Պերնարտօ Պելոթօ

Պերնարտօ Պելոթօ; Bernardo Francesco Paolo Ernesto Bellotto
Ծննդեան անուն	իտալ.՝ Bernardo Francesco Paolo Ernesto Bellotto
Ծնած է	Վենետիկ, 20 Մայիս 1780
Ծննդավայր	Վենետիկ, Վենետիկի հանրապետութիւն
Մահացած է	Վարշաւա, 17 Նոյեմբեր 1780
Մահուան վայր	Վենետիկ
Քաղաքացիութիւն	Վենետիկի հանրապետութիւն
Երկեր/Գլխաւոր գործ	Տրեստէ․ Էլվա գետին աջ ափէն, Օգոստոս կամուրջին վրայէն, Փիրնա․ դիտուած Սոնենսթէյն բերդէն, Մեծ Քանալին տեարանը․ Ֆոսքարի պալատ եւ Մորօ Լին եւ Վենետիկի Մեծ Քանալը
Տեսակ	Քաղաքային բնանկար եւ Բնանկար
Մասնագիտութիւն	գեղանկարիչ եւ փորագրանկարիչ
Աշխատավայր	Տրեստէի Արուեստի Ակադեմիա; Սթանիսլաւ Օգոստոս Փոնիաթոֆսքի
Վարած պաշտօններ	Պալատական նկարիչ եւ Պալատական նկարիչ
Ծնողներ	Լորենծօ Անթոնիօ Պելոթօ եւ Ֆիորենծա Քանալեթօ
Երեխաներ	Լորենծօ Պելոթօ

Պերնարտօ Պելոթօ, (2/30 Յունուար 1721 - 17 Նոյեմբեր 1780) իտալացի աշխարհահռչակ բնանկարիչ եւ փորագրանկարիչ: Աշակերտած է մօրեղբօր՝ Քանալեթոյին մօտ եւ բազմաթիւ անգամներ գործածած է անոր անունը ու ստորագրած որպէս Պերնարտօ Քանալեթօ։ Անոր գործերուն ոճը կը յատկանշեն ճարտարապետական վայրերու եւ բնանկարներու բարդ ներկայացումը (Տրեստէ, Վիեննա, Թորինօ եւ Վարշաւա)։

Կենսագրական գիծեր[Խմբագրել | Խմբագրել աղբիւրը]

Պելոթօ ծնած է 17 կամ 18 Հոկտեմբեր, 1697-ին, Վենետիկ։ Հայրն էր Անթոնիօ Պելոթօ եւ մայրը՝ Ֆիորենծա Քանալ՝ հռչակաւոր Քանալեթոյին քոյրը։

1742-ին Հռոմ կը տեղափոխուի, ուր կը ստեղծէ քաղաքին տեսարաններով գործեր։ 1744-ին եւ 1745-ին հիւսիսային Իտալիա կը ճամբորդէ․ կը գեղանկարէ իւրաքանչիւր քաղաքի տեսարանները։

1747-ին Տրեզտէ կը տեղափոխուի, որպէս հիւրը Լեհաստանի Օգոստոս Գ․ թագաւորին։ Հոն կը մնայ մինչեւ 1758, ուր կը ստեղծէ շրջանի քաղաքներուն տեսարաններով գեղանկարչութիւններ։ Այսօր այդ նկարները Տրեստէի երբեմնի հին գեղեցկութեան յիշատակն են․ շրջանը Բ․ Համաշխարհային Պատերազմի ռմբակոծումներուն հետեւանքով ամբողջովին կը կործանուի։

Պելոթոյին համբաւը կը մեծնայ եւ 1758-ին կը հրաւիրուի Վիեննա, որպէս հիւրը Աւստրոյ Մարի Թերեզա կայսրուհիին։ 1761-ին, Միւնիխ կը հաստատուի, ապա 1761-ին Տրեստէ կը վերադառնայ։ 1768-ին, Օգոստոս Գ․-ին մահէն ետք (1763), Լեհաստանի նոր թագաւորէն՝ Սթանիսլաւ Օգոստոս Փոնիաթոֆսքիէն Վարշաւա կը հրաւիրուի, որպէս արքունիքին գեղանկարիչ։ Հոն կը մնայ 16 տարի, մինչեւ մահը։ 1769-ին, Պելոթօ եւ զաւակը՝ Լորենծօ, արքունիքին պատուէրով կը ստեղծեն Հռոմին 14 տեսարաններ հաւաքածոն՝ հին Հռոմ եւ Պապական Հռոմ, յենուելով Ճովանի Պաթիսթա Փիրանեզիի փորագրանկարչական հաւաքածոյին վրայ, Vedute di Roma տիտղոսով։ Այս հաւաքածոն ԺԹ․ դարասկիզբին կը ցրուի եւ այսօր բաւական գործեր կը ցուցադրուին Ռուսիոյ թանգարաններուն մէջ, ինչպէս նաեւ կը գտնուին անձնական հաւաքածոներու մէջ։