Սիրան Սեզա

Jump to navigation Jump to search

Սիրան Սեզա (Զարիֆեան, 1903 - 1973), հայ արձակագիր, հրապարակախօս, խմբագիր։

Ծնած է Սկիւտար, Կ.Պոլիս։ Քոյրն է բանաստեղծ Մատթէոս Զարիֆեանի։ Նախակրթութիւնը կը ստանայ տեղւոյն հայկական վարժարաններուն մէջ. երկրորդական ուսումը՝ կը ստանայ ֆրանսական եւ ամերիկեան վարժարաններէն ներս։ Քեմալականներու՝ Պոլիս մուտքէն ետք, կ՛անցնի Պէյրութ, ապա՝ Ամերիկայի Միացեալ Նահանգներ, ուր կը հետեւի բարձրագոյն ուսման (Նիւ Եորք)։

Պէյրութ վերդարձած, կ՛ունենայ գրական եւ հրապարակագրական բազմամեայ գործունէութիւն. 1932-ին կը հիմնէ եւ 15 տարի կը խմբագրէ «Երիտասարդ Հայուհին» հանդէսը։

Գրական մամուլին աշխատակցած է պատմուածքներով, վիպակներով։ Անջատ հատորով գործերը լոյս տեսած են 50–60-ական թուականներուն։ Փոքրերու համար մշակած է հեքիաթներու շարք մը՝ «Հեքիաթներու աշխարհէն» (1973Վահէ Վահեանի հետ կազմած ու խմբագրած է Մատթէոս Զարիֆեանի «Ամբողջական Գործեր» (1966), ստուարածաւալ հատորը։

Մահացած է Պէյրութ։