Յարութիւն Թորոսեան
Յարութիւն Թորոսեան | |
|---|---|
| Ծնած է | 1933 |
| Ծննդավայր | Պէյրութ, Լիբանան |
| Քաղաքացիութիւն |
 Լիբանան |
| Կրթութիւն |
Փարիզի Գեղարուեստի Բարձրագոյն Դպրոց Ժիւլիան Ակադեմիա |
| Մասնագիտութնիւն | գեղանկարիչ, քանդակագործ |
Յարութիւն Թորոսեան (1933, Պէյրութ, Լիբանան), լիբանանահայ գեղանկարիչ եւ գրող։
Կեսագրական գիծեր
[Խմբագրել | Խմբագրել աղբիւրը]Ծնած է Պէյրութ: Նախնական կրթութիւնը ստացած է Մեսրոպեան եւ Աբգարեան վարժարաններուն մէջ: 1951-1952 հետեւած է Վահէ Վահեանի գրականութեան դասընթացքներուն:
1953-1955 յաճախած է «Աքատեմի Լիպանեզ տէ Պոզար»: 1956-ին մեկնած է Փարիզ ու հետեւած «École nationale supérieure des Beaux-Arts» նկարչական, փորագրական եւ խճանկարչութեան դասընթացքներուն:
1956-1960 ուսումնասիրութիւններ կատարած է Լուվրի` Փարիզ, Փրատոյի` Սպանիա, Փիթթիի` Իտալիա թանգարաններուն մէջ եւ ճամբորդած եւրոպական երկիրներ:
1960-2014-ին տուած է անհատական 23 ցուցահանդէսներ Փարիզ, Միացեալ Նահանգներ, Պէյրութ եւ Երեւան: Մասնակցած է աւելի քան 50 միջազգային ցուցահանդէսներու, Փարիզի եւ Ալեքսանդրիայի արուեստի փառատօններուն[1]:
Ունի հայերէնով հրատարակութիւններ եւ իր գեղանկարներու ներկայացման գիրքեր: Հետաքրքրական է իր «Անկարելի Սէր» գիրքը (144 էջ)[2]:
Ան անդամ էր Լիբանանի գեղանկարիչներու եւ քանդակագործներու միութեան եւ Ֆրանսայի Արուեստագէտներու պալատին[3]:
Գործունէութիւն
[Խմբագրել | Խմբագրել աղբիւրը]Դասաւանդած է Լիբանանեան համալսարանի գեղարուեստից կաճառին, Լիբանանեան արուեստի հիմնարկին, Համազգայինի «Թորոս Ռոսլին» կերպարուեստի դպրոցին, Հայկազեան համալսարանին եւ Համազգային հայագիտական բաժիններուն մէջ:
Գործերը կը գտնուին Միացեալ Նահանգներու, Ֆրանսայի, Լիբանանի եւ Հայաստանի թանգարաններուն եւ անհատական հաւաքածոներուն մէջ:
Ստեղծագործութիւններ
[Խմբագրել | Խմբագրել աղբիւրը]Հրատարակութիւններ
[Խմբագրել | Խմբագրել աղբիւրը]- «Խոհեր կեանքի եւ արուեստի մասին»,
- «Դիտանկիւնէս»,
- «Անկարելի սէր» հատորները:
Գրած է բազմաթիւ ուսումնասիրութիւններ` արուեստի մասին:
- «Յիշատակ Լիբանանէն»
- «Մայրական սէր»
- «Շուէտցի պարմանուհին»
- «Կանանց երազը»
- «Ծովափին»
Մրցանակներ
[Խմբագրել | Խմբագրել աղբիւրը]Ստացած է՝
- Սըրսոք թանգարանի 2-րդ մրցանակը,
- Մեծի Տանն Կիլիկիոյ կաթողիկոսարանի «Ս. Մաշտոց» շքանշանը,
- 22 Մայիս 2014-ին, Լիբանանի մշակոյթի նախարարութեան մրցանակը[4],
- Մեսրոպ Մաշտոց մատենադարանի Ս. Մեսրոպ Մաշտոց մրցանակը,
- Պէյրութի միջազգային փառատօնի մրցանակը, Հայաստանի սփիւռքի նախարարութեան «Արշիլ Կորքի» մրցանակը, Լիբանանցի նկարիչներու եւ արձանագործներու միութեան մրցանակը, Հայկազեան համալսարանի «Արուեստներ»-ու մրցանակը[1]։
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 «Պետական Մրցանակակիր, Բանաստեղծ Եւ Նկարիչ Յարութիւն Թորոսեանի Ծննդեան 85 Եւ Գործունէութեան 60-ամեակը»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2018-06-26։ արտագրուած է՝ 2022-01-21
- ↑ «Գեղանկարիչ Յարութիւն Թորոսեան` Նաեւ Գրող»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2017-01-28։ արտագրուած է՝ 2022-01-21
- ↑ «ԳՈՅԺ ՄԱՀՈՒԱՆ՝ Տաղանդաւոր Եւ Զգայուն Գեղանկարիչ Յարութիւն Թորոսեանի»։ Asbarez - Armenian (en-US)։ 2022-01-11։ արտագրուած է՝ 2022-01-21
- ↑ «Վաստակաւոր Գեղանկարիչ Յարութիւն Թորոսեան Պարգեւատրուեցաւ Մշակոյթի Նախարարութեան Կողմէ - Aztag Daily» (en-US)։ արտագրուած է՝ 2022-01-21