Դաւիթ Երեւանցի

Դաւիթ Երեւանցի;
Ծնած է	22 Օգոստոս 1940 (84 տարեկան)
Ծննդավայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Հայաստան
Ուսումնավայր	Փանոս Թէրլեմէզեանի անուան գեղարուեստի ուսումնարան
Երկեր/Գլխաւոր գործ	Տիգրան Պետրոսեանի անուան շախմատի տուն, Երեւանի պետական տիկնիկային թատրոն, Հայոց ցեղասպանութեան յուշարձան, Ղարաբաղցի Կինը, Կոմիտասի Յուշարձան, Գրիգոր Հասրաթեանի յուշաքար, Ուիլիըմ Սարոյեանի յուշարձան և «Վարք յաւերժութեան» քանդակ
Մասնագիտութիւն	քանդակագործ և գծանկարիչ

Դաւիթ Երեւանցի (Դաւիթ Նիկոլ Բաբայեան, 22 Օգոստոս 1940(1940-08-22), Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ քանդակագործ։ Կ'ապրի եւ կը ստեղծագործէ Փարիզի մէջ։

Կեանք եւ գործունէութիւն

Ծնած է Երեւան։ 1968 թուականին աւարտած է Փանոս Թէրլէմեզեանի անուան գեղարուեստի ուսումնարանը։ 1965 թուականէն եղած է հանրապետական, համամիութենական եւ միջազգային ցուցահանդէսներու մշտական մասնակից։ Փարիզ ապրող եւ ստեղծագործող Երեւանցին մասնակցած է միջազգային ցուցահանդէսներու` Պուլկարիա, Գերմանիա, Ֆրանսա, Ֆինլանտա, Իտալիա, Ճափոն, Պելճիքա եւ այլ երկիրներ։

1970-73 տարիներուն մասնակցած է Շախմատի տան եւ Տիկնիկային թատրոնի շէնքերու ձեւաւորման աշխատանքներուն,։

1980-ին կատարած է «Իսի լը Մուլինօ»ի հայկական եկեղեցիին ճակատի յարդարանքի աշխատանքները:

2012 թուականին պարգեւատրուած է Ուիլիըմ Սարոյեանի մետալով^[1]։

Երեւանցիին հեղինակած աշխատանքներէն

Երեւանցիին գործերէն են․

Կոմիտասի յուշարձանը (Փարիզ)
Ղարաբաղցի կինը (1988, Երեւան), որ կերտուած է ծնունդով շուշեցի, մենապարուհի եւ երգչուհի Արեւ Բաղդասարեանի կերպարով: Խորհրդային իշխանութիւնները արգիլած են քանդակը տեղադրել քաղաքին մէջ. անիկա երկու տարի մնացած է ձուլարանը: Արցախեան շարժումէն ետք, 1988-ին արձանը տեղադրուած է Օփերային մօտ: Սայաթ Նովա եւ Տէրեան փողոցներու խաչմերուկին վրայ:
Հայոց Ցեղասպանութեան զոհերուն նուիրուած յուշարձանը (2000, Լիլաս քաղաքի գերեզմանատան մէջ, Ֆրանսա)
Ուիլիըմ Սարոյեանի արձանը (2008, Երեւան)
«Վարք յաւերժութեան» քանդակ (2012, Երեւան),
Գրիգոր Հասրաթեանի յուշաքարը, պրոնզ (2012, Երեւան)^[2]:

Հեղինակ է նաեւ դրուագումներու․

«Կոմիտաս», 1968, պրոնզ
«Աղջիկ», 1972, պղինձ եւ այլն։

Ինչպէս նաեւ գեղանկարներու, դիմանկարներու, մետալներու, զարդերու^[3]:

Մրցանակներ

1968 , իբրեւ երիտասարդ քանդակագործ արժանացած է յատուկ մրցանակի (Սոֆիա, Պուլկարիա),
1975, «Խեցեգործութիւնը ճարտարապետութեան մեջ» համաշխարհային ցուցահանդին արժանացած է 3-րդ աստիճանի տիպլոմի (Լեհաստան)։