Հ. Յ. Դաշնակցութեան Պատմութեան Թանգարան Հիմնադրամ

Հ. Յ. Դաշնակցութեան Պատմութեան Թանգարան Հիմնադրամ
Տեսակ	թանգարան
Երկիր	Հայաստան
Տեղագրութիւն	Երեւան
Վայր	Երեւան
Հասցէ	via Mher Mkrtchyan, 12/1
Հիմնադրուած է	1946
	40°10′33″N 44°30′52″E / 40.17583°N 44.51439°E
Կայքէջ	arfd.info/hy/?p=569

Հ. Յ. Դաշնակցութեան պատմութեան թանգարան հիմնադրամ, կազմակերպման առաջին քայլերը կատարուած են 1915-ի Օգոստոսին Ժընեւի մէջ` Հայ Յեղափոխական Դաշնակցութեան բիւրոյի որոշմամբ (հիմնադիր տնօրէն` Արտաշէս Վանարեան (Հացագործեան) 1890-1930)։

Պատմութիւն

1930-ականներու սկիզբը թանգարանը Ժընեւէն տեղափոխուած է Փարիզ, ուր գործած է մինչեւ 2006, այնուհետեւ փոխադրուած է Երեւան, եւ 7 Յուլիս 2007-ին բացուած է թանգարանի առաջին ցուցասրահը, որու ցուցադրութիւնը նուիրուած էր Հայաստանի Առաջին Հանրապետութեան պատմութեան։

Ցուցադրութիւն

ՀՅԴ պատմութեան թանգարանին մէջ կը ցուցադրուին կուսակցութեան գործունէութեան վերաբերեալ փաստաթուղթեր, իւրօրինակ ազգային ու պատմական արժէքներ։ Թանգարանի ցուցադրութիւնը բաղկացած է երկու սրահներէ, ուր ներկայացուած են Հայաստանի առաջին հանրապետութեան պատմութիւնը լուսաբանող վաւերագրեր։ Ցուցանմուշներու շարքին են Հայաստանի առաջին հանրապետութեան ականաւոր գործիչներ Ալեքսանդր Խատիսեանի, Համազասպ Օհանջանեանի, Սիմոն Վրացեանի, Արամ Մանուկեանի, Յովհաննէս Քաջազնունիի, Անդրանիկ Օզանեանի եւ այլոց անձնական իրերը, փաստաթուղթերը, լուսանկարները։