Jump to content

Թերեզա Միրզոյեան

Թերեզա Միրզոյեան
Ծնած է 11 Օգոստոս 1922(1922-08-11)[1]
Ծննդավայր Վանաձոր, Ալեքսանդրապոլի գավառ, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ[1]
Մահացած է 7 Օգոստոս 2016(2016-08-07) (93 տարեկանին)
Քաղաքացիութիւն  Խորհրդային Միութիւն
 Հայաստան
Ազգութիւն Հայ[1]
Ուսումնավայր Թիֆլիսի Գեղարուեստի Ակադեմիա[1]
Երկեր/Գլխաւոր գործ Հունան Ավետիսյանի կիսանդրի?[1] եւ Սիրում է, չի սիրում?
Մասնագիտութիւն քանդակագործ, դասախօս
Աշխատավայր Երեւանի Պետական Գեղարուեստաթատերական հիմնարկ[1]
Անդամութիւն Խորհրդային Միութեան Նկարիչներու Միութիւն

Թերեզա Միրզոյեան (11 Օգոստոս 1922(1922-08-11)[1], Վանաձոր, Ալեքսանդրապոլի գավառ, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ[1] - 7 Օգոստոս 2016(2016-08-07)[2]), հայ տաղանդաւոր քանդակագործ, արձաններու եւ գեղարուեստական քանդակներու հեղինակ:

Կենսագրական գիծեր[Խմբագրել | Խմբագրել աղբիւրը]

Ծնած է Ղարաքիլիսա, որ այժմեան Վանաձոր քաղաքն է: Երբ չափահաս դարձած է, ան Ղարաքիլիսայէն մեկնած է նախ Թիֆլիս՝ ուսանելու Թիֆլիսի Անդրկովկասեան ճարտարապետութեան ուսումնարանին մէջ, իսկ 1946 թուականին աւարտած է Թիֆլիսի գեղարուեստի ճեմարանը, որմէ ետք մեկնած է Ռուսաստան: 1946-1967 թուականներուն կատարելագործուած է Ռուսաստանի մէջ՝ նշանաւոր քանդակագործներ Վերա Մուխինայի եւ Նիքոլայ Տոմսքիի մօտ:

Գործունէութիւն[Խմբագրել | Խմբագրել աղբիւրը]

1940-ականներու վերջերէն, արուեստագիտուհին սկսած է մասնակցիլ հանրապետական, միութենական եւ միջազգային ցուցահանդէսներու, արժանացած է կոչումներու եւ պարգեւներու, ստացած է արուեստի վաստակաւոր գործիչի, վաստակաւոր նկարիչի կոչումներ:

Միրզոյեանի արուեստին մէջ կը գերակշռեն սիրոյ, մայրութեան եւ գարնան թեմաները: Անոր գործերը ցուցադրուած են Ռուսաստան, Վրաստան, Պուլկարիա, Լիբանան, Լեհաստան, Գերմանիա, Ամերիկայի Միացեալ Նահանգներ, Ռումանիա եւ այլ տեղեր[3], ուր ո՛չ միայն հայ համայնքը, այլեւ տեղի արհեստավարժ արուեստի ներկայացուցիչները բարձր գնահատած են Խորհրդային Միութեան մէջ ստեղծագործող հայուհին, որուն արուեստը նկատած են նուրբ, միաժամանակ՝ զօրաւոր ըսելիք ունեցող, վառ զգացողութիւններ պարգեւող:

Գործերը[Խմբագրել | Խմբագրել աղբիւրը]

Միրզոյեանի գործերէն են․

  • Ջուլհակուհին» (զետեղուած՝ Կիւմրիի մէջ),
  • Հայրենական պատերազմի հայ հերոս Յունան Աւետիսեանի կիսանդրին,
  • «Ողբ»ը,
  • Չարենցաւան քաղաքի մուտքի յուշակոթողը,
  • Անուշի եւ Սարոյի քանդակը՝ Թումանեանի տուն-թանգարանին մէջ,
  • Աստուածաշնչեան թեմայով՝ «Վիշապայաղթ հրեշտակապետ Միքայէլը» եւ այլ արձաններ։

Իսկ ամենանշանաւորը Երեւանի կեդրոնը դրուած արձանն է, որ իւրօրինակ ճակատագրի արժանացած է:

Պատկերասրահ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]