Սերովբէ Պէնկլեան

Սերովբէ Պէնկլեան;
Ծնած է	28 Յունիս (10 Յուլիս) 1838 կամ 1835
Ծննդավայր	Կոստանդնուպոլիս, Օսմանեան Կայսրութիւն
Մահացած է	28 Փետրուար 1903 կամ 1900
Մահուան վայր	Աղեքսանդրիա, Եգիպտոս
Քաղաքացիութիւն	Օսմանեան Կայսրութիւն
Ազգութիւն	Հայ
Մասնագիտութիւն	դերասան, բեմադրիչ, թատերական գործիչ
Աշխատավայր	Արեւելեան Թատրոն

Սերովբէ Պէնկլեան (28 Յունիս (10 Յուլիս) 1838^[1] կամ 1835^[1], Կոստանդնուպոլիս, Օսմանեան Կայսրութիւն^[1] - 28 Փետրուար 1903(1903-02-28)^[1] կամ 1900^[1], Աղեքսանդրիա, Եգիպտոս^[1]), հայ դերասան եւ թատերական գործիչ։

Յաճախած է Բերայի ազգային երկսեռ վարժարանը։ Փոքր տարիքէն աշխատած է եւ այդ իսկ պատճառով դպրոց չէ յաճախած: Աշխատած է ըմպելարանի մը մէջ, իր եղբօր հետ: Չորս եղբայր ունեցած է եւ արհեստ չէ ունեցած։

Սերովբէ կարդալ չէ գիտցած, իսկ հայերէն արտասանութիւնն ալ օտար առոգանութիւն ունեցած: Հայերէնով ներկայացման մը հանդիսատես ըլլալով, զգացած է, որ ինք ընդունակ է դերասանութեան եւ 1857-1858-ին բարձրացած է բեմ, Խասգիւղի մէջ, մասնակցելով Մազաքեան-Աճէմեանի թատերախումբի ներկայացումներուն:

1861-1862-ին մտած է Արեւելեան թատրոնի խումբին մէջ իբրեւ դերասան։ 1863 թուականին Էքշեանի խումբին հետ մեկնած է Զմիւռնիա եւ հանդէս եկած քաղաքի այլ թատերախումբերուն մէջ։ 1868 թուականին մաս կազմած է Յակոբ Վարդովեանի «Օսմանեան թատրոն»ին մէջ։

1878 թուականին կազմակերպած է մասնագիտական օփերեթային խումբ մը, որ բեմադրած է հայկական եւ թարգմանական օփերէթներ։ Խումբին մէջ հանդէս եկած են Սիրանոյշը, Գարագաշեան քոյրերը, Մարտիրոս Մնակեանը, Դաւիթ Թրեանցը, Դ․ Շիրինեանը, Մ․ Չափրաստը եւ ուրիշներ։ Սերովբէ Պէնկլեանի թատերախումբը հիւրախաղերով այցելած է Թուրքիոյ, Յունաստանի, Եգիպտոսի շարք մը քաղաքներ։ Պէնկլեանի լաւագոյն դերերէն եղած են՝ Բել (Ռ․ Սետեֆճեանի «Հայկ դիւցազն»), Մերզուկ (Շ․ Լեկոքի «Ժիրոֆլե-ժիրոֆլիա»), Արիֆ, Հոր-հոր աղա (Տիգրան Չուխաճեանի «Արիֆ», «Լեպլեպիճի Հոր-հոր աղա»), Շապուհ (Մ․ Պեշիկթաշլեանի «Արշակ Բ.», բեմադրութիւն Սերովբէ Պենկլեանի, 1899, Փարիզ)։

Աղբիւրներ

«Թատերական Դէմքեր», Նշան Պէշիկթաշլեան, Գէորգ Մելիտինեցի Գրական Մրցանակ, էջ 63-78։

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 ^1,17 Հայկական սովետական հանրագիտարան, հատոր 9 — հատոր 9. — է. 232.
<a href="https://wikidata.org/wiki/Track:Q124737636"></a><a href="https://wikidata.org/wiki/Track:Q2657718"></a>

[<span_class="wikidata_cite_citetype_Q1238720"_data-entity-id="Q124737636">Հայկական_սովետական_հանրագիտարան,_հատոր_9<span_class="wef_low_priority_links">_—_հատոր&nbsp;9._—_է.&nbsp;232.</span></span><div_style="display:none"><a_href="https://wikidata.org/wiki/Track:Q124737636"></a><a_href="https://wikidata.org/wiki/Track:Q2657718"></a></div>-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 ^1,17 Հայկական սովետական հանրագիտարան, հատոր 9 — հատոր 9. — է. 232.
<a href="https://wikidata.org/wiki/Track:Q124737636"></a><a href="https://wikidata.org/wiki/Track:Q2657718"></a>

[1]