Շաւարշ Միսաքեան

Jump to navigation Jump to search
Շաւարշ Միսաքեան
Chavarche Missakian (cropped).jpg
Ծնած է Օգոստոս 1884
Ծննդավայր Սեբաստիայի նահանգ, ԹուրքիաԿատեգորիա:Թուրքիա ծնածներ
Վախճանած է 1957
Վախճանի վայրը Փարիզ, ՖրանսաԿատեգորիա:Փարիզ մահացածներ
Քաղաքացիութիւն Ottoman flag.svg Օսմանեան Կայսրութիւն
Flag of France.svg Ֆրանսա
Ազգութիւն հայ
Ուսումնավայր Ազգային Կեդրոնական Վարժարան (Պոլիս)
Մասնագիտութիւն խմբագիր, հիմնադիր
Աշխատավայր Յառաջ
Կուսակցութիւն Հայ Յեղափոխական Դաշնակցութիւն
Երեխաներ Արփիկ Միսաքյան

Շաւարշ Միսաքեան (աւազանի անունը՝ Եղիազար, Օգոստոս 1884, Զիմառա (Սեբաստիա) - 1957), հայ հրապարակագիր, ազգային-քաղաքական գործիչ։

Կենսագրութիւն[Խմբագրել | Խմբագրել աղբիւրը]

Շաւարշ Միսաքեան ծնած է Սեբաստիա նահանգի Զիմառա գիւղին մէջ։ 6 տարեկանին ընտանիքը կը փոխադրուի Պոլիս, ուր Շաւարշ կը յաճախէ, յաջորդաբար, Գում Գափուի Մայր Վարժարանը, Կալաթայի Կեդրոնականը եւ Կէտիկ Փաշայի Կարկուրեան դպրոցը։ 16 տարեկանին մուտք կը գործէ հրապարակագրութեան ասպարէզ՝ «Սուրհանդակ» թերթի խմբագրութեամբ։

Շաւարշ Միսաքեանի հրապարակագրական ինքնահաստատումը կը սկսի 1908-ին, երբ Զապէլ Եսայեանի, Գեղամ Բարսեղեանի եւ Վահրամ Թաթուլի հետ կը ձեռնարկէ Պոլսոյ «Ազդակ» շաբաթաթերթի հրատարակութեան։

1911-1912 կը ստանձնէ Կարնոյ հռչակաւոր «Յառաջ» թերթի խմբագրութիւնը։

‎1913-ին Պոլիս կը վերադառնայ՝ մաս կազմելու համար Հ.Յ.Դ. պաշտօնաթերթ «Ազատամարտ»-ի խմբագրութեան[1]։

Շաւարշ Միսաքեան կրնայ խուսափիլ թրքական ոստիկանութեան հետապնդումէն, բայց ի վերջոյ կը ձերբակալուի, երբ կը փորձէ Պոլիսէն հեռանալ ու Պուլկարիա ապաստանիլ։ Ան բանտին մէջ կը մնայ մինչեւ 17 Նոյեմբեր 1918, ապա ազատ կ'արձակուի[2]։

Շաւարշ Միսաքեան «Յառաջ»-ի կողքին նաեւ մաս կը կազմէ «Դրօշակ»-ի խմբագրութեան ու կուսակցական բարձրագոյն պատասխանատու պաշտօն կը վարէ՝ իբրեւ Հ.Յ.Դ. Բիւրոյի անդամ, ապա Հ.Յ.Դ. Եւրոպայի Կեդրոնական կոմիտէի անդամ։

‎‎1943-ին, ազգային «Յառաջ» վարժարանի հիմնումէն ետք, անմիջապէս հիմը կը դրուի «Յառաջ» Պատանեկան միութեան, ԼԵՄ-ի «Շ.Միսաքեան» մասնաճիւղին՝ իբրեւ շարունակութիւն Մուսա Լերան պատանեկան միութեան։

Ծանօթագրութիւններ[Խմբագրել | Խմբագրել աղբիւրը]

Արտաքին Յղումներ[Խմբագրել | Խմբագրել աղբիւրը]