Գէորգ Արշակեան
| Գէորգ Արշակեան | |
|---|---|
| Ծնած է | 28 Փետրուար 1928 |
| Ծննդավայր | Արմավիր, Հիւսիս-Կովկասեան Տարածաշրջան, ՌԽՖՍՀ, Խորհրդային Ընկերվարական Հանրապետութիւններու Միութիւն |
| Մահացած է | 31 Դեկտեմբեր 2002 (74 տարեկանին) |
| Մահուան վայր | Երեւան, Հայաստան |
| Ուսումնավայր | Շոթա Ռուսթավելու անուան թիւ 23 դպրոց |
| Մասնագիտութիւն | արձակագիր, թատերագիր, Խմբագիր |
| Աշխատավայր |
Երևանի ֆիզիկայի ինստիտուտ? «Հայաստան» Հրատարակչութիւն Աւետիք Իսահակեանի Տուն-Թանգարան (Երեւան) |
| Անդամութիւն | Խորհրդային Հայաստանի Գրողներու Միութիւն |
| Կուսակցութիւն | Խորհրդային Միութեան համայնավարական Կուսակցութիւն |
Գէորգ Արշակեան (28 Փետրուար 1928, Արմավիր, Հիւսիս-Կովկասեան Տարածաշրջան, ՌԽՖՍՀ, Խորհրդային Ընկերվարական Հանրապետութիւններու Միութիւն - 31 Դեկտեմբեր 2002, Երեւան, Հայաստան), հայ գրող։
Կենսագրութիւն[Խմբագրել | Խմբագրել աղբիւրը]
Ծնած՝ 1928-ին, Արմաւիրի մէջ հարաւային Ռուսիա։ Դեռ մանուկ հասակին կը տեղափոխուի Հայաստան։ Երկու տարի կը սորվի Լենինականի թիւ 3 միջնակարգ դպրոցին մէջ։ Յետոյ կը փոխադրուի Երեւան, ուր կը ստանայ միջնակարգ ուսում։ Կը սկսի աշխատիլ 13 տարեկանէն։ Միջնակարգ կրթութիւնը ստանալէն ետք, խորհրդային բանակին կը ծառայէ, մինչեւ 1951։ 1951-էն սկսեալ կ՛աշխատի բնագիտութեան հիմնարկին՝ Արագածի գիտաշխատանոցին մէջ։ Իսկ 1963-ին՝ վարչա-մշակութային պատասխանատու պաշտօններու մէջ։ Ապա կ՛աշխատի ՀԽՍՀ ԳԱ ֆիզիքի ուսումնարանի՝ Արագածի արշաւախմբումին մէջ, ակադեմիկոս Ա. Ալիխանեանի փորձարանին մէջ։ 1963-ին, որպէս խմբագիր կ՛աշխատի հեռուստատեսութեան եւ ռատիո-հաղորդումներու պետական կոմիտէին մէջ։ 1966-78-ին կը դառնայ «Սովետական գրող» (մինչեւ 1976-ի կէսերը «Հայաստան») հրատարակչութեան գլխաւոր խմբագիրի տեղակալ, իսկ 1979-81-ին՝ «Սովետական գրող» հրատարակչութեան մանկապատանեկան գրականութեան խմբագրութեան գլխաւոր խմբագիր։ 1983-ի Դեկտեմբերէն կը դառնայ՝ Երեւանի Աւետիք Իսահակեանի անուան տուն-թանգարանի տնօրէն։
Առաջին իսկ գործերով՝ 1960-ական թուականներու սկիզբը, Մամուլին մէջ նշուած է, իբրեւեւ հայրենի արձակի «վերածաղկման» սերունդի ուշագրաւ անուններէն։ 1969-ին հատորով հրատարակած է վէպ ու վիպակներ «Թրաշուշաններ» («Սեւ եւ Սպիտակ Կարապներ») «Դաղձի Բոյր», «Գնացքներ»։ Ունի նաեւ թարգմանութիւններ։
Ծանօթագրութիններ[Խմբագրել | Խմբագրել աղբիւրը]
- ↑ «AV Production - Գէորգ Արշակեան»։ avproduction.am։ արտագրուած է՝ 2020-11-03
Աղբիւրներ[Խմբագրել | Խմբագրել աղբիւրը]
- Հայկ Խաչատրյան (1986)։ Գրական տեղեկատու, Երեւան, «Սովետական գրող» էջ 83։