Փիցցա

Փիցցա (իտալ.` Pizza), իտալական խոհանոցի սննդատեսակն է, որոնք ներկայացուած են կլոր հացով` ծածկուած լոլիկի սոսով (դասական տարբերակ), պանիրով (սովորաբար՝ մոցարելլա) եւ այլ բաղադրիչներով^[1]։

Կը համարուի աշխարհի ամէնէնյայտնի ուտելիքներէն մէկը^[2]^[2]։

Փիցցայի հայրենիքը կը համարուի իտալական Նափոլի քաղաքը, ուր իտալացի թագուհի Մարկարիթայի այցին ժամանակ անոր հիւրասիրած են հաց՝ որուն վրայ լեցուած էին տարբեր ուտելիքներ^[3]։

Փիցցան կը յըշեցնէ Իտալիոյ դրօշակին գոյները՝ կարմիր (լոլիկ), սպիտակ (մոցարելլա պանիր) եւ կանաչ (ռեհան)։

Փիցցա պատրաստող եւ վաճառող հաստատութիւնները կը կոչուին փիծծերիաներ։

Պատրաստութիւն

Այս նափոլիթան փիցցայոլային աշխատանքը կազմուած է չորս փուլերէ. նախ եւ առաջ` խմորին պատրաստութիւնը, ապա` զայն շաղելը, խմորը «բանալը»` զայն օդին մէջ նետելով եւ, վերջապէս, փուռին մէջ եփելը:

Փիցցայոլա

Կան փիցցայոլայի երեք կարգեր` վարպետ փիցցայոլան, փիցցայոլան եւ փուռին պատասխանատուն: Այս արուեստը կենդանի պահելու համար ամէն տարի Նափոլիի մէջ Նափոլիթան փիցցայոլաներու ընկերակցութիւնը կը կազմակերպէ դասընթացքներ` փիցցայի պատմութեան, գործիքներու եւ պատրաստութեան թեքնիքներուն մասին: Այս թեքնիքները կը դասաւանդուին նաեւ Նափոլիի յատուկ դպրոցներուն մէջ. բայց աշակերտ փիցցայոլաները կրնան այս գիտելիքները սորվիլ Նափոլիթան ընտանիքներուն մէջ ալ:

Սակայն իսկական «գաղտնիքները» եւ աշխատելու կերպը կը փոխանցուին յատկապէս «պոթեկային» մէջ, ուր աշկերտ փիցցայոլաները կ'ուսումնասիրեն վարպետը իր աշխատավայրին մէջ, եւ կը սորվին արուեստին բոլոր փուլերն ու գլխաւոր հնարքները:

Հետաքրքրական

Աշխարհի ամէնէն սուղ փիցցան ծախուած է 2150 անգլիական փաունտի (2750 տոլար), 2007-ին, բարեսիրական կազմակերպութեան մը ի նպաստ: Անոր բաղադրութեան մէջ գործածուած է ձկնկիթ, շամփանիա, աստակոս, եղնիկի միս, պրանտի եւ կերակուրի յատուկ ոսկիի բարակ թերթի կտորներ^[4]:
1889-ին Իտալիոյ թագուհի Մարկարիթա տը Սաւոյ փիցցայի առաջին տան ապսպրանքը ըրած է: Ըստ աւանդութեան, Իտալիոյ Ումպերթօ Ա. թագաւորը եւ Մարկարիթա տը Սաւոյ թագուհին կ'այցելէին Նափոլի քաղաք, մօտաւորապէս 1889-ին: Երբ թագուհին կը հիւանդանայ փճացած ուտելիք օգտագործելէ ետք, կը պահանջէ շրջանի իտալական աւանդական ուտելիքը մատուցել^[5]:

ԵՈՒՆԵՍՔՕ

ԵՈՒՆԵՍՔՕ-ն արժեւորելով մեծ ժողովրդականութիւն վայելող փիցցան, զայն կ'արձանագրէ մարդկային մշակութային ոչ շօշափելի ժառանգութեան ցանկին մէջ^[6]:

Արտաքին յղումներ

Փիցցա պատրաստելու համար՝ բաղադրական չափեր.

Տե՛ս Նաեւ

Ծանօթագրութիւններ

↑ http://allrecipes.com/recipes/250/main-dish/pizza/
↑ ^2,0 ^2,1 http://www.cntraveler.com/galleries/2014-10-13/this-is-what-pizza-looks-like-around-the-world
↑ «Archive copy»։ արխիւացուած է բնօրինակէն-էն՝ 2015-12-05-ին։ արտագրուած է՝ 2015-12-09
↑ Ամէնէն սուղ փիծծան
↑ Առաջին ապսպրանքը
↑ Մարդկային մշակութային ոչ շօշափելի ժառանգութեան ցանկ

[1] ttp://allrecipes.com/recipes/250/main-dish/pizza/

[cntraveler.com-2] 2,0 ^2,1 http://www.cntraveler.com/galleries/2014-10-13/this-is-what-pizza-looks-like-around-the-world

[3] «Archive copy»։ արխիւացուած է բնօրինակէն-էն՝ 2015-12-05-ին։ արտագրուած է՝ 2015-12-09

[4] Ամէնէն սուղ փիծծան

[5] Առաջին ապսպրանքը

[6] Մարդկային մշակութային ոչ շօշափելի ժառանգութեան ցանկ

[1]

[2]

[3]

[4]

[5]

[6]