Կոմունիստ (թերթ, Պաքու)
| Կոմունիստ | |
|---|---|
| Տեսակ | թերթ |
| Լեզու | Հայերէն |
| Խմբագիր |
Ս. Խանոյեան, Ս. Վարդանեան, Ի. Դովլաթեան, Ս. Մանուցեան, Ա. Վարդանեան, Գ. Անտելէպեան, Հ. Բաբլումեան, Ե. Գրիգորեան, Հ. Ամիրխանեան, Տ. Գրիգորեան, Ե. Բաբայեան, Է. Գրիգորեան |
| Հիմնադրուած է | 18 Մայիս 1920 |
| Երկիր | Ազրպէյճան |
| Գրասենեակ | Պաքու, Խորհրդային Միութիւն |
| Պարգեւներ | Աշխատանքային Կարմիր դրօշի շքանշան |
Կոմունիստ, օրաթերթ։ Լոյս տեսած է 1920-1989 թուականին, Պաքուի մէջ շաբաթը 5 անգամ։ Խմբագիրներ՝ Ս. Խանոյեան, Ս. Վարդանեան, Ի. Դովլաթեան, Ս. Մանուցեան, Ա. Վարդանեան, Գեղամ Անտելէպեան, Հ. Բաբլումեան, Ե. Գրիգորեան, Համօ Ամիրխանեան, Տ. Գրիգորեան, Ե. Բաբայեան, Է. Գրիգորեան։
Առաջին տարիներուն ներկայացուցած է Ազրպէյճանի տնտեսութեան վերակառուցման ուղղուած միջոցառումները, ծանօթացուցած է հանրապետութեան հայ բնակչութեան առօրեային, տպագրած հայ գրողներու գործեր։ Պայքարած է աշխատաւորութեան ինտէրնացիոնալիզմի եւ ժողովուրդներու բարեկամութեան ոգիով դաստիարակելու համար, գովազդած լենինեան ազգային քաղաքականութիւնը, խորհրդային հայրենասիրութիւնը։ Սկզբնական շրջանին մասնակցած է խորհրդային կարգերու ամրապնդման, երկրի ինդուստրացմանն ու գիւղատնտեսութեան կոլեկտիւացման, տպագրած Վ. Ի. Լենինի «Ձախութեան» մանկական հիւանդութիւնը կոմունիզմի մէջ» աշխատութիւնը, Ս. Կիրովի, Ս. Օրջոնիկիձեի, Ալեքսանդր Միասնիկեանի, Ն. Նարիմանովի, Ա. Միկոյեանի, Արտաշէս Կարինեանի եւ ուրիշներու յօդուածները։ Լուսաբանած է Կարմիր բանակի եւ խորհրդային ժողովուրդի հերոսական պայքարը Հայրենական մեծ պատերազմին։
1960-ական թուականներէն սկսած՝ տեղի կուսակցական եւ խորհրդային մարմիններու ճնշման տակ առաւել որոշակի ուրուագծուած է թերթի պասսիւ դիրքորոշումը Ազրպէյճանի սահմաններուն մէջ գտնուող հայկական տարածքներու (Լեռնային Ղարաբաղ, Նախիջեւանի Ինքնավար Հանրապետութիւն) եւ հայաբնակ վայրերու հայ բնակչութեան հետապնդումներու, հայկական յուշարձաններու իւրացման կամ ոչնչացման փաստերու վերաբերեալ։ Թերթը փակուած է 1989 թուականի Դեկտեմբերին[1]։
Ծանօթագրութիւններ[Խմբագրել | Խմբագրել աղբիւրը]
- ↑ Հայ Սփյուռք հանրագիտարան, Երևան, Հայկական հանրագիտարան հրատարակչություն, 2003, էջ 24։
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ 
|