Վարվառա (Վարիա) Սահակեան

Jump to navigation Jump to search
Վարվառա (Վարիա) Սահակեան
Մահուան վայր Լիբանան
Ազգութիւն Հայ
Գործունէութիւն Առաջին Խորհրդարանի (1919-1920) Պատգամաւոր
Ամուսին Աւետիք Սահակեանի (Հայր Աբրահամի)
Երեխաներ Արմէնը (ծն.՝ 1905) եւ Սուրէն[1]

Վարվառա (Վարիա) Սահակեան Առաջին Խորհրդարանի (1919-1920) Երեք Կին Պատգամաւորներէն մին էր:


Կենսագրութիւն[Խմբագրել | Խմբագրել աղբիւրը]

Աւետիք Սահակեանի (Հայր Աբրահամի) կինն էր:[2] Առաջին հանրապետութեան տարիներուն ընտրուած է խորհրդարանի պատգամաւոր եւ ընդգրկուած կրթական ծրագիրներու մէջ: Այդ շրջանին ան ծանր կորուստ կրեց. անհրաժեշտ դեղորարքի պակասէն մահացաւ անոր զաւակը:

Ատոր յաջորդեց` Հայաստանի խորհրդայնացումը, ամուսինին բանտարկութիւնը: Փետրուարեան յեղափոխութեան ժամանակ Վարիան, ամուսինը եւ երկու զաւակները՝ Արմէնն ու Սուրէնը ոտքով փախան Թաւրիզ: Այստեղ վեց տարի ապրելէ ետք Սահակեանները փոխադրուեցան Հարաւային Իրան, Հետագային` Իրաք: Սակայն կլիման չափազանց վատ անդրադարձաւ Վարիայի առողջութեան վրայ, որուն պատճառով ալ ընտանիքը ստիպուած եղաւ տեղափոխելու Լիբանան:

Պէյրութ, Լիբանան Հայ Օգնութեան Միութիւն[Խմբագրել | Խմբագրել աղբիւրը]

Պէյրութի մէջ ան դարձեալ ներգրաւուեցաւ հասարակական գործունէութեան մէջ` մասնակցելով Օգնութեան Խաչի աշխատանքներուն: 1932ին ճակատագիրը մէկ նոր հարուած հասցուց. ան կորսնցուց միւս զաւակը, մէկ տարի անց` ամուսինը: Այս հարուածները վերջնականապէս քայքայեցին Վարիայի առողջութիւնը, եւ շատ չանցած ան կնքեց իր մահկանացուն:

Ընտանիք[Խմբագրել | Խմբագրել աղբիւրը]

Վարվառա (Վարիա) Սահակեանի եւ Աւետիք Սահակեանի (Հայր Աբրահամի) որդիներ՝ Արմէնը ծնած է 1905-ին, եւ Աւետիք Սահակեան մտաւորականի համար յատկանշական էր, որ հակառակ թաւրիզեան կեանքի ծաներ պայմաններուն ան ամէն ինչ կ'ընէր որդիներուն կրթութիւն տալու համար: Կրտսեր որդին Արմէնը 1921-ին կ'ընդունուի Թաւրիզի երկսեռ հանրակրթական միջնակարգ ուսումնական հաստատութիւնը, որ կ'աւարտէ Յունիս 1923-ին՝ գերազանց առաջադիմութեամբ: Այնուհետեւ Արմէնը կը մեկնի Փարիզ, ուր հասարակ աշխատաւոր էր երկաթուղային կայարանի մէջ, ապա կը կարողանայ աշխատանք ճարել ռուսական թերթերէն մէկի տպարանին մէջ: Այս ծանր կեանքին զուգահեռ Արմէնը կարողացաւ ուսանիլ եւ աւարտել Սթրասպուրկի Համալսարանի հանքաբանութեան բաժինը՝ քարիւղի Նաւթի մասնագիտութեամբ: Նոյն դժուար պայմաններուն դիմակայելով Վարվառա (Վարիա) Սահակեանի եւ Աւետիք Սահակեանի (Հայր Աբրահամի) անդրանիկ որդին՝ Սուրէնը կ'աւարտէ Փրակայի մէջ Քիմիագիտութեան կաճառը, ապա կ'անցնի Փուքրէշ, Ռումանիա, ուր ապրուստը ապահովելու համար թաքսի վարորդ կ'աշխատի: [3]


Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]

ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹԻՒՆՆ ՈՒ ԿՆՈՋ ՆԵՐԳՐԱՒՈՒՄԸ