|---|---|
| Փոքր Քիքլատես | |
 Փոքր Քիքլատես | |
| Երկիր |
 Յունաստան |
| Կը գտնուի ափին | Էգէական Ծով |
Փոքր Քիքլատես (յուն․՝ Μικρές Κυκλάδες), Քիքլատեսի արեւելեան կողմը փոքր կղզիներու համալիր, Էգէական ծով, Յունաստան։ Կը գտնուի Նաքսոսին հարաւ-արեւելքը եւ կը բաղկանայ 32 կղզիներէ եւ ժայռերէ։
Ընդհանուր տեղեկութիւններ
[Խմբագրել | Խմբագրել աղբիւրը]Փոքր Քիքլատեսի ամենէն ընդարձակ կղզին Իրաքլիան է՝ 18 քլ², իսկ ամենէն շատ բնակչութեամբ՝ Անօ Քուֆոնիսի (399)։ Կղզեխումբէն միայն չորսը բնակուած են՝ Անօ եւ Քաթօ Քուֆոնիսի, Իրաքլիա, Սհինուսա եւ Տոնուսա։ Վարչականօրէն կը պատկանի Նաքսոս եւ Փոքր Քիքլատես քաղաքապետութեան․ բացի Անօ եւ Քաթօ Քուֆոնիսի կղզիակներէն, որոնք կը պատկանին Ամորղոս քաղաքապետութեան։
Գլխաւոր կղզիներն են Անօ Քուֆոնիսի, Քաթօ Քուֆոնիսի, Իրաքլիա, Սհինուսա, Տոնուսա եւ Քերոս։ Մնացեալ կղզիակներէն նշենք՝ Ավելոնիսիա, Այիոս Անտրէաս, Արղիլոս, Ասփրոնիսի կամ Լիղարի, Վենեթիքօ, Վուլղարի, Ղլարոնիսի, Քլիտուրա, Լազարոս, Մաքարես կղզիակներ, Մելատյի կղզիակներ, Մոսհոնաս, Օֆիտուսա, Փլաքես կղզիակներ, Փլաքի, Փրասուրա, Սքանտիա, Սքիլոնիսի, Սթրոկիլի եւ Ցուլուֆի։ Բոլորն ալ ամենօրեայ հերթականութեամբ կապուած են Նաքսոս եւ Ամորղոս կղզիներուն հետ, ինչպէս նաեւ Փիրէա նաւահանգիստին հետ։
Պատմական ակնարկ
[Խմբագրել | Խմբագրել աղբիւրը]Վերջին Սառային Շրջանին, Քիքլատես կղզեխումբը հսկայ ցամաքամաս մըն էր։ Ք․Ա․ 9000-ին երբ Միջերկրական ծովուն ջուրերը կը բարձրանան, ցամաքամասը կ՛ ողողեն եւ կը կազմուին մեծ ու փոքր կղզիներ։
Փոքր Քիքլատես կը բնակուին Քարի Դարէն։ Կղզեխումբը կը զարգանայ Պղնձադարին, երբ կը ծաղկի Քիքլատեան Մշակոյթը․ Քերոս կղզին գլխաւոր կեդրոնը կը հանդիսանայ։ Սհինուսա եւ Իրաքլիա կղզիներուն վրայ տեսանելի են դասական դարու եւ հռոմէական շրջանին հետքերը։ Միջնադարէն մինչեւ նորագոյն շրջանը, կղզիները ծովահէններու յարձակումներէն կը տարապին։
ԺԱ․ դարէն Փոքր Քիքլատես Ամորղոս կղզիին վրան գտնուող Հոզովիոթիսա Վանքին կը պատկանի։ Մինչեւ այսօր, կղզիներուն տարածքներէն մաս մը վանքին սեփականութիւնն են։
Փոքր Քիքլատեսի գլխաւոր եկամուտը զբօսաշրջիկութիւնն է։ Բնակիչները կը զբաղին նաեւ անասնաբուծութեամբ եւ ձկնորսութեամբ։