Սուրբ Ղազար կղզի

Jump to navigation Jump to search


Սուրբ Ղազար կղզի (իտալ.՝ San Lazzaro degli Armeni, անգլերէն՝ Saint Lazarus Island), փոքր կղզի Վենետիկի ծոցի մերձաւոր ջուրերու վրայ, հիւսիսային Իտալիա, Լիտո կղզիէն անմիջապէս դէպի արեւմուտք։ Կը պատկանի Մխիթարեան միաբանութեան, այդ միաբանութեան մայրավանքն է։

եկեղեցին
Սուրբ Ղազար Կղզի


Ընդհանուր տեղեկութիւններ[Խմբագրել | Խմբագրել աղբիւրը]

Կղզեակի մեկուսացումը, որոշ հեռաւորութեան վրայ գտնուիլը Վենետիկ քաղաքը կազմող հիմնական կղզիներէն, այն նպաստաւոր վայր դարձած է բորոտ գաղութ Գարանթինի կայարանին մէջ։ Կղզին հիմնադրուեր է տասներկրորդ դարուն, ստանալով իր անունը սուրբ Ղազար, հովանաւոր՝ սուրբ և բորոտավարակներու։ Լքուած է տասնվեցերորդ դարուն, իսկ 1717ին Վենետիկի իշխող խորհուրդի կողմէն այն տրուած է խումբ մը հայ վարդապետներու։ Մխիթար Սեբաստացի և անոր տասնեօթ վարդապետները կառուցեր են վանքը, վերականգներ հին եկեղեցին եւ ընդլայներ կղզին իր ներկայ 30,000 քմ, մօտ չորս անգամ աւելի իր նախնական տարածքէն։

Հիմնադիրներու եռանդի եւ բարեգործութեան շնորհիւ, արեւելագիտական ուսումնասիրութիւններու համար, կը հիմնեն Մխիթարեան Կարգը։ Միաբանութիւնը կը հրատարակէ պատմական, բանասիրական եւ գրականագիտական աշխատութիւններ եւ անոնց վերաբերող նիւթեր, որոնք յայտնի էին ինչպէս իրենց գիտական մակարդակով և ճշգրտութեամբ, այնպէս եւ բազմալեզու հրատարակութիւններու գեղարուեստական արժէքով։ Տպագրատունը փակվեց 1991 թ, սակայն 18րդ դարու տպագրական մեքենան հիմա ալ կարելի է տեսնել։ Սուրբ Ղազար կղզիի եկեղեցւոյ պահոցներուն մէջ կայ շուրջ 150,000 անուն գիրք, ինչպէս նաեւ 4,000 աւելի հայկական ձեռագիրներով, վարդապետներու կողմէն հաւաքած եւ նուէր ստացած Արաբական, հնդկական և Եգիպտական արուեստի փաստաթուղթերով հարուստ թանգարան։

Եկեղեցին եւ իր պարտէզները, որոնք յայտնի են իրենց սիրամարգերով, կարելի է հասնիլ վափորեթոյով (#20 Ս. Զաքարիայէն, Սան Մարքօ հրապարակի մօտ)։ Զբոսաշրջիկներու խումբերը կրնան յատուկ այց խնդրել համապատասխան ժամանակացոյցով։ Հոգևորականները կ'ուղեկցեն այցելուներուն քանի մը լեզուներով կը ներկայացնեն կղզիի պատմութիւնը։ Սուրբ Ղազար կղզին՝ գիտնականներու եւ ուսանողներու հիւրընկալելու երկարաժամկէտ աւանդոյթ ունի։ Կղզիին մէջ հիւրընկալուած է Լորտ Պայրընը, որ 1816 թ. ընթացքին հայերէն կ'ուսումնասիրէր։ Լորտ Պայրընի հիւրընկալութիունը կը յիշատակուի մշտական ցուցադրութեամբ։

Մշակութային[Խմբագրել | Խմբագրել աղբիւրը]

Հովհաննէս Շիրազը կղզիի մասին բանաստեղծութիւն ունի.

Aquote1.png

Օտար ջրերում հայացեալ Կղզի
Հայոց հին լոյսն է քեզնով նորանում...
Գիտեմ տքնում ես, այս է դարեց-դար,
Հայրենիքից դուրս՝ հայրենեաց համար։

- [[[Յովհաննէս Շիրազ]]]]
Aquote2.png


Պատկերասրահ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]