Գառնիկ Քալաշեան

Jump to navigation Jump to search
Գառնիկ Քալաշեան
Գառնիկ Քալաշյան.jpg
Ծնած է 16 Մայիս 1885(1885-05-16)
Ծննդավայր Վաղարշապատ, Էջմիածին, Երեւանի նահանգ, Ռուսական Կայսրութիւն
Մահացած է 1 Նոյեմբեր 1921(1921-11-01) (36 տարեկանին)
Մահուան վայր Երեւան, Հայաստանի Խորհրդային Սոցիալիստական Հանրապետութիւն
Ազգութիւն հայ
Մասնագիտութիւն բանաստեղծ

Գառնիկ Քալաշեան (16 Մայիս 1885(1885-05-16), Վաղարշապատ, Երեւանի նահանգ1 Նոյեմբեր 1921(1921-11-01), Երեւան), հայ բանաստեղծ, հասարակական գործիչ, Հայաստանի Հանրապետութեան խորհրդարանի պատգամաւոր, ՀՅԴ կուսակցութեան անդամ:

Կենսագրական գիծեր[Խմբագրել | Խմբագրել աղբիւրը]

Ծնած է 16 մայիս 1885-ին, Վաղարշապատ: Աւարտած է Թիֆլիսի Ներսիսեան դպրոցը (1906): Թիֆլիսի մէջ մասնակցած է հայկական գրական ընկերութեան, ապա` «Վերնատան» աշխատանքներուն, 1907-ին եղած է Մոսկուայի առեւտուրի հիմնարկի ազատ ունկնդիր:

Սերտ կապեր ունեցած է Լազարեան ճեմարանի յեղափոխական ուսանողութեան հետ, մասնակցած է ցոյցերու, թռուցիկներ տարածած, 1909-ին ձերբակալուած է, նետուած է Մոսկուայի Տագանկայի քաղաքական բանտարկեալներու բանտը: Տիրապետած է ռուսերէն, ֆրանսերէն, թրքերէն, պարսկերէն, վրացերէն լեզուներուն:

Գրական կեանք[Խմբագրել | Խմբագրել աղբիւրը]

«Ներշնչումներ» (1908) եւ «Բանաստեղծութիւններ» (1916) ժողովածուներուն մէջ Քալաշեան սիրոյ, կարօտի, հայրենասիրութեան, աշնան նուագներուն միախառնած, ներբողած է «պայքարի շառաչը»:

Աշխատակցած է պարբերական մամուլին («Գեղարուեստ» եւ այլն), հանդէս եկած է գրականագիտական յօդուածներով, ակնարկներով, թարգմանութիւններով, ստորագրած է` Մենորդ, Միրաժ, Անցորդ, Գ. Ք.:

1918-ին ան եղած է Հայ յեղափոխական դաշնակցութիւն կուսակցութեան անդամ, ընտրուած է Հայաստանի խորհրդարանի անդամ:

Մահացած է 1 նոյեմբեր 1921-ին, Երեւան, թաղուած է Էջմիածին[1]:

Ծանօթագրութիւններ[Խմբագրել | Խմբագրել աղբիւրը]

  1. «ՊԱՏՄՈՒԹԵԱՆ ՄԷՋ ԱՅՍՕՐ. Գառնիկ Քալաշեան»։ ՌԱԿ ՄԱՄՈՒԼ | Լրատուական Կայք Ռամկավար Ազատական Կուսակցութեան (hy-AM)։ 2019-05-16։ արտագրուած է՝ 2020-03-28 

Աղբիւրներ[Խմբագրել | Խմբագրել աղբիւրը]

  • Հայկական Սովետական Հանրագիտարան, 12-րդ հատոր, էջ 384։