Ազատուհի Սիմոնեան Գալայճեան

Jump to navigation Jump to search
Ազատուհի Սիմոնեան Գալայճեան
Ազատուհի Սիմոնեան Գալայճեան.jpg
Ծննդավայր Լիբանան
Քաղաքացիութիւն Լիբանանցի
Ազգութիւն Հայ
Կրօնք Հայ Առաքելական եկեղեցի
Աշխատավայր կրթական մշակ, դասախօս,գրող, հրապարակագիր եւ հասարակական գործիչ
Ամուսին Պէպօ Սիմոնեան
Երեխաներ երկու որդի

Ազատուհի Սիմոնեան Գալայճեան լիբանանահայ կրթական մշակ, մտաւորական, դասախօս, բանախօս, գրող, հրապարակագիր, հասարակական գործիչ: Հեղինակ հատորներու:

Կենսագրութիւն[Խմբագրել | Խմբագրել աղբիւրը]

Ազգային գործիչ, մտաւորական, կրթական մշակ, դաստիարակ, բանաստեղծ, գրող Ընկ. Պէպօ Սիմոնեանի կինը՝ Ազատուհի Սիմոնեան Գալայճեան, ընտանիքի մայր ու կին ըլլալը ներդաշնակելով իր ուսուցչական ասպարէզին հետ 47 տարիներ Լիբանանեան Ամերիկեան համալսարանի L.A.U.-էն ներս անգլերէն լեզու եւ գրականութիւն ուսուցանեց արաբին, լիբանանցիին, հայուն եւ այլազգի ուսանողներուն:

Ազատուհի Սիմոնեան Գալայճեան 1960-էն ի վեր անգլերէն լեզուի ու գրականութեան մնայուն դասախօս եղած է Լիբանանեան Ամերիկեան համալսարանի L.A.U. մէջ ուրկէ հանգստեան կոչուած է 2007-ին:

Ան իր համալսարանական ուսումը ստացած է Հայկազեան համալսարանի 1957-ին, Պէյրութի Կանանց Քոլեճի այժմու L.A.U. 1960-ին, Միացեալ Նահանգներու Միշիկընի համալսարանին մէջ 1963-ին եւ Պէյրութի Ամերիկեան համալսարաՆին մէջ 1980-ին, ստանալով Պսակաւոր Արուեստից BA եւ Մագիստրոս Արուեստի MA տիտղոսներ, Անգլերէն լեզուի ուսուցման մասնագիտութեան եւ Անգլիական Գրականութեան մէջ:

1982-ին Լոնտոնի Անգլիոյ «Reading» համալսարանի, Միացեալ Նահանգներու Columbia եւ UCLA, Գանատայի Concordia եւ York Համալսարաններուն մէջ հետեւած է անգլերէն լեզուի ուսուցման նորագոյն մեթոտներու շուրջ յատուկ ծրագիրներու եւ դասընթացքներու:

«Տարուան լաւագոյն ուսուցիչը»[Խմբագրել | Խմբագրել աղբիւրը]

Ազատուհի Սիմոնեան Գալայճեան իր ուսուցչական ասպարէզին հետ 47 տարիներ Լիբանանեան Ամերիկեան համալսարանի L.A.U.-էն ներս անգլերէն լեզու եւ գրականութիւն ուսուցանեց արաբին, լիբանանցիին, հայուն եւ այլազգի ուսանողներուն:

Լիբանանեան Ամերիկեան համալսարանի L.A.U.-ի ուսանողներու կողմէ գնատուեցաւ իր բարեխղճութեան, բծախնդրութեան եւ ուսանողին առաւելագոյն չափով օգտակար ըլլալու նուիրումին համար: Ուսանողները իրենց գնահատանքը արտայայտեցին Ապրիլ 2000-ին զինք հռչակելով «Տարուան լաւագոյն ուսուցիչը»:

Հայ ուսանողներու կրթանպաստներու ապահովումը[Խմբագրել | Խմբագրել աղբիւրը]

