Մեսրոպ Ճանաշեան
| Մեսրոպ Վրդ. Ճանաշեան | |
|---|---|
 | |
| Ծնած է | 11 Յունուար, 1908 |
| Ծննդավայր | Անքարա |
| Մահացած է | 13 Ապրիլ, 1974 |
| Մահուան վայր | Վենետիկ, Իտալիա[1] |
| Քաղաքացիութիւն |
.svg){kind=small} Օսմանեան Կայսրութիւն_crowned.svg){kind=small} Իտալիոյ Թագաւորութիւն |
| Ուսումնավայր | Մուրատ-Ռափայէլեան Վարժարան |
| Մասնագիտութիւն | Մխիթարեան Միաբանութեան քահանայ |
| Աշխատավայր | Բազմավէպ |
Հայր Մեսրոպ Վրդ․ Ճանաշեան (11 Յունուար 1908[1], Անգարա, Անգարայի Վիլայէթ, Օսմանեան Կայսրութիւն[1] - 13 Ապրիլ 1974[1], Վենետիկ, Իտալիա[1]), հայ գրականագէտ, բանաստեղծ, թարգմանիչ։ Մխիթարեան միաբանութեան անդամ։
Կենսագրութիւն
[Խմբագրել | Խմբագրել աղբիւրը]Հայր Մեսրոպ Վարդապետ Ճանաշեան ծնած է 11 Յունուար, 1908-ին, Անքարա: Ան վախճանած է Ապրիլ 13, 1974-ին: Մխիթարեան Միաբանութեան քահանայ, Ուսումնապետ:
Հայր Մեսրոպ Վարդապետ Ճանաշեան, աւազանի անունով Պետրոս, ծնած է Անքարա, 11 Յունուար, 1908-ին: Հոկտեմբեր 1919-ին կ'անցնի Վենետիկ, եւ նոյն թուականի Նոյեմբերին կը հագնի վանական աշակերտի սքեմը:
Քսան տարեկան հասակին կանդամակցի Մխիթարեան Միաբանութեան: Իմաստասիրութեան ու Աստուածաբանութեան գծով համալսարանական իր ուսումը Հռոմի մէջ աւարտելէ ետք, 1934-ին կը ստանայ քահանայական ձեռնադրութիւն:
1937-1939 թուականներուն կը հետեւի Սորպոնի համեմատական գրականութեան դասընթացքներուն:
1939-1942 թուականներուն կը վարէ Մուրատ Ռափայէլեան-ի ուսումնապետի, եւ ապա՝ 1950-1952 տարիներուն, տեսուչի պաշտօնը:
Հայր Մեսրոպ Վարդապետ Ճանաշեան կը մահուան Ապրիլ 13, 1974-ին:
Խմբագրական աշխատանք , հիմնադիր եւ տպարանի տեսչութիւն
[Խմբագրել | Խմբագրել աղբիւրը]Երկար տարիներ՝ 1942-1952, 1953-1956 եւ 1970-1973 կը վարէ «Բազմավէպ»-ի խմբագրութիւնը, իսկ 1959-1969՝ տպարանի տեսչութիւնը: Կը հիմնէ «Հայ Ընտանիք»-ը, որուն խմբագրութիւնն ալ կը վարէ 1970-1973 թուականներուն:
Հրատարակչական եւ գրականագիտական ու պատմաբանասիրական աշխատութիւններ
[Խմբագրել | Խմբագրել աղբիւրը]Ամբողջ կեանք մը նուիրուած կրթական, խմբագրական ու հրատարակչական աշխատանքներու, որոնց առընթեր Հայր Մեսրոպ Վրդ. Ճանաշեան հաւատարմօրէն կը ծառայէ հայ գիր ու բանին, գեղարուեստական գրականութեան ու թարգմանչական աշխատանքներու հետ միատեղ ստորագրելով գրականագիտական ու պատմաբանասիրական աշխատասիրութիւններ:
Հրատարակութիւններ
[Խմբագրել | Խմբագրել աղբիւրը]«Բազմավէպ»-ի, «Գեղունի»-ի եւ «Հայ Ընտանիք»-ի մէջ հրատարակած իր բազմաթիւ ուսումնասիրութիւններէն անկախ, առանձին հատորներով լոյս կ՛ընծայէ. ՊԱՏՄՈՒԹԻՒՆ ԱՐԴԻ ՀԱՅ ԳՐԱԿԱՆՈՒԹԵԱՆ, Ա. Հատոր, 1701-1900, Վենետիկ, Ս. Ղազար, 1953, ՀԱՅ ԳՐԱԿԱՆՈՒԹԵԱՆ ՆՈՐ ՇՐՋԱՆԻ ՀԱՄԱՌՕՏ ՊԱՏՄՈՒԹԻՒՆ 1701-1920, Վենետիկ, Ս. Ղազար, 1973: Սայեաթ-Նովա, Վենետիկ, Ս. Ղազար, 1964: ԴԱՒԻԹ ԿԻՒՐԱՊԱՂԱՏ, Վենետիկ, Ս. Ղազար, 1976, եւ այլն. Մատենագիտական ամբողջական ցանկին համար տես՝ «Բազմավէպ», 1974, Թիւ 1-2, էջ 32-47:
Աղբիւրներ
[Խմբագրել | Խմբագրել աղբիւրը]- Հայկազեան Հայագիտական Հանդէս, Հատոր Ե., Պէյրութ, 1974, էջ 287։