Բենիամին Մարգարեան

Բենիամին Մարգարեան
աստղաբան, աստղաբանագէտ, դասախօս, գիտական աշխատութիւններու հեղինակ
Ծնած է	29 Նոյեմբեր 1913
Ծննդավայր	Շուլավեր, Շահումեան, Վրաստան
Մահացած է	29 Սեպտեմբեր 1985
Մահուան վայր	Երեւան
Քաղաքացիութիւն	Ռուսական Կայսրութիւն  Խորհրդային Միութիւն
Ազգութիւն	հայ
Ուսումնավայր	Երեւանի Պետական Համալսարան
Կոչում	ակադեմիկոս
Մասնագիտութիւն	աստղագէտ, համալսարանի դասախօս
Աշխատավայր	Երեւանի Պետական Համալսարան Բիւրականի Աստղադիտարան
Անդամութիւն	Հայաստանի Գիտութիւններու Ազգային Ակադեմիա եւ Միջազգային աստղագիտական միութիւն
Կուսակցութիւն	Խորհրդային Միութեան համայնավարական Կուսակցութիւն

Բենիամին Մարգարեան (29 Նոյեմբեր 1913, Շուլավեր, Շահումեան - 29 Սեպտեմբեր 1985)․ հայ աստղաբան-աստղաբանագէտ։

Կենսագրական գիծեր

Առաջին տարիներ

Մարգարեան ծնած է Շահումեան շրջանի Շուլավեր բնակավայրը (այդ ժամանակաշրջանին Վրաստանին կը պատկանէր)։ Աշակերտական տարիներէն հետաքրքրուած է աստղաբանութեամբ։ Ծնողքին վաղահաս մահէն ետք, ան Երեւան կը հաստատուի։

Ուսում, մասնագիտութիւն եւ դասախօս

1938-ին կ՛աւարտէ Երեւանի Պետական Համալսարանի Բնագիտութեան-Թուաբանագիտութեան բաժինը։ Յաջորդ տարին մասնագիտութեան ուսումը կը շարունակէ Լենինկրատի համալսարանը, սակայն պատերազմին պատճառով յետ-ընթացաւարտ կ՛ըլլայ 1941-ին։ 1943 - 1957 կը դասաւանդէ Երեւանի Պետական Համալսարանին մէջ եւ միաժամանակ կ՛աշխատի որպէս ուսումնասիրող Բիւրականի Աստղադիտարանին մէջ, ուր կը վարէ նաեւ վարչական պաշտօններ՝ 1952-1957 փոխ-տնօրէն, 1957-1985 Ծիր-Կաթինի բաժնի վարիչ։ Ցրուած Աստղերու խմբակներու (Open cluster) ուսումնասիրութեան համար կը գործակցի Վիքթոր Համբարձումեանին հետ եւ 1952-1953 կը հրատարակէ «Աստղերու խմբակներու քարտէսագիրք»ը (ատլաս)։ Ապա ան կը զբաղի աստղահոյլերու (Galaxies / ծիր-կաթիններու) ուսումնասիրութեամբ։ 1960 տասնամեակի սկիզբներուն, Մարգարեան Կոյս համաստեղութեան մէջ կը յայտնաբերէ աստղահոյլերու խումբ մը, որ այժմ ծանօթ են որպէս «Մարգարեանի Շղթայ»։

Մահ

Բենիամին Մարգարեան կը մահանայ 29 Սեպտեմբեր 1985, Երեւանի մէջ։

Գլխաւոր գործեր

«Атлас звездных скоплений различных типов», 1953 (Աստղերու խմբակներու քարտէսագիրք)

«Բիւրականի աստղադիտարանի հաղորդումներ», պրակ 1, (1946)

«Галактики с ультрафиолетовым континуумом», Астрофизика, հատոր 3, (1957)

«On the Nature of Galaxies with UV Continuum Having Broad Emission Lines», Astronomy and Astrophisics, հատոր 58, (1977)