Եդուարդ Տարօնեան

Եդուարդ Տարօնեան
Ծնած է 1896
Ծննդավայր Բաղէշ, Պիթլիսի վիլայէթ, Օսմանեան Կայսրութիւն
Մահացած է 26 Հոկտեմբեր 1967(1967-10-26)
Մահուան վայր Պէյրութ, Լիբանան

Եդուարդ Տարօնեան (1896, Բաղէշ, Պիթլիսի վիլայէթ, Օսմանեան Կայսրութիւն - 26 Հոկտեմբեր 1967(1967-10-26), Պէյրութ, Լիբանան), գրագէտ, հանրային կրթական մշակ։ ՀՅԴ-ի անդամ։

Կեանք եւ գործունէութիւն[Խմբագրել | Խմբագրել աղբիւրը]

Ծնած է Բաղէշ նահանգի Ղուլթիկ գիւղը: Նախնական կրթութիւնը ստացած է իր ծննդավայրին մէջ: Երկրորդական ուսումը՝ Պոլիս:

1915-ին մեկնած է Ժընեւ: 1919-ին աւարտած է Ժընեւի «Institute J. J. Rousseau» մանկավարժական համալսարանը:

Ժընեւի մէջ, ուսանողութեան տարիներուն, մտած է Հ․Յ․Դաշնակցութեան շարքերը:

Վարած է ուսուցչական պաշտօններ` Պոլիս եւ Ժընեւ: 1930-էն ետք հաստատուած է Պէյրութ:

Վարած պաշտօններ[Խմբագրել | Խմբագրել աղբիւրը]

Նախ ուսուցիչ՝ «Նշան Փալանճեան» ճեմարանի մէջ: 1935-1936 տնօրէն` Հալէպի Հայկազեան վարժարանի: Պաշտօնավարած է նաեւ Պէյրութի իտալական եւ վիեննական Մխիթարեաններու վարժարաններուն մէջ:

1942-1957 վարած է Ս. Նշան ազգային վարժարանի տնօրէնութիւնը[1]:

1957-ին իբրեւ մնայուն ուսուցիչ` պաշտօնի կոչուած է Անթիլիասի դպրեվանքը։

Գրութիւններ եւ հրատարակութիւններ[Խմբագրել | Խմբագրել աղբիւրը]

Ունի հանրային բնոյթ կրող գրութիւններ, գրական բովանդակութեամբ յօդուածներ: Հրատարակած է քանի մը պրոշիւրներ:

1952-ին լոյս ընծայած է «Մակապատում» պատանիներու սահմանուած պատմուածքներու հատորը: 1959-ին՝ «Համասփիւռ» պատմուածքներու հատորը:

Ունի նաեւ անտիպ թարգմանութիւններ` ֆրանսերէնէ անգլերէնէ եւ իտալերէնէ[2]:

Տարօնեան մահացած է 26 Հոկտեմբեր 1967-ին։

Ծանօթագրութիւններ[Խմբագրել | Խմբագրել աղբիւրը]

  1. «Ազգ. Ս. Խանամիրեան քոլեճ»։ Armenian Prelacy of Lebanon (en-US)։ 2016-02-26։ արտագրուած է՝ 2022-02-20 
  2. «50 Տարի Առաջ (26 Հոկտեմբեր 1967)»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2017-10-26։ արտագրուած է՝ 2022-02-20 

Արտաքին յղումներ[Խմբագրել | Խմբագրել աղբիւրը]