Լուիզա Ասլանեան
| Լուիզա Ասլանեան | |
|---|---|
.jpg) | |
| Ծննդեան անուն | հայ.՝ Լուիզա Գրիգորեան |
| Ծնած է | 5 Մայիս 1906 |
| Ծննդավայր | Թաւրիզ, Իրան |
| Վախճանած է | 30 Յունուար 1945 (38 տարեկանին) |
| Մահուան վայր | Ռավենսբրյուկ համակենտրոնացման ճամբար, Գերմանիա |
| Քաղաքացիութիւն | Իրան |
| Ազգութիւն | հայ |
| Մասնագիտութիւն | գրագէտ, հասարակական գործիչ, բանաստեղծուհի, French Resistance fighter |
| Աշխատավայր | Զանգու |
| Կուսակցութիւն | Ֆրանսայի Կոմունիստական Կուսակցութիւն |
| Ամուսին | Արփիար Ասլանեան |
ԼԱՍ (Լուիզա Ասլանեան, ֆր.՝ Louise Aslanian, Lass 5 Մայիս 1906, Թաւրիզ — 30 Յունուար 1945, Ռավենսբրյուկ համակենտրոնացման ճամբար), հայ գրող, հասարակական գործիչ, հայկական ծագմամբ ֆրանսացի հակաֆաշիստ, կոմունիստ, Ֆրանսական դիմադրութեան ականաւոր գործիչ, գրող։
Կենսագրութիւն[Խմբագրել | Խմբագրել աղբիւրը]
Ծնած է Թաւրիզ՝ Սրապիոն եւ Մանիա Գրիգորեաններու ընտանիքին մէջ։ Ուսանած է Թաւրիզի կեդրոնական թեմի վարժարանին մէջ եւ Թիֆլիսի ռուսական գիմնազիային մէջ։ Դպրոցական տարիներուն ցուցաբերած է գրական ձիրք՝ գրելով քնարական բանաստեղծութիւններ, թարգմանութիւններ կատարելով ռուսերէնէն ու ֆրանսերէնէն։ Վաղ տարիքէն նուագած է դաշնամուր։ Վերադառնալով Թաւրիզ՝ 1923-ին ամուսնացած է մասնագիտութեամբ իրաւաբան Արփիար Ասլանեանի հետ։
1923-ին երիտասարդ ամուսինները տեղափոխուած են Փարիզ. անոնց հետ գացած են նաեւ Լուիզայի մայրը՝ Մանիան, եւ քոյրը՝ Արշալոյսը։ Փարիզի մէջ Լուիզան ցանկացած է շարունակել երաժշտական կրթութիւնը (դաշնամուր նուագել), սակայն դրամական խնդիրներու պատճառով ստիպուած եղած է հրաժարիլ իր երազանքէն։ Այդ պատճառաւ ան հետեւած է Սորպոնի համալսարանի գրականութեան դասընթացքներուն։ Փարիզի մէջ ան աշխոյժ մասնակցութիւն ունեցած հայ-ֆրանսական գրական միութեան աշխատանքներուն, աշխատած է թերթերուն, ծանօթացած գրական շրջանակներու ներկայացուցիչներու հետ եւ վերցուցած «Լաս» գրական կեղծանունը։
1920-ականներու կէսերուն հայ-ֆրանսական մամուլին մէջ հրատարակած է «Մետաղադրամներու հաւաքածու», «Գինու երկաթէ վաճառական», «Ճահիճ» եւ այլ պատմուածքներ[1]։ Իր ստեղծագործութիւնները գրած է հայերէն եւ ֆրանսերէն։
1928-ին լոյս տեսած է կարճ պատմուածքներու «Khan» («Խան») ժողովածուն, 1935-ին՝ «Gtsits durs» («Գծիցդուրս») պատմուածքներու ժողովածուն[2] երկու հատորով։
Կռուած է ֆրանսական դիմադրութեան շարքերուն մէջ եւ զոհուած Ռաւենսպրիւկ համակեդրոնացման ճամբարին[3]։
Գործերէն[Խմբագրել | Խմբագրել աղբիւրը]
- «Հարցական Ուղիներով»
- «Գծից Դուրս»
Ծանօթագրութիւններ[Խմբագրել | Խմբագրել աղբիւրը]
- ↑ «Հայաստանի Հանրապետութեան Սփիւռքի նախարարութեան արխիւ»։ ww25.libmindiaspora.am։ արտագրուած է՝ 2019-08-04
- ↑ Aslanian Louisa (1956)։ «Գծից դուրս» պատմուածքներու ժողովածուն Ֆրանսայի ազգային գրադարանի գրացուցակին մէջ։ Pēyrut': Gratown Geġam L. Sewani
- ↑ Ով ով է. Հայեր. Կենսագրական հանրագիտարան, Ա. հատոր, Երեւան, 2005
