Արթիւր Թարխանեան

Ծնած է	23 Փետրուար 1932
Ծննդավայր	Երեւան, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Ընկերվարական Հանրապետութիւններու Միութիւն
Մահացած է	6 Ապրիլ 2006 (74 տարեկանին)
Մահուան վայր	Երեւան, Հայաստան
Ազգութիւն	Հայ
Ոճ(եր)	Մոտեռնիզմ
Կրթութիւն	Հայաստանի ազգային բազմարուեստի համալսարան
Ուշագրաւ աշխատանքներ	Զվարթնոց?, Կարէն Դեմիրճեանի Անուան Մարզահամերգային Համալիրի, Երիտասարդական պալատ? եւ Հայոց Ցեղասպանութեան Զոհերու Յուշահամալիր
Պարգեւներ	«Պատուոյ նշան» շքանշան Անանիա Շիրակացիի շքանշան ԺՏՆՑ ոսկի մետալ Համամիութենական Լենինեան Կոմերիտմիութեան Մրցանակներ ԽՍՀՄ պետական մրցանակ? ԽՍՀՍ Նախարարներու խորհուրդի մրցանակ

Արթիւր Արտաւազդի Թարխանեան (23 Փետրուար 1932(1932-02-23), Երեւան, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Ընկերվարական Հանրապետութիւններու Միութիւն - 6 Ապրիլ 2006(2006-04-06), Երեւան, Հայաստան^[1]), ճարտարապետ, ՀԽՍՀ վաստակաւոր (1972), ՀԽՍՀ ժողովրդական (1987) ճարտարապետ։ Ճարտարապետութեան միջազգային ակադեմիայի Մոսկուայի մասնաճիւղի (1992), ՀՃԱ (1996) պատուաւոր անդամ։

Կենսագրութիւն[Խմբագրել | Խմբագրել աղբիւրը]

1957-ին աւարտած է Երեւանի ճարտարագիտական հիմնարկը։

1957-էն աշխատած է Հայպետնախագիծ հիմնարկին մէջ, 1969-1986 թուականներուն տիպային նախագիծի արուեստանոցի ղեկավար,

1986-1989 թուականներուն՝ ՀՀ պետշինի նախագահի առաջին տեղակալ։

1968-էն դասաւանդած է Երեւանի ճարտարապետութեան եւ շինարարութեան պետական համալսարանը, (փրոֆեսոր՝ 1993-էն)։

1990-էն՝ գլխաւոր ճարտարապետ։

Արթիւր Թարխանեան, Սպարտակ Խաչիկեանն ու Հրաչ Պօղոսեան միասնաբար կը կազմեն յայտնի ճարտարապետական եռեակը:

Համահեղինակներու հետ Արթիւր Թարխանեանի նախագիծերով Երեւանի մէջ կառուցուած են՝

ՀՀ ԳԱԱ Հասարակական գիտութիւններու հիմնարկներու մասնաշէնքերը (1955-1972)
«Ռոսիա» կինոթատրոնը (1970-1974, ԽՍՀՄ Նախարարներու խորհուրդի մրցանակ, 1979)
Երիտասարդութեան պալատը (1970-1985, ՀամԼԿԵՄ մրցանակ, 1981)
«Զուարթնոց» օդակայանը (1981, ՀԽԱՀ Պետական մրցանակ, 1985)
Մարզահամերգային համալիրը (1984, ԽՍՀՄ Պետական մրցանակ, 1987)
«էրեբունի-3» բնակելի միկրոշրջանը

Արթիւր Թարխանեան շուրջ 2 տասնեակ յուշարձաններու ճարտարապետ է.

Մեծ եղեռնի զոհերու յուշահամալիր (Երեւան, 1967)
Մարտիրոս Սարեանի յուշարձան (Երեւան, 1986)
Խորհրդային Հայաստանի 50-ամեակի յուշարձան (Դիլիջան, 1970)
Հայրենական պատերազմին զոհուածներուն (Դսեղ, Տաթեւ, Բազմաբերդ)
Շարլ Ազնաւուրի արձանը (Գիւմրի, 2001)

Արթիւր Թարխանեան պարգեւատրուած է Երիտասարդ ճարտարապետներու ստեղծագործութեան (1962, 1968), խորհրդային ճարտարապետութեան 1973-1977 թուականներու նուաճումներուն, «Տարուան լաւագոյն կառոյց» (1982, ոսկի շքանշան), «Տարուան լաւագոյն ստեղծագործութիւն» (1985) համամիութենական ստուգիչներու դափնեկիր, ԽՍՀՄ ԺՏՆՑ-ի ոսկի, ՀՀ Անանիա Շիրակացիի (1998) շքանշաններով։

Եղած է ՀԽՍՀ Գերագոյն Խորհուրդի պատգամաւոր (1980-1989)։

1997-ին Երեւանի Ճարտարապետութեան ազգային թանգարանին մէջ բացուած է Արթիւր Թարխանեանի ստեղծագործութիւններուն ցուցահանդէսը: