Նորա Արմանի

Jump to navigation Jump to search
Նորա Արմանի
ֆրանսերէն՝ Nora Armani
Нора Армани 03 (25-06-2021).jpg
Ծնած է 31 Օգոստոս 1956(1956-08-31) (65 տարեկան)
Ծննդավայր Կիզա, Եգիպտոս
Քաղաքացիութիւն Flag of Egypt.svg Եգիպտոս
Flag of France (1958–1976).svg Ֆրանսա
Ուսումնավայր Լոնտոնի Տնտեսութեան համալսարան
Քալիֆորնիա Համալսարան (Լոս Անճելըս)
Գահիրէի Ամերիկեան Համալսարան
Մասնագիտութիւն դերասանուհի
Կայքէջ noraarmani.com

Նորա Արմանի (Էքսէրճեան, 31 Օգոստոս 1956(1956-08-31), Կիզա, Եգիպտոս), թատրոնի եւ շարժապատկերի հայազգի դերասանուհի, բեմադրիչ[1], Գաբրիէլ Սունդուկեանի անուան ազգային ակադեմիական թատրոնի պատուաւոր անդամ, Երեւանեան թատերական փառատօնի դափնեկիր։

Կենսագրութիւն[Խմբագրել | Խմբագրել աղբիւրը]

Նորա Արմանին ծնած է Գահիրէ։ Յաճախած է Գահիրէի Նուպարեան ազգային վարժարանը, այնուհետեւ յաճախեր է անգլիական դպրոց։ Աւարտեր է Գահիրէիի Ամերիկեան համալսարանը՝ ուսանելով ընկերաբանութիւն եւ թատրոն։ Այնուհետեւ ուսանած է Լոնտոնի տնտեսութեան եւ քաղաքական գիտութիւններու դպրոցին մէջ (London School of Economics)։ Թատերական կրթութիւնը ստացեր է Լոնտոնի թատերական արուեստի թագաւորական ակադեմիոյ՝ (RADA) եւ Քալիֆորնիայի համալսարանի մէջ (UCLA)։ Հետեւեր է տարբեր թատերական ծրագիրներու Փարիզի եւ Լոնտոնի մէջ, աշխատակցելով Իրինա Պրուքի եւ անոր հօր աշակերտ՝ Եոշի Օիտայի հետ, Արիան Մնուշքինի (Theatre du Soleil) հետ։

1974 թուականէն համատեղ ելոյթներ ունեցեր է դերասան-բեմադրիչ Ժիրայր Փափազեանի հետ, որու հետ ամուսնացեր է 1977 թուականին։ Միասին հանդէս եկած են «Արարատեան կայան» ներկայացումի մէջ հայերէն, անգլերէն եւ ֆրանսերէն լեզուներով[2]։ Փարիզ հաստատուելէն յետոյ հիմներ է «Բարեւ» ֆիլմ ընկերութիւնը, նկարահանած «Հայֆա» շարժանկարը։ Ելոյթներ ունեցեր է Սիտնիի օփերային թատրոնի բեմին վրայ, Մեթրոփոլիթեն թանգարանի մէջ, Լոնտոնի Ռիվըրսայթ տաղաւարներու մէջ, Գահիրէի օփերայի մէջ։ 1993 թուականէն Գաբրիէլ Սունդուկեանի Անուան Ազգային Ակադեմական Թատրոնի պատուաւոր անդամ է։

Գլխաւոր դերեր ստանձներ է անգլիական BBC, եգիպտական TV եւ ամերիկեան CWTV հեռուստաընկերութիւններու հեռուստահաղորդաշարներու մէջ։ Նկարահանուեր է բազմաթիւ կարճամեթրաժ եւ լիամեթրաժ ֆիլմերու մէջ։

Նիւ Եորքի մէջ բեմադրեր է Ուիլիըմ Սարոյեանի, Ակնես Ժաուի, Ժան Փիեռ Պաքրիի, Ալեքսանտր Տիււմայի ստեղծագործութիւնները, Սարոյեանը՝ նաեւ Երեւանի մէջ։ Իր գրութիւնները եւ բանաստեղծութիւնները հրատարակուեր են տարբեր հաւաքածուներու մէջ։ «Բազմոցի վրայ՝ Նորա Արմանիի հետ» եւ «Ինձ մի ինքնութիւն փոխ տուէք, էլի» գործերը ձայնասփռուեր են Ֆրանսիական ռատիոյով եւ Նիւ Եորքի համալսարանի մէջ։ Կ'ապրի եւ կը ստեղծագործէ Նիւ Եորքի մէջ՝ ամուսնոյն՝ Արետ Սփանճեանի հետ, ծրագրերով հանդէս կու գայ Փարիզի եւ Երեւանի մէջ[3]։

Ֆիլմեր[Խմբագրել | Խմբագրել աղբիւրը]

  • «Վարդագոյն փիղ», 1988
  • Ժամկէտը՝ եօթ օր, 1991
  • Վերջին կայարան, 1994
  • Լաբիւրինթոս, 1995
  • «Աննա Տէրեան», 1995
  • Le coeur à l'ouvrage, 2000
  • Echek, 2000
  • «Քեռի Պի» (ԱՄՆ), 2007
  • «Հարեւան, հարեւանուհի», 2005
  • «Սանթա Քլաուսը Պաղտատի մէջ», 2008
  • «Ֆուկան»
  • «Մարքօ Փօլօ»
  • «Սեղան 5-ի համար»
  • «Լաւագոյն պաշտպանութիւնը»

Դերեր թատրոնի մէջ[Խմբագրել | Խմբագրել աղբիւրը]

Պարգեւներ, մրցանակներ[Խմբագրել | Խմբագրել աղբիւրը]

  • «Արծաթէ աստղ» մրցանակ, 1987
  • Հարաւային Քալիֆորնիայի «Ոսկէ Աստղ Հալօ» մրցանակ
  • Լոս Անճելըսի « Քալիֆորնիայի Drama-Logue տրամա-Լոկ»ի (թատրոնի Օսքարը կը համարուի) մրցանակ
  • Սիւնիքի կինոփառատօնի լաւագոյն դերասանուհիի մրցանակ

Ծանօթագրութիւններ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]