Ազատուհի Սիմոնեան Գալայճեան Լիբանանեան Ամերիկեան համալսարանի L.A.U. ներս բացի իր դասախօսի հանգամանքէն ստանձնած է նաեւ ազգային պարտաւորութիւն մը հայ ուսանողներու հանդէպ: Ան դարձած է հայ ուսանողութեան խորհրդատուն եւ բարեկամը իր պաշտօնավարութեան բոլոր տարիներուն: Միշտ զօրավիգ կանգնած է հայ ուսանողին խրախուսելով զայն իր յաջողութիւններուն առիթով եւ ձեռք մեկնած անոր դժուարութիւններու յաղթահարման մէջ։ ՄԵծ եղած է իր նպաստը կրթանպաստներու ապահովման գծով:

Ազատուհի Սիմոնեան Գալայճեան-ի յանձնարարականները Կիւլլապի Կիւլպէնկեան, Գալոստ Կիւլպէնկեան, ՀԲԸՄ եւ այլ ազգային հաստատութիւններուն ուղղուած, ինչպէս նաեւ իր ազդու միջամտութիւնը համալսարանէն ներս գործող նիւթական օժանդակութեան եւ կրթանպաստի մարմիներուն մօտ, ապահոված են կարեւոր նպաստ հայ ուսանողներու ուսումնական կեանքի նուաճումին: Այսօր մեծ թիւով շրջանաւարտներ երախտագիտութեամբ կը յիշեն Ազատուհի Սիմոնեան Գալայճեան-ի բարերար դերակատարութիւնը իրենց համալսարանական ուսման ապահովման գծով:

Լիբանանի Սահակեան-Լեւոն Մկրտիչեան քոլեճի 20 տարիներու անգլերէն լեզուի բաժանմունքի փորձառու համակարգող եւ նուիրեալ ծառայող[Խմբագրել | Խմբագրել աղբիւրը]

Ազատուհի Սիմոնեան Գալայճեան իր ամուսնոյն՝ գրող՝ Պէպօ Սիմոնեանի Սահակեան-Լեւոն Մկրտիչեան Քոլեճի որպէս տնօրէն պաշտօնավարած քսան տարիներու ընթացքին, Ազատուհի Սիմոնեան Գալայճեան 1975 - 1995 անգլերէն լեզուի եւ գրականութեան ուսուցման իր մասնագիտութիւնը ի սպաս դրած է քոլեճի անգլերէն լեզուի բարձր մակարդակի նուաճման որպէս բաժանմունքի փորձառու համակարգող:

Ազգային, Մշակութային եւ Ընկերային ծառայութեան գլխաւոր ներդրումը իր բեմական ելոյթներու ընդմէջէն[Խմբագրել | Խմբագրել աղբիւրը]

Ազատուհի Սիմոնեան Գալայճեան գործօն ներկայութիւն է հայ ազգային կեանքին մէջ դասախօսութիւններով եւ հրապարակային զրոյցներով ինչպէս նաեւ մամուլին մէջ հրատարակած յօդուածներով, մանկավարժական, հոգեբանական, ընտանեկան, մշակութային ու դաստիարակչական նիւթերու շուրջ:

Aquote1.png Ազատուհի Սիմոնեան Գալայճեանի հայ բեմերէն եւ համագումարներէն իր ելոյթներով կը տպաւորէր ունկնդիրները: Կանուխէն իր մէջ յայտնուած շնորհք էր բեմական խօսքը, տարիներու ընթացքին կատարելագործուելով հռետորական արուեստի մակարդակին հասաւ: Բանաւոր խօսքի հաղորդականութեան տիրապետած ըլլալով Լիբանան կամ այլուր հրաւիրուեցաւ իբրեւ բանախօս կամ դասախօս: Aquote2.png


Ճինիշեան եւ Հաուըրտ Գարակէօզեան Հաստատութիւններու խորհրդատու մարմնի անդամ[Խմբագրել | Խմբագրել աղբիւրը]

Ազատուհի Սիմոնեան Գալայճեանի ընկերային ծառայութիւնը կ'ընդգրկէ Ճինիշեան Յիշատակի ձեռնարկի 1999-2006 եւ Հաուրտ Գարակէօզեան մանկախնամ հաստատութեան 2008-էն սկսեալ խորհրդատու մարմնի անդամութիւնը:

Հրատարակութիւններ[Խմբագրել | Խմբագրել աղբիւրը]

