Էմոս

Լեռնաշղթայ
Էմոս
Էմոս կամ Պալքան լեռներ
Երկիր	Պուլկարիա եւ Սերպիա
Տարածութիւն	11596քլ² քմ²
ԲԾՄ	2376 մեթր

Էմոս կամ Պալքան լեռներ (հին յուն․՝ Էմոս թերակղզի), լեռնաշղթայ․ կը գտնուի Պալքանեան թերակղզիին արեւելեան կողմը, հիւսիս-արեւելեան Յունաստան։ Իր անունով կոչուած է Պալքանեան թերակղզիին․ թուրքերը լեռները «պալքան» անուանած են, որ հին տարիներուն կը կոչուէր Էմոս թերակղզի։

Ընդհանուր տեղեկութիւններ

Անունը

Ըստ աւանդութեան լեռնաշղթային անունը յառաջ եկած է Թիֆոն տիտանէն։ Ան Զեւսէն եւ կամ Էմոսէն (Թրակիոյ առասպելական թագաւոր) վիրաւորուեցաւ երբ վերջինը անոր դէմ կայծակ արձակեց։

Աշխարհագրութիւն

Էմոս լեռնազանգուածին դիրքը

Էմոս լեռնազանգուածը կ՛երկարի Տանուպ գետին Երկաթեայ Դարպասներէն (Տեմիր Քափու) մինչեւ Թիմոք կամ Թիմաքու (յուն․՝ Թիմահոս) գետաբերանը եւ կը հանգի Սեւ ծով։ Անոր բարձրագոյն գագաթին (2376 մ․) անունն է Պոթեֆ Ժայռ եւ կամ Եումրուք։

Էմոս (Պալքան լեռներ), Ռոտոփի, Ռիլա եւ Բիրին լեռնաշղթաներ

Երկայնքը 600քլ․ է եւ լայնքը կը տարբերի՝ 21-45քլ․։ Էմոս լեռները Քարփաթեան եւ Թրանսիլվանեան Ալպեան (կամ Հարաւային Քարփաթեան) լեռնազանգուածներուն բնական շարունակութիւնն են։ Իսկ երկրաբանները կը պաշտպանեն տեսակէտը թէ Էմոս երկրաբանական կապ ունի Կովկասին եւ Խրիմի լեռներուն հետ։

Լեռնազանգուածը Պուլկարիոյ մէջ երեք մասերու կը զատորոշուի․-

• Արեւմտեան Էմոս, Մինծոր գագաթ( 2186մ․),
• Կեդրոնական Էմոս, Եումրուք կամ Պոթեֆ Ժայռ, գագաթ (2376մ․),
• Արեւելեան Էմոս, Քութլեկա գագաթ (1046մ․)։

Բուսականութիւն եւ կենդանաբանութիւն

Դարվար, անտառախիտ եւ վայրի կենդանական աշխարհով լեռնաշղթայ մըն է։ Անտառները բաղկացած են կաղնիներէ, հաճարենիներէ եւ եղեւնիներէ։ Կը պատսպարէ գայլեր, արջեր, վայրի խոզեր եւ շատ ուրիշ կենդանիներ։

Պատկերասրահ

• 
  Ծենտեմա արգելանոց․ Կեդրոնական Պալքան Ազգային Պուրակ
• 
  Էմոս․ Սթենեթօ արգելանոց
• 
• 
  Սթարա Փլանինա
• 
• 
• 
  Թիւփաւիքա ջրվէժ
• 
  Սթարա Փլանինա

Տե՛ս նաեւ

• Ռոտոփի լեռնաշղթայ
• Ռիլա լեռնաշղթայ
• Բիրին լեռնաշզթայ