Արամեան Դպրոց (Թաւրիզ)

Արամեան Դպրոց
Արամյան դպրոց
Տեսակ դպրոց
Հիմնադրուած է 1851
Լուծարուած է 1936[1]
Անուանուած է Ներսես Դ[1]
Երկիր Իրան
Տեղագրութիւն Թաւրիզ[1]

Արամեան Դպրոց, երկսեռ, ութամեայ դպրոց։ Հիմնուած է 1851 թուականին, Թաւրիզի Ղալա թաղամասի եկեղեցւոյ բակին մէջ՝ Սահակ եպսիսկոպոս Սաթունեանի նախաձեռնութեամբ։ Մինչեւ 1875 թուական կոչուած է Ներսիսեան (ի պատիւ Ներսէս Շնորհալիի), յետագային՝ իրանահայ բարերար Արամեանի անունով։

Նախապէս արական դպրոց եղած է, 1887 թուականին տեղափոխուելով Թումանեանցներու միջոցներով կառուցուած Աննայեան դպրոցի շէնքը եւ միանալով օրիորդաց դպրոցին՝ դարձած է երկսեռ եւ կոչուած Արամեան-Աննայեան ազգային դպրոց։

1852 թուականին ունեցած է 60 աշակերտ, յաջորդ տարի՝ 100։ Յետագային աշակերտներուն թիւը հասած է 240 -260-ի։

Մինչեւ 1936 թուական վարժարանը տուած է շուրջ 1300 ընթացաւարտ։

Դասաւանդուած են հայերէն, ռուսերէն, ֆրանսերէն, պարսկերէն եւ այլ առարկաներ։ Ուսուցումը հայերէն եղած է։ Դպրոցի առաջին տեսուչը Տէր Յովսէփ քահանան էր։

Արամեան դպրոցին մէջ դասաւանդած են Րաֆֆին եւ Հրաչեայ Աճառեանը[2]։

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 1,2 Հայկական սովետական հանրագիտարան / խմբ. Վ. Համբարձումյան, Կ. Խուդավերդյան — 1974. — հատոր 1. — է. 687.
  2. «170 տարի առաջ այս օրը հիմնադրուեցաւ Թաւրիզի Արամեան վարժարանը»։ Western Armenia TV (wa-WA)։ 2021-02-19։ արտագրուած է՝ 2022-02-10 

Արտաքին յղումներ[Խմբագրել | Խմբագրել աղբիւրը]

Այս յօդուածի նախնական տարբերակը կամ նրա մասը վերցուած է «Հայ Սփյուռք» հանրագիտարանէն, որի նիւթերը թողարկուած են` Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։  CC BY-SA icon 80x15.png