Մկրտիչ Արմէն

Jump to navigation Jump to search
Պատկեր:Mkrtich-armen.jpg
Մկրտիչ Արմէն

Մկրտիչ Արմէն (Յարութիւնեան) (27 Դեկտեմբեր 1906 - 22 Դեկտեմբեր 1972), բանաստեղծ, արձակագիր եւ թարգմանիչ։

Ծնած Է Ալեքսանդրապոլ (այժմ Կիւմրի)։ Միջնակարգ ուսումը ստացած է քաղաքի դպրոցներուն մէջ։ 1925-ին փոխադրուած է Երեւան, ուր խմբագրական պաշտօններ վարած է մամուլի եւ «Հայկինօ» շարժապատկերի արուեստանոցին մէջ։ Մամուլի մէջ աոաջին քերթուածները եւ պատմուածքները հրատարակելէ ետք, Մկրտիչ Արմէն հրատարակած է նաեւ իր առաջին հատորները։ Աւարտած է Մոսկուայի շարժապատկերի հիմնարկի բեմադրական երկամեայ դասընթացքը։ Երեսունական թուականներուն, Մկրտիչ Արմէն շարունակած է արտադրել, յատկապէս հրատարակելով իր գլխաւոր վէպը՝ «Հեղնար աղբիւր»։

1937-ին ծայր արած հալածանքներուն ան եւս զոհ դարձած է։ Դատապարտուած է աքսորի, ութ տարի անցնելով հեռաւոր հիւսիսի սառնամանիքին եւ լռութեան մէջ։ 1945-ին անպարտ արձակուած եւ Երեւան դարձած է, ուր շարունակած է իր ստեղծագործական աշխատանքը։ Ռուսական եւ այլ խորհրդային գրականութիւններէ կատարած է բազմաթիւ թարգմանութիւններ։

Մահացած է Երեւան, 1972-ին։

Գործերէն[Խմբագրել | Խմբագրել աղբիւրը]

  • «Շիրկանալ» (1925)
  • «Քաղաքը բլուրի վրայ» (1930)
  • «Գագաթների երգը» (1933)
  • «Հեղնար աղբիւր» (1935)
  • «Գոյնզգգոյն թագաւորութիւն» (1959)
  • «Վարդաւան» (1962)
  • «Ժիրայր Գլենց» (1967)

Աղբիւրներ[Խմբագրել | Խմբագրել աղբիւրը]