Տիգրան Մանսուրեան

Jump to navigation Jump to search
Տիգրան Մանսուրեան
Տիգրան Մանսուրյան.jpg
Տիգրան Մանսուրեանի լուսանկարը
Ծնած է 27 Յունուար 1939
Ծննդավայր Պէյրութ
Քաղաքացիութիւն Flag of the Soviet Union.svg Խորհրդային Ընկերվարական Հանրապետութիւններու Միութիւն
Flag of Armenia.svg Հայաստան
Ուսումնավայր Ռոմանոս Մելիքեանի անուան երաժշտական ուսումնարան
Երեւանի Կոմիտասի անուան պետական երաժշտանոց
Մասնագիտութիւն կոմպոզիտոր
Աշխատավայր Երեւանի Կոմիտասի անուան պետական երաժշտանոց
Պարգեւներ եւ
մրցանակներ
Երեւանի պատուաւոր քաղաքացի Հայաստանի Հանրապետութեան Պատուոյ շքանշան Հայկական ԽՍՀ արուեստի վաստակաւոր գործիչ Խորհրդային Հայաստանի ժողովրդական արուեստագէտ Սուրբ Մեսրոպ Մաշտոցի շքանշան Հայաստանի Հանրապետութեան Նախագահի մրցանակ

Տիգրան Մանսուրեան (ծնած՝ 27 Յունուար 1939, Պէյրութ), հայ երգահան, ՀԽՍՀ ժողովրդական արուեստագէտ (1990), ՀԽՍՀ արուեստի վաստակաւոր գործիչ (1984)։ Հեղինակ է նուագախմբային, քամերային, երգչախմբային եւ վոկալ գործերու, որոնք կատարուեր են ամբողջ աշխարհին մէջ։

Ծնած է Պէյրութ։ 1940-ականներուն ընտանիքով ներգաղթած՝ Հայաստան։ Մանսուրեան ուսանած է 1956-1960-ին Երեւանի Ռ. Մելիքեանի անուան երաժշտական ուսումնարանէն ներս, ապա՝ 1960-1965-ին Երեւանի Կոմիտասի անուան պետական երաժշտական համալսարանէն ներս՝ Ղազարոս Սարեանի աշակերտած ու անոր ղեկավարութեամբ՝ 1967–ին աւարտած՝ բարձրագոյն ուսումը (ասբիրանթուրան)։ Ուսանողական տարիներուն գրած է տարբեր ժանրի երկեր ու արժանացած՝ մրցանակներու։ 1967-1986 թուականներուն դասաւանդած է ժամանակակից երաժշտութեան տեսութիւն երաժշտական դպրոցին մէջ։ 1986 թուականին Մանսուրեանին շնորհուեր է երաժշտութեան Փրոֆեսորի կոչում։ 1992-1995 թուականներուն զբաղեցուցած է երաժշտական դպրոցի երէցի պաշտօնը։

Մանսուրեան՝ երաժշտութեան մէջ բերած իր նորարարութեամբ, ԽՍՀՄ-ի շրջանին, կը հանդիսանայ երաժշտութեան ռահվիրաններէն մին։ Ֆիլմերու համար գրած է բազմաթիւ երաժշտութիւններ՝ «Մենք Ենք, Մեր Սարերը», «Ճերմակ Անուրջներ», «Նռան Գոյնը», «Հին Օրերի Երգը», «Մեր Մանկութեան Թանկոն» եւ այլն։ Մանսուրեանի ստեղծագործութիւնները մեծ յաջողութիւն վայելած են՝ Լոնտոնի, Փարիզի, Հռոմի, Միլանի, Վիեննայի, Մոսկուայի, Վարշաւայի, Նիւ Եորքի, Լոս Անճլըսի եւ համաշխարհային երաժշտական այլ մայրաքաղաքներուն մէջ։ Մանսուրեանի ստեղծագործութիւնները, հայկական երաժշտական արուեստի եւ ժողովրդական աւանդոյթներու, հետաքրքրական միահիւսութիւն են՝ իրենց լուսապայծառ, արտայայտիչ մեղեդիներով եւ տպաւորապաշտ, բարձրաճաշակ ու ընտիր հնչեղութեամբ։

Աղբիւրներ[Խմբագրել | Խմբագրել աղբիւրը]

  • Տ. Մանսուրեանի մասին ՀՀ մշակոյթի նախարարութեան կայք
  • Գառնիկ Ստեփանեան (1981)։ Կենսագրական բառարան, հատոր Բ․ Երեւան։ «Սովետական Գրող», էջ 287։