Յակոբ Վարժապետեան
| Յակոբ Վարժապետեան | |
|---|---|
| Ծննդավայր | Մարաշ, Ատանայի վիլայէթ, Օսմանեան Կայսրութիւն |
| Մահացած է | 1914 |
| Մահուան վայր | Մարաշ, Ատանայի վիլայէթ, Օսմանեան Կայսրութիւն |
| Ուսումնավայր | Թարսուսի Ամերիկեան Գոլէճ |
Յակոբ Վարժապետեան (, Մարաշ, Ատանայի վիլայէթ, Օսմանեան Կայսրութիւն - 1914, Մարաշ, Ատանայի վիլայէթ, Օսմանեան Կայսրութիւն), հայ մտաւորական, գրաբարագէտ, գրող եւ ուսուցիչ։
Կենսագրական գիծեր
[Խմբագրել | Խմբագրել աղբիւրը]Յակոբ Վարժապետեան եղած է Մարաշի Ս. Սարգիս եկեղեցւոյ քահանայ` տէր Գրիգոր Վարժապետեանին միակ զաւակը: Յակոբ ուսումը ստացած է Թարսուսի Ամերիկեան Ս. Պօղոս քոլեճին մէջ:
Տնօրէնը եղած է Մարաշի Սուրբ Սարգիս եկեղեցւոյ ծխական դպրոցին: Ան ուսումնասիրած է Մարաշի բարբառը, գրած է բանաստեղծութիւններ, երկասիրած է Մարաշի պատմութիւնը, որ հետագին հում նիւթ ծառայած է «Մարաշ կամ Գերմանիկ» ծաւալուն գիրքին, որ հրատարակուած է Գալուստեանին կողմէ, Նիւ Եորք, 1934-ին:
Ան աշխարհաբարի թարգմանած է Եղիշէի «Վարդանանց պատերազմը», որ լոյս տեսած է Պոլիս, 1911-ին: Հեղինակած է նաեւ անգլերէն-հայերէն-թրքերէն զրուցատրութեան հատոր մը:
Վարժապետեան գերդաստանը տուած է բազմաթիւ եկեղեցականներ: Տէր Գրիգորին եղբայրը` Յովհաննէս Վարժապետեան, եղած է արքեպիսկոպոս, իսկ իրենց հայրը` տէր Յովհաննէս, հիմնած է Մարաշի առաջին դպրոցը Ս. Գէորգ եկեղեցւոյ կից:
Յակոբ Վարժապետեան կ'ամուսնանայ Վիքթորիային հետ եւ կը բախտաւորուին չորս զաւակներով` Սիսակ, Հրաչ, Տիգրան եւ Շահէ[1]:
Ծանօթագրութիւններ
[Խմբագրել | Խմբագրել աղբիւրը]- ↑ «Հայոց Ցեղասպանութենէն Վերապրած Բժիշկ Տիգրան Վարժապետեան – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2024-07-08
Աղբիւրներ
[Խմբագրել | Խմբագրել աղբիւրը]- Victoria Varjabedian: An Armenian Mother, THEARMENIAN MIRROR-SPECTATOR, SATURDAY, MAY 13, 2017, P. 14.[1]