Jump to content

Քանալեթօ

Քանալեթօ
Canaletto
Ծննդեան անուն Ճովանի Անթոնիօ Քանալ
Ծնած է Վենետիկ
Ծննդավայր Վենետիկ, Վենետիկի հանրապետութիւն[1][2][3]
Մահացած է Վենետիկ
Մահուան վայր Վենետիկ
Քաղաքացիութիւն  Վենետիկի հանրապետութիւն
Ազդուած է Ռոքոքօ գեղանկարչական հոսանքէն
Երկեր/Գլխաւոր գործ Մեծ Քանալին տեսարանը
Տեսակ Վետութա[1] եւ Բնանկար[1]
Մասնագիտութիւն գեղանկարիչ
Ծնողներ Պերնարտօ Քանալ
Ստորագրութիւն

Քանալեթօ, (բուն անունով՝ Ճովանի Անթոնիօ Քանալ, 17 Հոկտեմբեր 1697 - 19 Ապրիլ 1768) Վենետիկցի աշխարհահռչակ գեղանկարիչ: Ապրած ու գործած է ռոքոքոյի գեղանկարչական հոսանքին ընթացքին եւ հռչակաւոր դարձած է շնորհիւ իր բնանկարներուն։

Կենսագրական գիծեր[Խմբագրել | Խմբագրել աղբիւրը]

Քանալեթօ ծնած է 17 կամ 18 Հոկտեմբեր, 1697-ին, Վենետիկ։ Հայրն էր Պերնարտօ Քանալ, իսկ մայրը՝ Արթեմիսիա Պարպիերի։

Գեղանկաչութեան իր առաջին ուսուցիչները եղած են հայրն ու եղբայրը․ հայրը թատերաբեմերու գեղանկարիչ էր։ Աստիճանաբար յանձն կ՛առնէ հօրը աշխատանքը, սակայն 1719-1720 թուականներուն, Հռոմ տուած այցելութենէն ետք, ուր կ՛ազդուի բնանկարիչ Ճովանի Փաոլօ Փանինիին գործերէն, կ՛որոշէ դառնալ բնանկարիչ։

1723-ին, կը սկսի նկարել Վենետիկի առօրեայէն պատկերներ եւ գործերուն մէջ կը գերիշխեն լոյսի եւ ստուերի հակադրութիւնները։ Այդ գործերէն նշանաւոր է «Որմնադիրին բակգաւիթը» (այսօր կը գտնուի Լոնտոնի Ազգային Պատկերասրահին մէջ)։ Կ՛աշակերտէ Լուքա Քարլեվարիս բնանկարիչին մօտ, որուն սակայն կը գերազանցէ։ 1725-ին, գեղանկարիչ Ալեսանտրօ Մարքեզինի, որ անձնական հաւաքածոներու համար նկարներ կը գնէր, կը տեղեկանայ թէ կան ուրիշ երկու «Վենետիկի տեսարաններ, տարբեր Քարլեվարիսի գծածներէն»։

Քանալեթոյի բազմաթիւ գործեր ծախուած են Անգլիացի հաւաքիչներէ, Ժոզեֆ Սմիթ հիւպատոսին միջոցով։ 1750-ական թուականներուն Լոնտոն կ՛երթայ, որպէսզի իր գործերը գնողներուն մօտ ըլլայ։ Հոն կը մնայ մինչեւ 1755 եւ այդ ժամանակամիջոցին կը ստեղծէ բազմաթիւ գործեր, որոնք Լոնտանի տեսարանները կը ներկայացնեն։ Գործերը Վենետիկի բնանկարներուն յաջողութիւնը չեն ունենար։

1763-ին Վենետիկ կը վերադառնայ եւ կ՛ընտրուի Վենետիկի Ակադեմիոյ անդամ։

Կը մահանայ 19 Ապրիլ 1768-ին Վենետիկ։

Գործերէն նմուշներ[Խմբագրել | Խմբագրել աղբիւրը]

[4] [5] [6] [7] [8] [9] [10]

Ծանօթագրութիւններ[Խմբագրել | Խմբագրել աղբիւրը]