ՀԱՅ ԿԻՆԸ, ԸՆՏԱՆԻՔԸ, ԵՐԻՏԱՍԱՐԴԸ, Ազատուհի Սիմոնեան, Անթիլիաս, 182 էջ, 1988:

ԵՐԻՏԱՍԱՐԴՈՒԹԻՒՆ ԵՒ ԴԱՍՏԻԱՐԱԿՈՒԹԻՒՆ, Ազատուհի Սիմոնեան, 120 էջ, Անթիլիաս, 1995:

Ազատուհի Սիմոնեան Գալայճեանի երկու հատորները «Հայ Կինը, Ընտանիքը, Երիտասարդը» 1988-ին եւ «Երիտասարդութիւն եւ Դաստիարակութիւն» 1995-ին հրատարակուած են Կիլիկիոյ Կաթողիկոսութեան Քրիստոնէական Բաժանմունքի կողմէն:

Ան հրատարակած է ուսումնասիրութիւն մը անգլերէն լեզուով, հայ առաջին ֆէմինիստ գրող Սրբուհի Տիւսաբի մասին 2000 թուականին եւ 2013-ին «Հայ Կինը եւ Մշակոյթը» հատորը, որ կը մեկտեղէ հեղինակին անգլերէն եւ հայերէն գրուած յօդուածներն ու ուսումնասիրութիւնները հայ կին դէմքերու մասին, որոնք ծառայած են հայ մշակոյթին եւ յատկապէս հայ գրականութեան: Յիշեալ բազմաբովանդակ հատորին մէջ միատեղուած են հեղինակի յօդուածները, նուիրուած` հայ ականաւոր դէմքերուն, ի թիւս` Ուիլիըմ Սարոյեան, Եղիշէ Չարենց, Յովհաննէս Թումանեան, Արշիլ Կորքի եւ այլն: Անդրադառնալով հայ մշակոյթի տարբեր բնագաւառներուն գրականութեանը, գեղանկարչութեանը, քանդակագործութեանը, եւ այլն` Ազատուհի Սիմոնեան Գալայճեանը այդ իւրաքանչիւր բնագաւառի ուսումնասիրութեան մէջ կը ցուցաբերէ իր բարձր գիտելիքները եւ իր հոգեմտային նրբազգաց ընկալման տաղանդը:

Հեղինակը «Հայ Կինը եւ Մշակոյթը» հատորին մէջ ամփոփեր է տարիներու ընթացքին հրատարակուած իր յօդուածները, որոնք գրաւելով լայն ընթերցողի ուշադրութիւնը, տպագրուեր են Լիբանանի «Ազդակ», «Արարատ», «Զարթօնք», «Խօսնակ», «Երիտասարդ Հայուհի», Լիբանանեան Ամերիկեան համալսարանի L.A.U. (Լ.Էյ.Եու.), Կանանց հիմնարկի պարբերականներուն, Միացեալ Նահանգներու «Երիտասարդ Հայաստան», «Նոր Կեանք» թերթերուն մէջ:

L.A.U. –ի կանանց հիմնարկի AL-RAIDA պարբերաթերթի եւ «Երիտասարդ Հայուհի» ամսաթերթի աշխատակից[Խմբագրել | Խմբագրել աղբիւրը]

Ազատուհի Սիմոնեան Գալայճեան անգլերէն լեզուով եւս կը գրէ յօդուածներ ու կը ներկայացնէ ուսումնասիրութիւններ հայ կին արժէքներու մասին L.A.U. –ի կանանց հիմնարկի AL-RAIDA պարբերաթերթին մէջ:

Ան գլխաւոր աշխատակից եղած է «Երիտասարդ հայուհի» ամսաթերթին 1965 թուականէն սկսեալ:

Հայ Կնոջ տարուան համագումարը՝ Լիբանան 2010 թուական[Խմբագրել | Խմբագրել աղբիւրը]

Մեծի Տանն Կիլիկիոյ Արամ Ա. Կաթողիկոսը 2010-ը թուականը հռչակեց Հայ Կնոջ Տարի, որուն եզրափակիչ նախաձեռնութիւնը եղաւ 25 Նոյեմբերին կայացած Տիկնանց Համագումարը։

