Վահրամ Գայֆէճեան

Վահրամ Գայֆէճեան
Ծնած է 14 (26) Ապրիլ 1879[1][2]
Ծննդավայր Ախալցխա[1][2]
Մահացած է 30 Նոյեմբեր 1960(1960-11-30)[1][2] (81 տարեկանին)
Մահուան վայր Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն[1][2]
Քաղաքացիութիւն  Ռուսական Կայսրութիւն
 Խորհրդային Միութիւն
Ազգութիւն Հայ[1][2]
Ուսումնավայր Լազարեան Ճեմարան[1]
Մոսկուայի պետական համալսարան[1]
Մոսկուայի նկարչութեան, քանդակագործութեան եւ ճարտարապետութեան ուսումնարան[1]
Մասնագիտութիւն գեղանկարիչ, նկարչության ուսուցիչ
Անդամութիւն Հայ արվեստագետների միություն?[2] եւ Հայաստանի կերպարվեստի աշխատողների ընկերություն?[2]

Վահրամ Գայֆէճեան (14 (26) Ապրիլ 1879[1][2], Ախալցխա[1][2] - 30 Նոյեմբեր 1960(1960-11-30)[1][2], Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն[1][2]), հայ նկարիչ եւ արուեստի վաստակաւոր գործիչ։

Կենսագրութիւն[Խմբագրել | Խմբագրել աղբիւրը]

Ծնած է Պոլիս: Կրթութիւնը ստացած է Լազարեան ճեմարանէն ներս՝ 1892-1901 թուականներուն, ապա 1901 ընդունուած է Մոսկուայի համալսարանի բժշկական եւ իրաւաբանական բաժինները, ուրկէ շրջանաւարտ եղած է 1910 թուականին. միաժամանակ հետեւած է գեղանկարչութեան, քանդակագործութեան եւ ճարտարապետական դասընթացքներու:

Ուսումը աւարտելէ ետք վերադարձած է իր ծննդավայրը։ 1912-1923 թուականներուն զբաղած է արուեստով ու նկարչութեամբ։

Մասնակցած է «Հայ արուեստագէտներու միութեան» ցուցահանդէսներուն՝ Թիֆլիսի մէջ։ Աշխատած է Երեւանի գեղարուեստա-արդիւնաբերական տեխնիկական դպրոցին մէջ 1924-1929 թուականներուն` տնօրէն, 1955 թուականին` դասատու։

Գայֆէճեան գլխաւորապէս նկարած է բնանկարներ, դիմանկարներ եւ գեղանկարներ. իր գործերէն յատկանշական է զբօսայգիներու, սրճարաններու եւ դիմակահանդէսներու պատկերները:

Յուշատախտակ[Խմբագրել | Խմբագրել աղբիւրը]

2012-ին Ախալցխայի մէջ բացումը կատարուած է Վահրամ Գայֆէճեանի նուիրած յուշատախտակին[3], որ տեղադրուած է այն տան ճակատին, ուր ծնած է նկարիչը:

Հայաստանի Ազգային պատկերասրահէն ներս տեղադրուած է Վահրամ Գայֆէճեանի գործերէն շատեր, որոնցմէ են «Արեւոտ առաւօտ»ը, «Ամպամած օրը» եւ ուրիշներ:

Կոչում[Խմբագրել | Խմբագրել աղբիւրը]

Նկարիչը 1954 թուականին արժանացած է Խորհրդային Հայաստանի Արուեստի վաստակաւոր գործիչի կոչումին[4]:

Ծանօթագրութիւններ[Խմբագրել | Խմբագրել աղբիւրը]

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։