Նունէ Սարգսեան
| Նունէ Սարգսեան | |
| |
| Կրթութիւն՝ | ԵՊՀ ռոմանագերմանական բանասիրության ֆակուլտետ? Գոլդսմիթի համալսարան? Երեւանի Պետական Համալսարան |
|---|---|
| Մասնագիտութիւն՝ | բանասէր, մանկագիր, քաղաքական գործիչ |
| Ծննդեան օր | 26 Մարտ 1954 (69 տարեկան) |
| Ծննդավայր | Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Քաղաքացիութիւն |  Խորհրդային Միութիւն Հայաստան
|
| Ամուսին | Արմէն Սարգիսեան |
| Կայք՝ | nounehsarkissian.com |
| Պարգեւներ |
Ասպետական մեծ խաչի շքանշան. «Իտալիոյ Հանրապետութեան ունեցած վաստակին համար» |
Նունէ Սարգսեան (26 Մարտ 1954, Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), Հայաստանի նախագահ Արմէն Սարգսեանի կինը։ Արուեստաբան, գրող[1]:
Կենսագրութիւն[Խմբագրել | Խմբագրել աղբիւրը]
Նունէ Սարգսեանը ծնած է 26 Մարտ 1954-ին, Երեւան։ Աւարտած է Երեւանի պետական համալսարանի ռոմանա-գերմանական լեզուներու բաժինը։ Աշխատած է Մեսրոպ Մաշտոցի անուան հին ձեռագրերու գիտահետազօտական հիմնարկին՝ Մատենադարանին մէջ։ Աւարտած է Լոնտոնի համալսարանի Գոլդսմիթս քոլեջը եւ ստացած արուեստի մագիստրոսի կոչում: Արուեստաբանութիւն ուսանած է նաեւ Լոնտոնի Սոթբիզ ինստիտուտին մէջ: Այնուհետեւ սորված է Ուեսթմինսթեր քոլեջի նկարչական բաժնին մէջ:
Հեղինակ է ժամանակակից արուեստի, մշակոյթի եւ երաժշտութեան գործիչներու մասին բազմաթիւ յօդուածներու եւ ակնարկներու, որոնք տպագրուած են Հայաստանի, ԱՄՆ-ի, եւրոպական տարբեր երկիրներու մէջ: Կազմակերպած է բազմաթիւ ցուցահանդէսներ, ինչպէս նաեւ դասական երաժշտութեան համերգներ տարբեր համերգասրահներու մէջ:
Հեղինակ է երկու տասնեակից աւելի մանկական գիրքերու՝ հայերէն, ռուսերէն եւ անգլերէն լեզուներով: Անոր հեքիաթները լոյս տեսած են ոչ միայն արեւելահայերէնով ու արեւմտահայերէնով, այլ նաեւ՝ Արցախի, Գաւառի, Գիւմրիի բարբառներով:
Նունէ Սարգսեանը ԵՈՒՆԻՍԷՖ-ի կողմէ նշանակուած է երեխաներու իրաւունքներու արտակարգ պաշտպան:
Ստեղծագործութիւններ[Խմբագրել | Խմբագրել աղբիւրը]
Դեռեւս համալսարանական տարիներէն յօդուածներ կը գրէ արուեստի, երաժշտութեան եւ մշակոյթի մասին, ինչպէս նաեւ հեքիաթներ ու պատմութիւններ երեխաներու համար: Իր ստեղծագործութիւններուն մէջ Նունէ Սարգսեանը կ՚արտայայտէ իր անսահման սէրը մանուկներուն հանդէպ: Անոր պատմութիւնները կը «քարոզեն» արդարութիւն, ազնուութիւն եւ բարութիւն, կը գրուին արեւելահայերէնով ու արեւմտահայերէնով, անգլերէնով ու ռուսերէնով, նաեւ՝ բարբառներով եւ որպէս նուէրներ՝ կը բաժանուին երեխաներուն[1]:
- Թզուկ-մզուկ
- Սադափ
- Հերոսներ
- Երեք վիշապներ
- Վիշապ Նեսին
- Նռան հատիկներ
- Թագաւորն ու վիշապը
- Քաչալ ոզնին
- Թէ ինչպէս փղիկը ճիշտ շնչել սովորեց
- Կափիղկա
- Դաւիթ, Հայկ եւ Բազիլիսկուս
- The Magic Buttons, ISBN 9780704373839
Ընտանիք[Խմբագրել | Խմբագրել աղբիւրը]
1978 -ին ամուսնացած է Արմէն Սարգսեանի հետ: Ունի երկու որդի՝ Վարդան եւ Հայկ Սարգսեանները, երեք թոռնիկ[2]:
Ծանօթագրութիւններ[Խմբագրել | Խմբագրել աղբիւրը]
- ↑ 1,0 1,1 Մանկագիր Նունէ Սարգսեան. անգլերէնէն մինչեւ Ղարաբաղի բարբառ
- ↑ Writer and ambassador’s wife Nouneh Sarkissian on her journey from Soviet Armenia to London
Արտաքին յղումներ[Խմբագրել | Խմբագրել աղբիւրը]
- Նունէ Սարգսեանի կախարդական կոճակները Archived 2021-05-24 at the Wayback Machine.
- Պաշտօնական կայք