Համագումարի զեկուցաբերներէն՝ Ազատուհի Սիմոնեան Գալայճեան ներկայացուց՝ «Ո՞ւր է հայ կինը ներկայ աշխարհի կնոջական շարժումներուն յարաբերաբար» նիւթը:

Aquote1.png Ինչու չարտայայտենք ու չապրինք մեր աւանդական արժանիքները որոնք մեզի փոխանցուած են սերունդէ սերունդ: Թուելու համար անոնցմէ մէկ քանին, յիշենք պատուախնդրութիւնը, միջ-ընտանեկան յարաբերութիւններու ընթացքին հայ կնոջ ցուցաբերած իմաստութեան, լայնախոհութեան եւ հանդուրժողութեան ոգին:
- Ազատուհի Սիմոնեան Գալայճեան
Aquote2.png


Խորհրդաժողովներ, գիտաժողովներ[Խմբագրել | Խմբագրել աղբիւրը]

29 Ապրիլ 2017 Հայկազեան Համալսարանի Հայկական Սփիւռքի Ուսումնասիրութեան Կեդրոն հանդիսասրահին մէջ Հայ կնոջ դերին ծիրն ու հզօրացումը խորհրդաժողովին Ազատուհի Սիմոնեան Գալայճեան մասնակցութիւնը բերաւ իր զեկոյցով՝ Հայ կինը առաջնորդող տարբեր դերերու մէջ՝ հայոց պատմութեան ընթացքին եւ Հայ Կնոջ Ներկայ Մարտահրաւէրները եւ Դերերը կլոր սեղանին:

12 Ապրիլ 2018 Հայկազեան Համալսարանի Հայկական Սփիւռքի Ուսումնասիրութեան Կեդրոնի Գահիրէ, Եգիպտոսի մէջ կազմակերպած ԵԳԻՊՏՈՍԻ, ՍՈՒՏԱՆԻ ԵՒ ԵԹՈՎՊԻՈՅ ՀԱՅԵՐԸ Գիտաժողովին, Ազատուհի Սիմոնեան Գալայճեան Առաջին Նիստին ելոյթ ունեցաւ իր զեկոյցով (անգլերէն) ներկայացնելով՝ «Արտէմիս, Կանանց Իրաւունքներու Պաշտպան Թերթը»: Ի տեղեկութիւն՝ Մարի Պէյլերեան 1902-1904 թուականներուն հիմնած ու խմբագրած է «Արտէմիս» ընտանեկան, գրական հանդէսը։

Ազատուհի Սիմոնեան Գալայճեան իր զեկոյցով (անգլերէն) ներկայացուց «Արտէմիս Կանանց Իրաւունքներու Պաշտպան Թերթ»-ի խմբագիր Մարի Պէյլերեանի մտահոգութիւնը որակեալ ուսուցիչներու բացակայութեան մասին եւ կանանց իրաւունքները յուզող հարցերը:

Aquote1.png Beylerian’s editorials in “Artemis” expressed her concern for the lack of qualifications of the teachers.
- Ազատուհի Սիմոնեան Գալայճեան
Aquote2.png


Շքանշան, Հայրապետական Կոնդակ, Օրհնութեան Գիր[Խմբագրել | Խմբագրել աղբիւրը]

2010-ին Ազատուհի Սիմոնեան Գալայճեան պարգեւատրուեցաւ «Սուրբ Մեսրոպ Մաշտոց» շքանշանով եւ Հայրապետական Կոնդակով Ն.Ս.Օ.Տ.Տ. Արամ Ա. Կաթողիկոսի կողմէն,Հայկազեան համալսարանի մէջ տեղի ունեցած յատուկ հանդիսութեան մը ընթացքին:

2018-ին Ազատուհի Սիմոնեան Գալայճեան արժանացաւ Օրհնութեան Գիրին Ամենայն Հայոց կաթողիկոս Ն.Ս.Օ.Տ.Տ. Գարեգին Բ.Կաթողիկոսին կողմէ առ ի գնահատութիւն Լիբանանահայ Գաղութի իր երկար տարիներու դաստիարակչական, մշակութային եւ ազգային գործունէութեան :

Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]

Տե՛ս նաեւ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]

  1. Հայ Իրականութեան Մէջ Հայ Կնոջ Նշանակելի Դերը